Lajme te reja nga bota e Sporti

Ketu mund ti postoni te gjitha lajmet nga bota e Sportit.

City: Në radhë janë Gerrard, Lampard dhe Messi

Manchester City është shumë afër nënshkrimit me superyllin e Milanit, Kaka, për një transfer rekord prej 120 milionë eurosh, ndërsa ‘pasanikët’ nuk do të ndalen këtu.
Tabloidi britanik “The Daily Mail”, pas kompletimit të kontratës me Kaka, do të drejtohet ka shënjestrat e radhës: Steven Gerrard, Frank Lampard dhe Lionel Messi.

Para disa javësh dukeshin të pamundur transferime të tilla, mirëpo derisa sheikët pothuajse kanë arritur t’ia mbushin mendjen Milanit dhe yllit brazilian, atëherë gjithçka është e mundur.

NBA: Yao ndihmon Houston të mposhtë Miamin

Yao Ming ka shënuar 26 pikë dhe ka realizuar 10 kërcime për të ndihmuar ekipin e tij Houston Rockets të mposhtë Miami Heat me rezultat 93-86.
Për Rockets, që luajtën pa të lënduarit Tracy McGrady dhe Ron Artest, Rafer Alston kontribuoi me 22 pikë, ndërsa 17 të tjera erdhën nga Van Wafer. Kjo ishte fitorja e 25 e Houton, përkundër 16 humbjeve.

Dwyane Wade shënoi 29 pikë për Miami Heat. Shawn Marion realizoi 20 pikë dhe 10 kërcime. Miami tash ka 21 fitore dhe 18 humbje këtë sezon.

Juventus pas dyshes së Liverpoolit

Drejtuesit ekzekutivë të Juventusit vazhdojnë të kërkojnë njeriun e duhur, i cili do ta zëvendësojë legjendën çeke, Pavel Nedved, ndërsa “La Gazzetta dello Sport” njofton se drejtori sportiv Alessio Secco tashmë ka bërë një listë të ngushtë lojtarësh.
Dyshja e Liverpoolit Dirk Kuyt dhe Ryan Babel, të cilët mund të luajnë edhe si sulmues edhe si anësorë, duket se janë lojtarët e përshtatshëm për Zonjën e Vjetër.

Kuyt, i cili është shënjestër kryesore e Juves, vlen afër 12 milionë euro, ndërsa nëse nuk mund të arrijnë një marrëveshje me të, bardhezinjtë janë të gatshëm të ofrojnë 10 milionë euro për holandezin tjetër të Redsave, Ryan Babel.

Raul: Kënaqem duke shikuar Barcelonën

Kapiteni i Real Madridit, Raul Gonzalez Blanco, ka pranuar se ai është një tifoz i mënyrës se si ish-bashkëlojtari i tij në përfaqësuesen e Spanjës, Pep Guardiola, e ka shndërruar Barcelonën në një skuadër spektakli.
“Më pëlqen se si e mbajnë topin, e kontrollojnë ndeshjen, kanë shpejtësi dhe lëvizin vazhdimisht në fushë”.

“Ata kanë një përparësi, sepse përdorin një sistem, i cili favorizon aftësitë e lojtarëve. Një stil të ngjashëm ka pasur Valencia në kohën kur e drejtonte Rafa Benitez”, ka thënë simboli i Los Blancos.

Nedved do të vazhdojë edhe një sezon

'Furia çeke' e Zonjës së Vjetër, Pavel Nedved, ka vendosur të nënshkruajë një kontratë të re me Bianconerët.
Kontrata aktuale e 36-vjeçarit skadon në qershor të këtij viti, ndërsa kur pritej që ai t’i jep fund karrierës së tij si futbollist, Nedved ka vendosur të vazhdojë së paku edhe për një sezon.

Agjenti i tij ka thënë se mesfushori legjendar i Juventusit do të luajë derisa të jetë i aftë dhe i përgatitur fizikisht, për t’i përballuar kërkesat e një skuadre siç është Juve.

Messi: Dua të qëndroj tërë jetën te Barcelona

Sulmuesi argjentinas Lionel Messi, ka thënë se ai kurrë nuk do të largohet nga Barcelona.
Pas fitores së mbrëmshme ndaj Deportivo La Coruna, ku Lionel Messi shënoi golin e parë të fitores së thellë të Barcelonës (5-0), argjentinasi ka premtuar se e ardhmja e tij është në Barcelona.

“Dua ta kaloj të gjithë jetën time këtu. Shpresoj se do ta realizoj këtë...”, ka thënë mes tjerash Messi, i pyetur rreth ofertës së Manchester Cityt për Kakan.

Armstrong i rikthehet çiklizmit profesional

Ylli i çiklizmit, amerikani Lance Armstrong ka bërë një kthim të kujdesshëm sot në garat profesionale të çiklizmit, duke përfunduar në vendin e 64-të në një garë në Australi.
Mijëra njerëz e ndoqën rikthimin e 37-vjeçarit Armstrong pas tre vitesh pushimi.

Ai është fitues i shtatfishtë i garës Tour de France, dhe synon ta fitojë për të tetën herë.

