Lajme me te reja nga bota e Teknologjisë

Nokia Ovi Maps 3.0
Nokia ka paralajmëruar versionin e tretë të softuerit për navigacion për mbi 40 modele të saja i cili vjen nën emrin Ovi Maps.

Ovi Maps në versionin e tij të tretë sjell përmirësime të shumta nga të cilat veçohen incizimet satelitore të rezolucionit të lartë, mundësia e shikimit 2D dhe 3D në harta si dhe modelet tredimensionale në vendet e shquara të mbi 200 qyteteve të botës.

Softueri ofron mundësimin e navigacionit për ecje në këmbë dhe vozitjes ku paraqiten informacionet për kufizimet e shpejtësisë apo lokacionet e radarëve.

Xperia e re do të bazohet në Android
Kompania Sony Ericsson po na e përgatit një befasi të këndshme: versionin e ri të telefonit të tyre më të fuqishëm të mençur, Xperia, por kësaj radhe me sistemin operativ Android nga Google.

Nga portali danez Mobil pohojnë se kanë depërtuar deri tek dokumentet interne nga Sony Ericsson në të cilën përshkruhet Xperia e re, dhe këtë e kanë përshkruar me fotografi bukur bindëse.

E tash, ku është “forja”? Epo, Xperia e parë, edhe pse e fuqishme në letër, thjesht e ka pasur platformën e gabuar. Windows Mobile 6.1, e cila atë kohë ka qenë në lojë, thjeshtë është platformë e keqe në krahasim me konkurrencën, që e ka dëshmuar edhe vet kompania Microsoft e cila pas një varg kritikash i ka paraqitur dy versionet e saj të radhës: Windows Mobile 6.5 (e cila veçmë është në qarkullim) si dhe Windows Mobile 7.0 e cila pritet të dalë.

Mirëpo, për Xperian ndoshta tanimë është vonë, nëse mund t’u besohet të dhënave nga portali Mobil, në Sony Ericsson kanë vendosur që modeli i ri të bazohet në platformën Android të kompanisë Google, që, nëse na pyesni neve, është zgjidhje shumë më emirë.

Për pajisjen e re nuk dihet shumë, por ajo që dihet tingëllon tepër mirë për të qenë e vërtetë: fotoaparat me rezolucion prej tetë megapikselash dhe procesori Snapdragon nga Qualcomm me takt punues prej 1 GHz? Sigurisht që as ne nuk do të ankohemi, nëse këto dhëna të dalin të janë të sakta.

Toshiba Dynabook TV e TX
Toshiba ka paraqitur dy modele të reja në linjën e saj të laptopëve multimedial Dynabook, të versioneve TV e TX.

Dynabook TV vjen me tunerin televiziv hibrid dhe teledirigjues. Diagonalja e ekranit është 16 inç, derisa rezolucioni është 1.366 x 768 piksela.

Në të është integruar procesori Core 2 Duo P8700 i kompanisë Intel me takt punues prej 2.53 GHz, laptopi mund të pajiset me maksimum 4 GB RAM, disk 400-gigabajt, përmban DVD writer, dalje HDMI, qasje eSATA si dhe lexues të kartelave të memories.

Modeli tjetër me emrin Dynabook TX gjithashtu vjen me ekran prej 16 inç dhe specifika pothuajse të njëjta, mungon vetëm tuneri televiziv.

Të dy laptopët vijnë me Vista, derisa versionet me atë Windows 7 janë paralajmëruar për muajin janar të vitit të ardhshëm. Laptopët do të dalin në shitje në tregun japonez deri në fund të kësaj jave, mirëpo çmimi i tyre nuk është bërë publik.

Vjen ekrani më i mirë dhe më i hollë LCD nga Samsung
Kur bëhet fjalë për ekranet LCD, disi nga dukej se beteja se kush është më i shpejti, më i holli dhe më i miri disi ishte shuar, marrë parasysh se kjo teknologji ka arritur nivele të larta në të tri bazat e përmendura, mirëpo duket se Samsung nuk mendon ashtu.

Samsung XL2370 para së gjithash theksohet për kornizën e tij gjysmë transparante, që na përkujton në disa televizorë, mirëpo sigurisht do të përshtatet mirë edhe në rolin e ekranit në tavolinën e punës. Gjithashtu, shtëpiza është njëra prej më të hollave në botë, ka trashësi sa një gisht - 0.65 inç, apo 1.65 centimetra.

Sa u përket karakteristikave teknike, diagonalja e tij është 23 inç, rezolucioni është HD (1.920 x 1.080 piksela), kontrasti 5.000.000:1, derisa koha e përgjigjes është dy milisekonda.

Pasjisja do të paraqitet në treg gjatë muajit gusht të këtij viti.

Linux mbështet i pari USB 3.0!
Është ditur që Linux do të jetë sistemi i parë i cili do të mbështes USB 3.0, vëllaçkoja më i shpejtë i USB 2.0.

Shpejtësia e transferimit e USB 2.0 është shumë mbresëlënëse, me lidhjen që lejon 5Gbps herë shkarkimi. Nuk është çudi që lidhësi është dyfishuar me SuperShpejtësi.

Tani për tani USB 2.0 mund të kaloj informacionin në 480 Mbps.

Kernel 2.6.31
Zhvilluesja e softuerit Open Source ne Intel, Sarah Sharp, vërejti në lajme se një zhvillues i Linux në Open Source Technology Center të kompanisë Intel ishte duke punuar në standardin Nec, HP dhe Microsoft.

"Unë jam duke punuar me Keve Gabbert (personi nga grupi im OSV në Intel) për të siguruar se distribucionet e Linux sikur Ubuntu dhe Red Hat të kapin xHCI driverin. Përdoruesit e avancuar gjithmonë mund të kompilojnë kernelin e tyre në një distro të instaluar në mënyrë standarde", tha Sharp në uebfaqen e saj.

USB 3.0 është paraqitur në Kernel 2.6.31, që do të thotë se përdoruesit e Linux do të jenë në gjendje të kanë USB 3.0 në shtator.

Për ata që nuk iu pritet aq gjatë, Sharp ka disa udhëzime se si të krijoni Kernelin e ndryshuar për standard, ju mund t'i gjeni në: http://sarah.thesharps.us

Produktet që përdorin USB 3.0 do të dalin në shitje nga fundi i 2009 dhe në fillim të 2010, por është mirë të shihet se si Linux është më herët me mbështetje të softuerin dhe gati për harduerin e jo e kundërta.

Nokia: S’ka gjë prej Androidit
Nokia ka demantuar zyrtarisht thashethemet për zhvillimin e telefonit të mençur të bazuar në sistemin operativ Android.

Nokia ka reaguar në lajmin e gazetës britanike “The Guardian” mbi zhvillimin e telefonit të mençur me sistemin operativ Android të kompanisë Google.

Kompania zyrtarisht ka hedhur poshtë zhvillimin e pajisjeve me Android, e sipas të gjitha gjasave një celular i tillë as që është në plan.


Nokia thekson se se platforma e tyre kryesore për telefona të mençur është Symbian, që nuk është për t’u çuditur kur merret parasysh se nga qershori i vitit të kaluar në pjesën më të madhe është pronësi e Nokias.

Facebook çdo ditë e më shumë si Twitter
Rrjeti online Facebook kohë më parë ka sjell dy risi në ridizajnin e faqes së vet, prandaj përdoruesit mund të kënaqen në Public Profiles dhe Fan Modes.

Sikur edhe tek Twitter, përdoruesit mund të ta bëjnë statusin e tyre publik, e në të njëjtën kohë mund të bëhen edhe adhurues të dikujt në Facebook. Nuk ka rëndësi nëse atë person e njohin apo jo. Diç e ngjashme sikur të opsioni “Follower” tek Twitter.

Në përgatitje e sipër është versioni i ri i aplikacionit për iPhone, i cili aktualisht është 95 për qind i përfunduar.

Në mes tjerash, aplikacioni i ri përfshinë edhe mundësinë e furnizimit me lajme (News Feed), shënime, faqe, albume fotografish, shfletim të albumeve të fotografive në Facebook dhe shumë gjëra tjera të cilat përdoruesve të celularit të popullarizuar iPhone do t’u ofrojë navigacion më të lehtë nëpër Facebook.