Garën e sotme në gjatësi prej 51 km, Armstrong e përshkroi si "argëtim". /rel/

West Ham mposht me lehtësi Fulhamin

West Ham United ka vazhduar me paraqitjet e mira, duke shënuar fitore të merituar 3-1 ndaj Fulhamit në Upton Park.
David Di Michele solli avantazhin e parë për West Hamin pas vetëm shtatë minutash lojë, por në minutën e 23-të Fulham barazoi me anë të Paul Koncheskyt.

Pas po thuaj një ore lojë, Carlton Cole u falua në zonën e rreptësisë, ndërsa nga pika e bardhë i saktë ishtë Mark Nobel, që risolli avantazhin për vendasit (60’). Rezultatin përfundimtar e vulosi Carlton Cole, 15 minuta para fundit të kohës së rregullt të ndeshjes.

Për West Hamin nuk u paraqit sulmuesi Craig Bellamy, që është në rrugë për t’u larguar në drejtim të Manchester Cityt.

Mesfushori shqiptar Valon Behrami krahas paraqitjes së mirë, u ndëshkua me karton të verdhë në minutën e 52-të.

Me tre pikët e fituara West Hami ngjitet në pozitën e tetë të tabelës, me 29 pikë nga 22 ndeshje.

Shokohet Interi në Bergamo

Skuadra e Interit ka pësuar shok në stadiumin "Atleti Azzurri d'Italia" në Bergamo duke pësuar humbje prej 3-1 nga skuadra e Atalantës.
Dy skuadrat zikaltër, Atalanta dhe Inter, janë takuar të dielën në Bergamo për ndeshjen e javës së nëntëmbëdhjetë në Serie A, më ç’rast kampionët italianë kanë pësuar humbjen e dytë të sezonit, pas humbjes në San Siro nga Milani.

Vendasit i shokuan Nerazzurët që në pjesën e parë, pasi që arritën të shënojnë tri herë.

Golin e parë në ndeshje e shënoi sulmuesi Sergio Floccari (18’), i cili pranoi një top brenda gjashtëmbëdhjetëmetërshit, u rrotullua për ta shmangur Cordoban dhe e mposhti portierin Cesar.

Dy golat e radhës i takuan kapitenit, Cristiano Doni, i cili u shënua dy herë në listën e golashënuesve (28’ dhe 33’) për t’i fundosur shpresat e Interit që në pjesën e parë të takimit.

Edhe në gjysmëlojën e dytë skuadra vendase ishte dominuese në pjesën më të madhe të kohës, mirëpo me gjithë rastet e shumta, Atalanta nuk pati fat të shënonte më shumë gola.

Në minutat shtesë të takimit (90'+2), kampionët në fuqi shënuan golin e nderit me anë të sulmuesit Zlatan Ibrahimovic, i cili është i vlefshëm vetëm për statistika.

Me këtë humbje Interi ngushton në gjashtë pikë epërsinë me Milanin që gjendet në vendin e tretë, ndërsa me fitore eventuale kundër Lazios, Juventusi do t’i afrohet në një pikë diferencë.

Baptista sjell tri pikë për Romën

Sulmuesi brazilian Julio Baptista ka shënuar një gol spektakolar në çastet e fundit të ndeshjes, për t’i sjellë fitoren Romës në udhëtim në Olimpico përballë Torinos.
Torino u mbajt shumë mirë gjatë gjithë ndeshjes, fati i të cilës në fund u vendos nga një gol fantastik i Julio Baptistës.

Pas një inkuadrimi të shpejtë të topit nga gjuajtja e lirë nga ana e romakëve në çastet e fundit të ndeshjes, topi arriti në zonë tek Baptisti, i cili në mënyrë të përkryer ndaloi atë me gjoks dhe e shënoi në stilin “gërshërë”.

Me këtë fitore Roma grumbullon 30 pikë, duke u barazuar me Lazion që në mbrëmje do të presë në fushë të vet Juventusin.

Reali fiton përballë Osasunas

Real Madridi ka arritur edhe një fitore të rëndësishme por të vështirë, duke rikthyer rezultatin nga disvatanzhi 1-0 në 3-1, në ndeshjen përballë Osasunas në Bernabeu.
Mysafirët i befasuan djelmoshat e Juande Ramos duke kaluar në epërsi që në pjesën e parë me golin e Nekounam pas 20 minutash. Por mbretërit u rikthyen në lojë që në fillim të pjesës së dytë.

Një goditje e Sergio Ramos nga largësia gjeti rrjetin pas një pasigurie të portierit mysafir, duke barazuar rezultatin, në minutën e pestë të pjesës së dytë. Avantazhin Realit ia solli Higuain, pas një asistimi të Robben (64’), ndërsa ky i fundit vulosi rezultatin në çastet e fundit të ndeshjes (90’), duke shfrytëzuar sërish pasigurinë e portierit.

Osasunës iu mohua një penalti shtatë minuta para fundit të ndeshjes, madje arbitri përjashtoi sulmuesin Juanfran me kartonin e dytë të verdhë, për shkak simulimi, por xhirimet treguan të kundërtën.

Edhe kartoni i parë i argjentinasit ishte për të njëjtën arsye, simulim penaltie, por arbitri kishte gabuar edhe në rastin e parë.

Tre pikët e reja e mbajnë Realin në pozitën e dytë, të cilën e ndanë me Sevillan (me nga 38 pikë). Të dyja ekipet janë 12 pikë prapa Barcelonës.

Juve nuk e shfrytëzon dështimin e Interit

Derbi kryesor i javës së nëntëmbëdhjetë në Serie A është zhvilluar në Stadio Olimpico të Romës ndërmjet Lazios dhe Juventusit, ndeshje e cila ka përfunduar me rezultat të barabartë 1-1.


Stephan Lichsteiner (majtas) dhe Pavel Nedved në një përballje, Foto: AP

Bardhezinjtë e nisën takimin sërish në mungesë të portierit kryesor, Gianluigi Buffon, i cili porsa është kthyer nga lëndimi është ftohur. Po ashtu te Juve mungonte dhe njeriu kryesor i mbrojtjes, Giorgio Chiellini, ndërsa tashmë dihet për numrin e madh të lojtarëve tjerë të cilët mungojnë si pasojë e lëndimeve.

Pjesa e parë e takimit, sa i përket lojës, i takoi kryesisht Lazios, mirëpo përfundoi me rezultat të barabartë.

Biancocelestët krijuan disa mundësi në fillim të ndeshjes, por arritën të shënojnë vetëm një herë, edhe atë me ndihmën e portierit mysafir.



(Nga e majta) Cristian Ledesma, Mourad Meghni dhe Ousmane Dabo i gëzohen golit, Foto: AP

Golin e kryeqytetasve e shënoi Cristian Ledesma (25’) nga gjuajtja e lirë, mirëpo fajtori kryesor ishte portieri i Juventusit, Manninger, i cili bëri një gafë duke e futur topin në rrjet.

Bianconerët barazuan në rastin e parë që iu dha në gjysmëlojën e parë. Një gjuajtje nga këndi e shfrytëzoi më së miri mbrojtësi, Olof Mellberg, duke lënë avantazhin e vendasve të zgjatë vetëm pesë minuta (30’).



Festa e Bianconerëve pas barazimit, Foto: Reuters

Në pjesën e dytë të ndeshjes u tregua një Juventus ndryshe, më ofanziv dhe më kërkues ndaj golit, megjithatë rastet e shumta nuk u shndërruan në gol.

Në minutat e fundit të takimit pati raste në të dyja anët, mirëpo as njëra e as tjetra skuadër nuk arriti të ndryshojë asgjë.



Mauro Zarate ndërmjet dy juventinëve, Foto: AP

Lazio me këtë pikë të fituar mban vendin e shtatë me një pikë më tepër se rivali i qytetit, Roma, dhe një pikë më pak se Fiorentina që gjendet në vendin e gjashtë.

Me këtë barazim, Juventusi nuk e shfrytëzoi dështimin e Interit për t’iu afruar më tepër, ndërsa tash është tre pikë pas liderit, dhe tre pikë përpara Milanit, i cili e shfrytëzoi më së mirë këtë javë për t’iu afruar kreut.

Ramos: Fitore për Calderonin

Trajneri i Real Madridit, Juande Ramos, thotë se fitorja ndaj Osasunës ishte një fitore për ish-presidentin e klubit, Ramon Calderon.
“Mendoj se kjo fitore është e dedikuar për Ramon Calderon, për lamtumirën e tij, pasi e fundit që mund të bënim ishte t’ia dedikonim fitoren atij”, ka thënë Ramos pas ndeshjes së mbrëmshme.

“E gjëja gjë mund të thuhet edhe për presidentin e ri, Vicence Boluda. Ai ka filluar punën e tij me fitore dhe mendoj se do të jetë i lumtur për këtë”, ka thënë Ramos.

Torres: Liverpool duhet t’i bëjë ballë presionit

Liverpooli është zhvendosur nga kreu i Premierligës nga Manchester United gjatë të shtunës dhe sulmuesi Fernando Torres kërkon nga bashkë-lojtarët e tij mos ta ngadalësojnë ritmin.
“Këtë vit ka një ndjesi të qartë se liga është caku i ynë. E vetmja mënyrë për ta arritur qëllimin është të kemi besim në vete, ndoshta duke siguruar tre ose katër fitore radhazi”, ka thënë Torres.

“Duhet po ashtu të mbajmë mend se në disa javët e ardhshme do të vendoset se si do të vazhdojë pjesa tjetër e sezonit. Tash është koha e vërtetë të marshojmë”, ka shtuar spanjolli.

Liverpooli sonte do të presë në Anfield rivalin lokal, Evertonin, në përpjekje për t’u rikthyer në krye të tabelës së Premierligës.

Rossi lavdëron lojtarët e Lazios

Lazio nxori një pikë të rëndësishme në ndeshjen e mbrëmshme kundër Juventusit, duke barazuar në shtëpi me rezultat 1-1, ndërsa trajneri i biankocelestëve, Delio Rossi, ka vetëm lëvdata për lojtarët e tij.
Lazio kaloi në avantazh me golin e Cristian Ledesmas ndërsa për Juvnetusin barazoi Olof Mellberg. Rezultati e mban Juventusin në pozitën e dytë me tre pikë diferencë nga Interi, ndërsa Lazio qëndron në vendin e shtatë me një pikë më shumë se Roma.