Google do të lansojë sistemin e vet operativ
Kompania Google është duke u përgatitur për prezantimin e sistemit operativ për kompjuterë gjatë vitit të ardhshëm, me të cilën gjë do të tentoj të ulë dominimin e Microsoft Windows.

Sistemi operativ Google Chrome do të jetë i dedikuar për laptopë, derisa krijuesit e tij e përshkruajnë si të lehtë dhe të shpejtë. Ai do t’u mundësojë përdoruesve qasje në internet për disa sekonda, pohon Google.

Kompjuterët netbook me këtë sistem operativ do të janë të disponueshëm në treg në pjesën e dytë të vitit 2010, thuhet në njoftim dhe shtohet se Google është duke bashkëpunuar me disa prodhues në këtë projekt.

Sistemi i ri operativ është i bazuar në kodin e Linuxit, derisa Google potencon se ky është një produkt tërësisht i ri, i ndarë nga sistemi operativ për telefona të avancuar celularë.

"Të gjitha aplikacionet e bazuara në ueb do të punojnë automatikisht, derisa aplikacionet e reja mund të bëhen me përdorimin e teknologjive të preferuara të uebit", ka shkruar në blogun e tij Sundar Pichai, zëvendësdrejtor i menaxhmentit për prodhim.

Më shumë fuqi, më shumë ekonomi
Prodhuesi Citroën edhe zyrtarisht i ka publikuar detajet e motorit të ri të avancuar me naftë 3.0 HDi V6, i cili nga kjo verë do të fillojë të shitet me modelet C5 e C6.

Në vend të motorit të njohur 2.7 litërsh HDi me fuqi prej 208 kuaj fuqi, të zhvilluar në bashkëpunim me grupimin PSA dhe Ford, në ofertën e re të prodhuesit francez gjendet i riu, me 300 ccm volum të shtuar.

Falë këtij volumi, fuqia tani është 240 KF, dhe si i tillë është motori më i fuqishëm në historinë e Citroën.

Shpenzimi i karburantit është zvogëluar për 13-17 për qind, si dhe emetimi i CO2, i cili është në mes 12-15 për qind më i vogël sesa tek 2.7 litërshi me naftë. Motori në fjalë i plotëson standardet EURO 5 të cilat fillojnë së aplikuari në fillim të vitit 2011.

I çiftëzuar me marshin automatik prej gjashtë shpejtësish, motori i ri shpenzon pak më shumë sesa shtatë litra naftë në 100 kilometra të kaluara, derisa emetimi i CO2 është 195 gramë për kilometër.

Opel Astra – pamjet e para të enterierit
Opel Astra praktikisht është paraqitur disa herë, dhe me secilën nga fotografitë të reja të paraqitura kemi mësuar nga diç të re. Mirëpo, edhe pse ky automjet më i rëndësishëm i Opelit do të ketë premierën e tij në vjeshtë në panairin e automjeteve në Frankfurt, fotografitë e enterierit tanimë janë publikuar.

Siç edhe është pritur, Astra mbështetet shumë në Opel Insignian sa i përket enterierit. Me këtë personat përgjegjës në Opel kanë dashur të rrisin nivelin e kualitetit dhe ndjenjës së mirë brenda automjetit, prandaj kopjimi i Insignias është gjëja e duhur, derisa Astra duket shumë e fuqishme me shtojcat e vendosura nga alumini.

Shumë njerëz kanë kritikuar gjeneratën e tanishme të Astras për shkak të enterierit të varfër, derisa ky version i fundit lë përshtypje krejtësisht tjetër. Inxhinierët e kanë emëruar “hapësirë inteligjente”, prandaj vend për imtësira ka në çdo vend të mundshëm të tij.


Shihni animacionin e mëposhtëm dhe kuptoni se për çfarë bëhet fjalë:

Nokia Ovi Maps 3.0

Nokia ka paralajmëruar versionin e tretë të softuerit për navigacion për mbi 40 modele të saja i cili vjen nën emrin Ovi Maps.

Ovi Maps në versionin e tij të tretë sjell përmirësime të shumta nga të cilat veçohen incizimet satelitore të rezolucionit të lartë, mundësia e shikimit 2D dhe 3D në harta si dhe modelet tredimensionale në vendet e shquara të mbi 200 qyteteve të botës.