“Filluam shumë mirë dhe kishim shanse të mira ta dyfishojmë avantazhin menjëherë. Ishim që herët agresiv dhe i shkaktuam probleme kundërshtarit, por ata u rikthyen. Kam nga tre lojtarë sulmues me të cilët luaj çdo ndeshje, dhe këtë herë ishin Rocchi, Pandev dhe Zarate, dhe ia dolën mirë”, ka thënë Rossi.

NBA: Miami shënon fitore ndaj Oklahoma Cityt

Dwyane Wade ka shënuar 32 pikë për t’i ndihmuar Miami Heat të mposhtë me lehtësi ekipin Oklahoma City Thunder, ndeshje që përfundoi me rezultat 104-94.
Wade, i cili është edhe shënuesi më i mirë i ligës, kontribuoi edhe me 10 asistime. Udonis Haslem shënoi 11 pikë dhe 15 kërcime, ndërsa Yakhouba Diawara, i cili zëvendësoi të lënduarin Shawn Marion, e përfundoi ndeshjen me 14 pikë.

Kevin Durant arriti 31 pikë dhe Jeff Green 22 për Oklahoma City Thunder, të cilët kanë vetëm tetë fitore këtë sezon dhe 34 humbje.

Podolski përfundon në Koln

Bayern Munich dhe Koln kanë arritur marrëveshje për transferimin e sulmuesit gjerman Lukas Podolsky, i cili më 1 qershor do të kthehet tek ish-klubi i tij.
Mëngjesin e sotëm marrëveshjen e kanë pohuar të dyja palët, pas disa javësh negociata. Podolski do të nënshkruajë marrëveshje katërvjeçare, e cila do ta mbajë atë tek Koln deri në vitin 2013.

Sulmuesi gjerman nuk mundi të luftojë për vend të fillestarit tek ekipi aktual i Bayernit, andaj kishte kërkuar të transferohej, sipas mundësive tek ish-kubi i tij.

Asnjëra palë nuk ka dashur ta zbulojë shumën e saktë të transferimit dhe vetëm kanë pohuar se është arritur edhe një marrëveshje që dyja ekipet të zhvillojnë edhe një ndeshje miqësore.

Ranieri: Nuk mund të largohem nga Juventusi

Trajneri i Juventusit, Claudio Ranieri, thotë se ai kurrë nuk do të mund të largohej nga Torino për një klub si Manchester City.
Ranieri, pas ndeshjes së mbrëmshme me Lazion, është pyetur nëse do të ishte i interesuar të punojë për klubin që po bëj bujë, Manchester Cityn.

“Mund të shkoja në City, por si do të mund t’ia kthenit shpinën një klubi si Juventusi”, ka qenë përgjigjja e trajnerit italian.

Barcelona e tronditur nga kërkesa e Valdes për kontratën e re

Lideri i La Ligës, Barcelona, raportohet se është tronditur nga kërkesat e porti Victor Valdes për kontratën e re.
Sportivja spanjolle Sport, shkruan se Valdes kërkon 8 milionë funte në vit, një pagë e barabartë me atë të cilën e merr Iker Casillas tek Real Madrid.

Valdes është në 18 muajt e fundit të kontratës së tij dhe burimet e afërta me negociatorët thonë se dy palët janë “shumë larg” nga arritja e marrëveshjes.

Interi ofron 15 milionë funte për Drogbën

Kampioni i Serie A, Interi, pritet të bëjë një transferim të shpejtë të sulmuesit të Chelseat, Didier Drogba, gjatë ditëve të ardhshme.
Daily Star shkruan se Drogba pritet të transferohet tek ekipi që drejtohet nga ish-trajneri i tij, Jose Mourinho, për një shumë prej 15 milionë funtesh.

Scolari, i cili e ka lënë jashtë formacionit sulmuesin e Bregut të Fildishtë më fitoren e fundit të Chelseat ndaj Stoke Cityt, duket se ka vendosur të heqë dorë nga shërbimet e tij.

“Ishte zgjidhja ime ai të mos përfshihet në formacion për këtë ndeshjes. Shitja? Kjo nuk është zgjidhja ime, por mendoj se nëse dikush ofron shumë para, klubi mund të pranojë”, ka thënë trajneri brazilian.

ONeill: Young tash kushton 82 milionë funte

Menaxheri i Aston Villas, Martin O'Neill, e ka rritur çmimin e mesfushorit anglez Ashley Young për 7 milionë funte.
“Sa kam thënë më herët se vlen? Ishte 75 milionë funte? Ok, le ta bëjmë 82 milionë funte tash”, ka bërë shaka O’Neill, duke shtuar:

“Lojtarët si Ashley Young dhe Gabriel Agbonlahor janë të paçmueshëm, absolutisht të pazëvendësueshëm. Nuk do të mendoja t’i shes lojtarët”.

“Por, isha i sigurt se Milani nuk do të pranonte asnjë ofertë për Kaka. Megjithatë tash ata duket se po e pranojnë. Por kjo nuk do të ndodh këtu”, ka shtuar trajneri anglez.