Softueri ofron mundësimin e navigacionit për ecje në këmbë dhe vozitjes ku paraqiten informacionet për kufizimet e shpejtësisë apo lokacionet e radarëve.



Në aplikacion është integruar edhe parashikimi i motit për pesë ditët e ardhshme.

Xperia e re do të bazohet në Android

Kompania Sony Ericsson po na e përgatit një befasi të këndshme: versionin e ri të telefonit të tyre më të fuqishëm të mençur, Xperia, por kësaj radhe me sistemin operativ Android nga Google.

Nga portali danez Mobil pohojnë se kanë depërtuar deri tek dokumentet interne nga Sony Ericsson në të cilën përshkruhet Xperia e re, dhe këtë e kanë përshkruar me fotografi bukur bindëse.

E tash, ku është “forja”? Epo, Xperia e parë, edhe pse e fuqishme në letër, thjesht e ka pasur platformën e gabuar. Windows Mobile 6.1, e cila atë kohë ka qenë në lojë, thjeshtë është platformë e keqe në krahasim me konkurrencën, që e ka dëshmuar edhe vet kompania Microsoft e cila pas një varg kritikash i ka paraqitur dy versionet e saj të radhës: Windows Mobile 6.5 (e cila veçmë është në qarkullim) si dhe Windows Mobile 7.0 e cila pritet të dalë.

Mirëpo, për Xperian ndoshta tanimë është vonë, nëse mund t’u besohet të dhënave nga portali Mobil, në Sony Ericsson kanë vendosur që modeli i ri të bazohet në platformën Android të kompanisë Google, që, nëse na pyesni neve, është zgjidhje shumë më emirë.

Për pajisjen e re nuk dihet shumë, por ajo që dihet tingëllon tepër mirë për të qenë e vërtetë: fotoaparat me rezolucion prej tetë megapikselash dhe procesori Snapdragon nga Qualcomm me takt punues prej 1 GHz? Sigurisht që as ne nuk do të ankohemi, nëse këto dhëna të dalin të janë të sakta.

www.sonyericsson.com

Toshiba Dynabook TV e TX

Toshiba ka paraqitur dy modele të reja në linjën e saj të laptopëve multimedial Dynabook, të versioneve TV e TX.

Dynabook TV vjen me tunerin televiziv hibrid dhe teledirigjues. Diagonalja e ekranit është 16 inç, derisa rezolucioni është 1.366 x 768 piksela.

Në të është integruar procesori Core 2 Duo P8700 i kompanisë Intel me takt punues prej 2.53 GHz, laptopi mund të pajiset me maksimum 4 GB RAM, disk 400-gigabajt, përmban DVD writer, dalje HDMI, qasje eSATA si dhe lexues të kartelave të memories.

Modeli tjetër me emrin Dynabook TX gjithashtu vjen me ekran prej 16 inç dhe specifika pothuajse të njëjta, mungon vetëm tuneri televiziv.



Të dy laptopët vijnë me Vista, derisa versionet me atë Windows 7 janë paralajmëruar për muajin janar të vitit të ardhshëm. Laptopët do të dalin në shitje në tregun japonez deri në fund të kësaj jave, mirëpo çmimi i tyre nuk është bërë publik.

Vjen ekrani më i mirë dhe më i hollë LCD nga Samsung

Kur bëhet fjalë për ekranet LCD, disi nga dukej se beteja se kush është më i shpejti, më i holli dhe më i miri disi ishte shuar, marrë parasysh se kjo teknologji ka arritur nivele të larta në të tri bazat e përmendura, mirëpo duket se Samsung nuk mendon ashtu.

Samsung XL2370 para së gjithash theksohet për kornizën e tij gjysmë transparante, që na përkujton në disa televizorë, mirëpo sigurisht do të përshtatet mirë edhe në rolin e ekranit në tavolinën e punës. Gjithashtu, shtëpiza është njëra prej më të hollave në botë, ka trashësi sa një gisht - 0.65 inç, apo 1.65 centimetra.

Sa u përket karakteristikave teknike, diagonalja e tij është 23 inç, rezolucioni është HD (1.920 x 1.080 piksela), kontrasti 5.000.000:1, derisa koha e përgjigjes është dy milisekonda.