Milani: 35 milionë euro plus Oddon për Riberyn

Milani i ka ofruar Bayern Munichut 35 milionë euro dhe Massimo Oddon, i cili aktualisht është në huazim te bavarezët, për të fituar shërbimet e anësorit francez, Frank Ribery.
Rossonerët janë duke kërkuar mundësitë si ti shpenzojnë paratë të cilat do t’i fitojnë me shitjen e Kaka, ndërsa lojtari i cili më së miri do ta zëvendësonte brazilianin, është pikërisht Ribery.

Gazeta franceze “Le Parisien” njofton se Milani tashmë i ka bërë ofertë Bayernit. Trajneri i Milanit, Carlo Ancelotti, e pëlqen shumë mesfushorin francez, ndërsa gazeta e përmendur njofton se zyrtarët e skuadrës kuqezi i kanë ofruar francezit kontratë katërvjeçare dhe 6.5 milionë euro për sezon.

Interi kërkon Ronaldon me çdo kusht

Skuadra e Interit ka vendosur të luftojë me Manchester United dhe Real Madrid për të fituar shërbimet e lojtarit më të mirë në botë për vitin 2008, Cristiano Ronaldo.
“Sportmediaset” njofton se Nerazzurët dëshirojnë ta rrëmbejnë Ronaldon, ndërsa për këtë punë e kanë angazhuar Jorge Mendes, i cili është edhe agjent i tij dhe i Jose Mourinhos.

Javën e kaluar, “Il Corriere Dello Sport” njoftoi se Mourinho dhe Ronaldo kishin pasur një takim sekret për të diskutuar planet e tyre në të ardhmen.

Sido që të jetë, trajneri Sir Alex Ferguson ka thënë se cilado skuadër që e dëshiron superyllin portugez duhet t’u paguajë 120 milionë euro Djajve të Kuq.

Presidenti i skuadrës zikaltër, Massimo Moratti, do të bëjë gjithçka për ta sjellë fituesin e Topit të Artë në Giuseppe Meazza nëse dëshiron Ligën e Kampionëve.

Ndërsa për ta bërë këtë duhet të luftojë edhe me skuadrën e tij aktuale edhe me Mbretërit nga Madridi, të cilët janë preferenca kryesore e lojtarit.

Fillojnë bisedimet derisa vazhdojnë protestat

Dy figurat kryesore të Milanit, presidenti Silvio Berlusconi dhe menaxheri gjeneral Adriano Galliani, janë takuar të bisedojnë për shitjen e superyllit brazilian Kaka te Manchester City për një vlerë prej 110 milionë eurosh.
Së shpejti pritet edhe arritja e babait të lojtarit, Bosco Leite, ndërsa në bisedime do të përfshihen edhe vetë lojtari dhe agjenti i tij, Oscar Damiani

Ndërkohë tifozët e Milanit kanë dërguar mijëra letra në shtëpinë e Kaka, me shpresën që idhulli i tyre të mos largohet.

Një grup protestuesish kanë marshuar përpara zyrave kryesore të skuadrës në Via Turati. Pritet që ky numër të shtohet edhe më shumë, pasi që është caktuar që sot në orën 18:00 të dilet në protesta kundër shitjes së Kaka.

IFFHS: Buffon portieri më i mirë në botë

Portieri i Juventusit dhe Italisë, Gianluigi Buffon, është zgjedhur si portieri më i mirë në botë në dy dekadat e fundit nga Federata Ndërkombëtare e Historisë së Futbollit dhe Statistikave (IFFHS).
Rangimet janë llogaritur nga viti 1990 e deri më tash, ndërsa nga tetë portierët e parë, katër prej tyre janë ende aktivë në futbollin profesionist.

Në vendin e dytë është renditur legjenda e Manchester Unitedit dhe Danimarkës, Peter Schmeichel, ndërsa vendin e tretë e zë portieri i Real Madridit dhe Spanjës, Iker Casillas.

Portierët më të mirë në botë sipas IFFHS:

1. Gianluigi Buffon (Itali) 78 pikë
2. Peter Schmeichel (Danimarkë) 69 pikë
3. Iker Casillas (Spanjë) 63 pikë
4. Oliver Kahn (Gjermani) 62 pikë
5. Jose Luis Chilavert (Paraguai) 58 pikë
6. Walter Zenga (Itali) 55 pikë
7. Edwin van der Sar (Holandë) 53 pikë
8. Petr Cech (Çeki) 44 pikë
9. Michel Preud'homme (Belgjikë) 43 pikë
10. Claudio Andre Taffarel (Brazil) 40 pikë
11. David Seaman (Angli) 38 pikë
12. Fabien Barthez (Francë) 37 pikë
13. Andoni Zubizarreta (Spanjë) 35 pikë
14. Nelson de Jesus e Silva 'Dida' (Brazil) 35 pikë
15. Rinat Dasaev (Rusi) 27 pikë
16. Sergio Javier Goycochea (Argjentinë) 26 pikë
17. Johannes van Breukelen (Holandë) 23 pikë
18. Peter Shilton (Angli) 22 pikë
19. Vitor Baia (Portugali) 22 pikë

Liverpooli barazon, United mbetet nё krye

Liveprooli ka humbur shansin tё rikthehet nё krye tё tabelës sё Premierligёs, pasi barazoi 1-1 nё derbin e qytetit përballё Evertonit. Tim Cahill ka shёnuar njё gol tё vonshëm nё Anfield, pёr tё prishur planet e tё kuqve.
Kapiteni Steven Gerrard u duk se do t’i sillte fitoren ekipit tё Rafael Benitez, me anё tё njё goli tё shёnuar nga largësia, 21 minuta para fundit tё ndeshjes, nё njё prej momenteve tё radha kualitative tё edhe njё paraqitje tё dobët tё Liverpoolit.

Por, Cahill u shfaq nё njё moment gjatё njё gjuajtje tё lirё, tre minuta para fundit tё ndeshjes, duke dërguar topin nё rrjetë pёr tё tronditur Liverpoolin dhe pёr t’iu dhёnё njё goditje shpresave tё këtij ekipi pёr tё fituar titullin.

Ky ishte barazimi i katërt nё pesё ndeshjet e fundit nё Anfield, qё e barazon Liverpoolin nё pikё me Manchester United (47), i cili ekip vazhdon tё qëndrojё nё krye tё tabelës sё Premierligёs pёr shkak tё diferencës mё tё mirё tё golave.

Manchester United po ashtu ka njё ndeshje mё pak tё zhvilluar, qё do tё mund t’i sjellё tri pikё avantazh nё krye tё tabelës. Evertoni mbetet nё pozitën e gjashtё me 36 pikё.

KAKA QËNDRON NЁ MILAN!!!

Lajmet e fundit mbi superyllin brazilian Kaka raportojnë se mesfushori do tё qëndrojё nё Milan dhe nuk do tё kalojё nё Manchester City, pavarësisht ofertës sё ‘parefuzueshme’ rekorde tё klubit mё tё pasur tё Premierligёs.
Lajmin e ka bёrё tё ditur edhe vetё zёdhёnёsi i klubit i cili ka deklaruar: “Kaka do tё qëndrojё nё AC MILAN. Zyrtarisht”.

Mediat angleze raportuan se City kishte ofruar njё shumё rekorde prej 120 milionё euro pёr tё marrё shërbimet e mesfushorit dhe se klubi dhe përfaqësuesit e lojtarin ishin nё bisedime gjatё gjithё ditës sё sotme, nё pritje qё oferta tё pranohet.

Por, mediat italiane pak çaste mё parё kanё cituar edhe vetё pronarin e klubit, kryeministrin italian Silvio Berlusconi, duke thёnё se ёshtё e pamundur tё shitet njё lojtar i rёndёsishёm.

“Pёr Kaka, paratё nuk janë asgjë. Kaka ёshtё dhe do tё mbetet me Milanin”, ka thёnё kryeministri italian.

Vetё Berlusconi gjatё vikendit pati thёnё se ёshtё vështirё tё ruhet lojtari, pёr tё cilin janë ofruar aq shumё para.

Federer kalon me lehtësi raundin parë

Roger Federer ka bërë hapin e parë drejt arritjes së rekordit për titullin e katërmbëdhjetë Grand Slam me një fitore kundër italianit Andreas Seppi në raundin e parë të Australian Open në Melbourne.
Federer dëshmoi se është në formë të mirë duke fituar të tria setet ndaj Seppit. Zvicerani 27-vjeçar e filloi turneun e sivjetmë me një fitore bindëse të setit të parë (6-1). Seppi bëri një performancë më të mirë në setin e dytë dhe të tretin, megjithatë në fund Federer doli fitues (7-6 dhe 7-5).

Ish-tenisti numër një në botë, në raundin e radhës do të ndeshet me rusin Evgeny Korolev, i cili e mposhti spanjollin Carlos Moya (6-3, 6-1 dhe 7-6).

Robinho largohet nga kampi stërvitor i Cityt

Vetëm disa orë pasi Kaka refuzoi një kalim në Estlands për një shumë rekorde 108 milionë funte, Manchester City, po përballet me probleme me yllin tjetër brazilian, Robinhon.
Manchester City ka zbuluar në mëngjesin e hershëm se superylli brazilian Robinho nuk është më pjesë e kampit të tyre stërvitës në Tenerife.

Por, klubi por nuk ka dhënë ndonjë arsye për largimin e brazilianit, duke refuzuar të komentojnë spekulimet se lojtari është ndarë i pakënaqur për shkak të mosnënshtrimit të Kaka për klubin anglez.

Siç shkruan Telegraph-i britanik, Robinho është larguar në drejtim të Brazilit, për të festuar ditëlindjen e 25-të të tij, edhe pse klubi kishte refuzuar kërkesën e tij.

Secco: Madje as Del Piero nuk vlen 120 milionë euro

Drejtori sportiv i Juventusit, Alessio Secco, ka dhënë mendimin e tij në lidhje me paratë e majme që ofrohen për blerjen e lojtarëve, sidomos për rastin e fundit në lidhje me ofertën prej 120 milionë eurosh të bërë nga Manchester City për blerjen e Kaka, të cilën e refuzoi të hënën mbrëma Milani.
Secco ka thënë se nëse vlera e një lojtari llogaritet të jetë kaq e madhe, atëherë kjo shkon në dëm të futbollit. Ndërsa, po t’i bëhej ofertë Juventusit për superyllin e skuadrës, Alessandro Del Piero, drejtori sportiv do të vepronte duke mos e shitur as atë për këtë vlerë pasi që kjo nuk shkon në favor të vetë lojës së futbollit.