Pasjisja do të paraqitet në treg gjatë muajit gusht të këtij viti.

www.samsung.com

Celular i Nokias i rezistueshëm ndaj ujit e pluhurit

Nokia ka paraqitur një celular të ri me mundësi relativisht modeste, por të rezistueshëm ndaj ndikimeve të jashtme, para së gjithash ndaj ujit e pluhurit. E për dallim nga pajisjet tjera të këtij lloji, kjo madje edhe duket bukur.

Nokia 3720 mund të lavdërohet për mbështetje të teknologjisë EDGE, fotoaparatin me dy megapiksela (me blic LED), radio FM, Bluetooth 2.1 si dhe mundësinë e zgjerimit të memories me anë të kartelave microSD.

Nuk është keq, por jo edhe diçka spektakolare, mirëpo kur kuptoni se këtë celular mund ta fusni në midis të pluhurit apo ta shpërlani me ujë e mos ta gjej gjë, e krejt këtë për 125 euro, gjërat atëherë tingëllojnë shumë më mirë.

www.nokia.com

4 GB në syze dielli

A ju vjen turp që pas vetes të bartni memorie USB, shtiruni që janë “vetëm syze dielli” dhe atë hiq më pak se të Calvin Klein.

Syzet e diellit të vijnë nga kompania prestigjioze Calvin Klein, në vete fshehin memorien USB prej 4 GB e cila vjen si shtojcë.

Këto nuk janë syzet e para me memorie, por këto vijnë me firmë dhe do tu kushtojnë 200 dollarë, nëse jetoni në SHBA.

Edhe pse nuk kemi fort merak t’i përzihemi Calvin Kleinit në vendimet e veta, kjo far pajisje e cila do të paraqitet në tetor të këtij viti është bukur e paqartë për ne.

Fotoaparat tredimensional nga Fujifilm

Detajet për aparatin e ri fotografik nga Fujifilm i cili ka dy thjerrëza dhe mund të bëj fotografi 3D kanë filluar të rrjedhin ngadalë.

Pajisja do të duhej të del në treg gjatë muajit shtator dhe atë me çmim prej rreth 600 dollarë.

Çmimi është bukur i kripur në krahasim me fotoaparatet tjera, mirëpo kështu ndodhë gjithmonë nëse doni diçka që askush tjetër nuk ka: fotografi tredimensionale.

Për fat të keq, nëse doni t’i shihni fotografitë, do të ju duhet të blini edhe letrën speciale për shtypje, apo një kornizë speciale digjitale LCD e cila do t’i paraqes ato, që do të thotë se do t’iu duhet të shpenzoni edhe shumë para tjera, që me gjasë do të zmbraps shumicën e blerësve potencialë.

Motorola ROKR ZN50 – multimedia në xhep

Derisa të gjithë presin padurim që edhe Motorola të paraqet pajisjen e vet me sistemin operativ Android të Google, kjo kompani amerikane ka paraqitur edhe një model intrigues. Bëhet fjalë për telefonin ROKR ZN50 me ekran të ndjeshëm në prekje, i cili me dizajnin e tij ngjan shumë me brendin Nokia XpressMusic.

Ky është telefoni i parë i kësaj kompanie e cila në vete përmban pamjen Motorola Panorama e cila ka tre paraqitje të ndryshme të ekraneve.

Motorola ROKR ZN50 ekran TFT me madhësi prej 2.5 inçësh me rezolucion 240 x 427 piksela, fotoaparat prej tre megapikselash me auto-fokus, pranues të integruar për GPS, stereo Bluetooth dhe mbështetje për HSDPA.

Kapacitetet për ruajtjen e dhënave janë të mira dhe në telefon mund të vendosen rreth 16 GB hapësirë të dhënave me anë të kartelave të memories microSD.

Peugeot 3008 e 308 SW automjete afariste të vitit

Në garën për titullin prestigjioz “Automjeti afarist i vitit 2009” në Gjermani, vendin e parë në kategorinë "automjeti i vogël kompakt" e ka zënë modeli Peugeot 3008.

150 ekspertë për dy ditë rresht kanë testuar 61 modele të prodhuesve të ndryshëm, me to kanë kaluar mbi 50.000 kilometra dhe si automjetin më të mirë afarist në kategorinë “automjeti i vogël kompakt” kanë shpallur Peugeot 3008 si fitues absolut, i cili i bashkon të gjitha përparësitë dhe karakteristikat pozitive të automjeteve sportive, të kombinuara dhe limuzinave.