“Ta vlerësosh një lojtar me 120 milionë apo ta shesësh atë për këtë shumë, mendoj se nuk është mirë për futbollin”.

“Madje nuk do ta shisja as Del Pieron për këtë vlerë të madhe parash, ose cilëndo figurë kryesore të futbollit botëror”, ka thënë Secco.

dhe Juve ftuesit kryesorë te “Oskarët e Calcios”

Të hënën mbrëma janë ndarë çmimet kryesore të lojtarëve më të mirë në Serie A në ceremoninë e përvitshme “Oskarët e Calcios”, ndërsa fitues kryesorë ishin skuadra e Juventusit dhe sulmuesi i Interit, Zlatan Ibrahimovic.
Ibracadabra fitoi çmimin për ‘Golin më të mirë’, çmimin e ‘Lojtarit më të mirë të huaj’ dhe çmimin e ‘Lojtarit më të mirë në Serie A për vitin 2008’.



Ndërkaq skuadra e cila fitoi më shumë trofe ishte Juventusi. Kapiteni i Zonjës së Vjetër, Alex Del Piero, fitoi çmimin ‘Lojtari më i mirë italian’ dhe ‘Lojtari më i dashur nga tifozët’. Mbrojtësi Giorgio Chiellini fitoi çmimin ‘Mbrojtësi më i mirë’, ndërsa Gigi Buffon u shpall ‘Portieri më i mirë’.

Trajneri i Fiorentinës, Cesare Prandelli, u nderua me çmimin ‘Trajneri më i mirë’, ndërsa ylli i Napolit, Marek Hamsik, rrëmbeu trofeun ‘Lojtari i ri më i mirë’.

Roberto Rosetti ishte votuar si gjyqtari më i mirë, ndërsa ish-lojtari i Milanit, Stefano Borgonovo, i cili vuan nga skleroza amiotrofike laterale është emëruar si ‘Tifozi i vitit’.

Australian Open: Motrat Williams fillojnë mbarë

Amerikania Serena Williams ka bërë një start të shkëlqyeshëm në Australian Open duke mposhtur kinezen Yuan Meng 2-0 në sete (6-3 6-2).
Williams, e cila është kampione e trefishtë e këtij turneu (2003, 2005 dhe 2007), siguroi fitoren brenda 75 minutash, duke u treguar tepër e mirë për Yuan e cila bëri 31 gabime të padetyruara.

Edhe Venus Williams i është bashkuar motrës më të re në rundin e dytë, pas fitores në dy sete ndaj gjermanes Angelique Kerber (6-3 6-3). Venus është në kërkim të titullit të parë në Melbourne Park.

NBA: Gasol udhëheq Lakersat në fitoren ndaj Cavaliersave

Pau Gasol dhe Kobe Bryant kanë qenë më meritorët për fitoren 105-88 të Los Angeles Lakers ndaj Cleaveland Cavalariers.
Pau Gasol ishte më i sakti tek Los Angeles me 22 pikë dhe 12 kërcime. Bryant realizoi vetëm 9 nga 22 gjuajtjet e tij, duke shënuar 20 pikë, gjashtë kërcime dhe 12 asistime, derisa Andrew Bynum dhe Sasha Vujacic shënuan nga 14 pikë dhe Derek Fisher 11 të tjera. Rekordi i Lakersave tash është 32 fitore kundrejt 8 humbjeve në Konferencën Perëndimore.

Për Cavaliersat LeBron James realizoi 9 nga 25 gjuajtjet, që i sollën 23 pikë dhe arriti nëntë kërcime. Mo Williams shënoi 16 pikë, gjashtë kërcime dhe pesë asistime ndërsa Sasha Pavlovic 12 pikë.

Del Piero: Do të shënoj më shumë se 300 gola

Mbrëmë në ceremoninë e ndarjes së çmimeve "Calcio Oscars", kapiteni i Juventusit, Alessandro Del Piero, rrëmbeu çmimin e lojtarit më të mirë italian dhe njëkohësisht është votuar si lojtari më i dashur i tifozëve në Itali.
Në një intervistë për ‘Tuttomercatoweb”, Del Piero komentoi për sezonin 2007/2008 me Juventusin dhe njëkohësisht ka falënderuar ish-trajnerin e tij te Zonja e Vjetër dhe trajnerin aktual të Italisë, Marcello Lippi, për komplimentet e fundit që ia ka bërë.

“Jam shumë i kënaqur për këto çmime dhe shpresoj që edhe lojtarët tjerë të Juventusit t’i fitojnë ato në të ardhmen”, është shprehur kapiteni.

Lippi së fundmi ka deklaruar se Del Piero është një fenomen për faktin që “është duke e arritur shifrën e 260 golave dhe para se të heqë dorë nga futbolli ai do ta arrijë shifrën e 300 golave”. Ndërsa duke e falënderuar për këtë gjë, Pinturicchio iu drejtua Lippit me fjalët: “Vetëm 300 gola?”

Duke mbyllur intervistën, Ikona e Jevus foli edhe për sezonin aktual dhe për barazimin e fundit kundër Lazios.

“Kreu i tabelës tash është më afër se kurrë, megjithëse është vështirë të thuhet se çka do të ndodhë në të ardhmen”.