Peugeot 308 SW sipas votave të jurisë për herë të dytë me radhë është shpallur automjeti më i mirë për afarizëm në kategorinë e “automjeteve kompakte” dhe me këtë e ka arsyetuar shpërblimin të cilën Peugeot i është dorëzuar për këtë model edhe gjatë vitit të kaluar, derisa në radhitjen e përgjithshme gjendet në vendin e tretë.

Në radhën e fituesve gjendet edhe modeli 107 i Peugeot, i cili që prej fundit të vitit 2008 mund të gjendet në versionin e ridizajnuar.

Garën “automjeti afarist i vitit” e organizon revista e ekspertëve automobilistik nga Gjermani "Firmenauto“ dhe DEKRA, organizata kryesore për kontrollin e automjeteve.

Vjen netbooku i parë i bazuar në Android

Kompania Acer do të duhej që gjatë muajit gusht të paraqes netbookun e parë me sistemin operativ Android të Google, por jo vetëm me të; bëhet fjalë për zgjidhje dual-boot, ku përdoruesit gjatë nisjes së kompjuterit mund të zgjedhin në mes të Windows XP-së dhe Androidit.

Nëse pyesni se çfarë dreqi po lyp sistemi operativ i dedikuar për telefona të mençur (Android) në kompjuterë, pyetja është me vend. Mirëpo, Android është sistem bukur i fuqishëm, i cili me disa modifikime të caktuara mund të fut në lëvizje laptopin, me shpenzim minimal të baterisë dhe ka kërkesa të vogla harduerike.

Për të mos refuzuar përdoruesit potencialë, kompania Acer që të ofrojë zgjidhje ashtu që me netbookun e ri do të ofrojë dy sistemet operative njëkohësisht: Windows XP e Android.

Të dhënat e sakta të netbookut të ri nuk dihen, mirëpo mund të pritet që të jetë i bazuar në procesorin Atom të kompanisë Intel.

www.acer.com

Edhe LG bëhet me dyqanin e vet online

Se dyqanet e aplikacioneve dhe materialeve tjera për celularë po dalin “si kërpudhat pas shiut” dëshmon edhe lansimi i një shërbimi të tillë nga kompania LG.

Duke ndjekur hapat e Apple, e më pas edhe të prodhuesve tjerë, edhe LG ka hapur dyqanin e vet online të aplikacioneve dhe përmbajtjeve tjera të dedikuara për celularë.

Për fillim, shërbimi do të jetë i qasshëm në Kore, Malajzi, Singapor dhe Australi, mirëpo deri në fund të vitit është paralajmëruar lansimi i tij edhe në tregun e Amerikës Jugore. Tregu amerikano-verior, ku dominojnë Apple e RIM, nuk hyn në planet e tanishme të kompanisë.

Tani për tani në shërbim gjenden 1.400 aplikacione, derisa 100 prej tyre janë pa pagesë. Deri në fund të vitit planifikohet të shtohen edhe 600 aplikacione.

Facebook bëhet me konkurrent

Në internet është paraqitur Skinbook, respektivisht rrjeti online i shoqërimit për nudistë dhe natyralistë. Deri më tani i janë bashkuar 6.000 njerëz, derisa krijuesit e tij shpresojnë që së shpejti do t’i bëhen konkurrencë rrjetit të popullarizuar Facebook.

Edhe Skinbook ofron krijimin e miqësive si dhe publikimin e fotografive dhe video materialeve. Njëri prej krijuesve të këtij rrjeti, 24-vjeçari Karl Maddocks thotë se dëshiron të inkurajojë njerëzit të cilët nuk janë aq krenarë me trupin e tyre.

Faqja e internetit është krijuar vitin e kaluar kur disa studentë nga Manchesteri pas pushimit të tyre në një plazh nudiste kanë filluar të shkëmbejnë përvojat e tyre.. Maddocks thotë se ka dashur ta fshijë, por e ka kuptuar se do të ishte dëm i madh po që se do të bënte një gjë të tillë.

Fillim i shkëlqyeshëm për makinën e kërkimit Bing

Pas paraqitjes së makinës së re të kërkimit Microsoft në muajin qershor ka shënuar 8 % më shumë përdorues unik në krahasim me muajin maj.

Sipas të dhënave zyrtare të kompanisë Microsoft, numri i përdoruesve unik të makinës së tyre të kërkimit Bing është rritur për tetë për qind më shumë krahasuar me majin kur ka ende ka qenë aktuale makina e vjetër e kërkimit. Trafiku në faqet e dedikuar si Bing Shopping madje është trefishuar, derisa Bing Travel ka shënuar rritje deri në 90 për qind.

Microsoft gjithashtu thekson se sipas anketave numri i përdoruesve të cilët të do të rekomandonin makinën e kërkimit të Microsoftit në muajin e parë pas paraqitjes së Bing ka qenë dy herë më i madh sesa gjatë muajve të kaluar.

Sony paraqet video Walkmanin e e ri

Video Walkmani E440 miniatural nga kompania Sony nuk ka ekran OLED si walkmanët tjerë, por për këtë edhe çmimi do të jetë dukshëm më i arsyeshëm.

Sony Walkman E440 vjen me ngjyrë të zezë apo në kombinim të ngjyrave kuq e zi, mbështet formatet MP3, WMV e WMA, ka radio FM (nga e cila mund të incizoj drejtpërsëdrejti në diskun e pajisjes) dhe equalizer.

Bateria do të mund të mbaj deri në gjashtë orë video paraqitje dhe 30 orë riprodhim të muzikës, derisa si për çudi, kapaciteti i diskut nuk përmendet në njoftimin zyrtar.

Ekrani është LCD dhe ka diagonale prej vetëm dy inçësh, që është mangësi për një pajisje e cila është e dedikuar për riprodhimin të video materialeve. Mirëpo seria E nënkupton pajisje më të lira për përdoruesit të cilat nuk kërkojnë shumë, prandaj mund të pritet që edhe E440 do të jetë më i arsyeshëm në çmim nga konkurrentët e tij me ekrane më të mëdha.

Çmimi i saktë dhe data e paraqitjes në treg nuk dihen.

www.sony.com

Shkarkohen një miliardë e gjysmë aplikacione për iPhone

Para më pak se tre muaj kemi shkruar për miliardin e parë të aplikacioneve për iPhone të cilat përdoruesit i kanë shkarkuar nga hapja e dyqanit online Apple App Store, e tani kjo shifër është ngritur në një miliard e gjysmë.

Nëse dikush ka arritur të pozicionohet mirë përballë recesionit global i cili po i dridh të gjitha tregjet e botës që një vit, atëherë ajo është kompania Apple. Me kompjuterët Mac nuk po i ecën aspak keq, iPhone po shitet jashtëzakonisht mirë, derisa përdoruesit çdo ditë e më shumë po e shohin këtë pajisje si platformë dhe nuk përtojnë të provojnë ndonjë aplikacion nga Apple App Store. Sa për rikujtim, nga secili aplikacion i shitur Apple merr 30 për qind.

Krejt kjo do të thotë se iPhone është duke zënë pozitë çdo ditë e më të rëndësishme në tregun e telefonave të mençur, derisa vlerësimet e fundit të analistëve thonë se Nokias nuk po i shkruhet mirë.

Edhe pse të gjitha kompanitë tjera të mëdha të cilat zhvillojnë platformë mobile, Google, Nokia, RIM, Palm e Microsoft kanë hapur dyqane të ngjashme aplikacionesh, nuk kemi dëgjuar se ndonjëri prej tyre të jetë lavdëruar me shifrat me të cilat këtë po e bën Apple.

www.apple.com

Microsoft Office 2010 pa pagesë dhe online

Microsoft e Google gjatë disa muajve të fundit po shkëmbejnë goditje në mes vete. Pas paralajmërimit të kompanisë Google për paraqitjen e sistemit të vet operativ, Microsoft ka njoftuar se së shpejti do të nis Office 2010 i cili do të jetë pa pagesë dhe do të konkurrojë ndaj Google Docs. Nafaka jonë!

Bëhet fjalë për paketën Office e cila, sikur edhe Google Docs, do të mund të jetë e qasshme nëpërmes shfletuesit të internetit, derisa do të përmbajë versionet më të thjeshtësuara të Word, Excel, PowerPoint e OneNote. Lansimi është planifikuar për fillimin e vitit të ardhshëm.

Në Microsoft theksojnë se sipas dëshirave të shprehura të përdoruesve edhe ata duan që të gjitha aplikacionet e popullarizuara t’i bartin edhe në internet. Mbi 400 milionë përdorues të sistemit Windows Live do të mund të përdorin Office 2010 krejtësisht pa pagesë. Shkurt e shqip, për përdorimin e Office 2010 do të ju nevojitet vetëm emri përdorues (username) dhe fjalëkalimi (password) me të cilët hapni e-mailin në Windows Live.

Office 2010 në versionin eksperimental do të duhej të del qysh në muajin dhjetor të këtij viti.

Rritet shitja e netbookëve

Përkundër krizës dhe kritikave, pritet që netbookët edhe më tutje do të shiten më mirë se secila kategori tjetër e kompjuterëve.

Edhe pse më herët ishte paralajmëruar se shitja e netbookëve po stagnon, rezultatet e kompania analitike DisplaySearch edhë më tutje paralajmërojnë shitje të mirë të këtyre laptopëve të vegjël. Në fakt, kompania pret që ky vit do të përfundojë me gjithsej 33 milionë njësi të shitura. Për më shumë, nga shitja e laptopëve çdo i pesti do të duhej të jetë netbook.

Ajo që i bën netbookët tërheqës në radhë të parë është çmimi i lirë dhe dimensionet e vogla, mirëpo vlen të theksohet se për shkak të pritjeve të mëdha përdoruesit shpesh janë të pakënaqur me performansat dhe mundësitë e përgjithshme të netbookëve.

Celular misterioz nga LG

Kompania LG po na përgatit diçka të pazakontë: një telefon i cili duket si iPhone i zgjatur, me emrin Black Label BL40. Specifikat janë të shkëlqyeshme, e sa do të jetë tërë kjo gjë praktike, na mbetet të shohim.

Edhe pse lajmi ka rrjedhur nga fotografitë jozyrtare të cilat janë paraqitur në një forum gjerman të internetit, duket të janë autentike. Sipas tyre, pajisja Black Label BL40 gjoja ka fotoaparat me rezolucion prej pesë megapikselash me optikë të Schneider Kreuznach, WiFi, FM radio dhe 335 MB hapësirë për ruajtje të dhënave.

Gjëja që del prej të gjitha standardeve është ekrani, i cili ka rezolucion prej 800 x 345 piksela, që e bën bukur të papërdorshëm për shikimin e video materialeve. Mirëpo, Zoti e di se çfarë është duke na përgatitur LG, ndoshta bëhet fjalë për një pajisje luksoze tek e cila dizajni dhe ndjenja e veçantë të cilat ofrohen do të janë më të rëndësishme se sa praktika e punës me të.

www.lg.com

VW Golf VI ABT GTI Sportsline VS4-R

Mjeshtërve botërorë për modifikimin e automjeteve nuk u është dashur shumë kohë të fusin në duart e veta edhe Golfin më të ri GTI të gjeneratës së gjashtë.

Kështu kompania e njohur ABT këto ditë ka paraqitur një Golf VI që të lë pa frymë. Që në shikim e parë shihen një varg ndryshimesh në pamjen e jashtme të automjetit, është më agresiv me disa detaje të cilat zbulojnë edhe kuajt fuqi shtesë të tij.

Edhe motorizimi është mbresëlënës. Në fakt, ekzistojnë versione të motorëve të përpunuar. Versioni i parë ka përjetuar rritjen e 210 KF standard në 260 KF, derisa për ata të cilët as kjo nuk u mjafton është bërë edhe versioni S. Po ua merr mendja, ka edhe më shumë kuaj fuqi. Versioni S zhvillon hiq më pak se 300 KF dhe deri në 100 kilometra në orë arrin për më pak se gjashtë sekonda.

Automjeti është lëshuar për 30 milimetra e për frenim përkujdeset sistemi i fuqishëm i frenimit i kompanisë ABT.

Shihni edhe videon e mëposhtme për ndryshimet që i ka pësuar.