“Jam krenar për paraqitjen tonë kundër Lazios dhe jam shumë i lumtur kur dëgjoj se presidenti im Cobolli Gigli ka thënë se nuk do të më shiste as për 120 milionë euro”, ka përfunduar Del Piero.

Kaka: Kam marrë vendimin e duhur

Mesfushori brazilian Kaka ka thënë se ai ka marrë vendimin e duhur duke refuzuar transferimin rekord në Manchester City.
“Kalimi në Manchester City do të ishte një projekt i madh, por në disa ditët e kaluara jam lutur shumë të kuptoj se cili do të ishte ekipi i duhur dhe në fund vendosa të mbetem këtu”, ka thënë Kaka duke shtuar, “Besoj se kam marrë vendimin e duhur”.

“Nga ky tregim kam mësuar se sa shumë njerëzit më duan në Milan, tifozët dhe bashkëlojtarët e mi më kanë ndihmuar ta marr vendimin e duhur. Nuk dua asgjë tjetër, dua të jem mirë dhe i lumtur në vendin ku njerëzit më duan”, ka shtuar Kaka.

“Milani është shtëpia ime, ku jam i lidhur dhe ku në të vërtetë është zemra ime. Kjo është ajo që më ka bërë të marr vendimin”, përfundon braziliani.

Ibrahimovic i kënaqur me çmimet

Sulmuesi i Interit, Zlatan Ibrahimovic, i cili ishte fituesi kryesor në ceremoninë e ndarjes së çmimeve “Calcio Oscars” të hënën mbrëma, është shprehur shumë i kënaqur për çmimet individuale që ka fituar.
Ibracadabra fitoi tre trofe, për golin më të mirë të vitit, lojtarin më të mirë të huaj dhe lojtarin më të mirë në Serie A për vitin 2008.

Votimin për këto çmime e kanë bërë të gjithë lojtarët në Serie A, ndërsa 27-vjeçari është shprehur i kënaqur dhe i ka falënderuar kolegët e tij për votat.

“Dëshiroj t’i falënderoj të gjithë kolegët të cilët votuan për mua. Pastaj trajnerët e mi Jose Mourinho dhe Roberto Mancini, me të cilët jam stërvitur gjatë vitit që shkoi”.

“Jam shumë i lumtur për këto çmime dhe shpresoj të vazhdoj të fitoj me Interin”, ka përfunduar suedezi.

Arshavin sot nënshkruan për Arsenalin?

Tabloidët britanikë spekulojnë se mesfushori ofanziv i Zenit St. Petersburgut, Andrei Arshavin, gjatë ditës së sotme do të arrijë në Emirates Stadium.
“Ende nuk ka lajme konkrete, mirëpo të martën do të ketë”, ka thënë agjenti i lojtarit rus, Dennis Lachter.

“Negociatat me Arsenalin vazhdojnë, ndërsa mundësitë janë të mëdha që Arshavin së shpejti do të luajë në Ligën Premier”, thotë trajneri i Zenitit, Dick Advocaat, për “The Belfast Telegraph”.

Sipas të gjitha gjasave 27-vjeçari do të nënshkruajë në kohë për të luajtur në ndeshjen e të dielës kundër Cardiffit të vlefshme për FA Cup.

Beckham: Kaka e dëshiron Real Madridin

"AS" shkruan se David Beckham ka thënë që arsyeja që Kaka nuk ka pranuar të transferohet te Manchester City, është se superylli brazilian dëshiron të luajë për Mbretërit e Real Madridit.
E përditshmja sportive ka nxitur spekulime të radhës për diçka që tashmë duket e pamundur duke llogaritur refuzimin e milionave që e bëri Kaka për të qëndruar në San Siro.

Sipas “AS”, braziliani e ka pyetur Beckhamin për kohën të cilin e ka kaluar në Real Madrid dhe se mesfushori anglez është i bindur që Kaka dëshiron të luajë për Los Merengues.

“Kaka dëshiron të shkojë në Real Madrid dhe jo te City. Mendoj se në qershor ai do të luajë për Realin. Mendoj se dikush i ka bërë telefonatë dhe ai e ka marrë vendimin”, është cituar t’i ketë thënë një miku Beckham.

Totti do luajë kundër Interit

Kapiteni i Romës, Francesco Totti, mund të bëjë një paraqitje befasuese në ndeshjen e vlefshme për Coppa Italia të mërkurën mbrëma kundër Interit.
Er Pupone ka qenë jashtë fushe që nga dhjetori pas një sërë problemesh që nga lëndimi në ndeshjen kundër Catanias.

Sido që të jetë, simboli romak është rikuperuar shpejtë, ndërsa “Il Corriere Dello Sport” njofton se kapiteni mund të bëjë një paraqitje sensacionale në çerekfinalen e nesërme të Kupës së Italisë kundër Interit në Giuseppe Meazza.

Për të shtuar lajmet e mira te Roma, Mirko Vucinic dhe Alexandre Doni janë rikuperuar nga lëndimet e lehta dhe pritet të jenë në ndeshje kundër Nerazzurëve.

City kthehet kah Diego?

Mediat angleze dhe ato gjermane përcjellin lajmin se mesfushori i Weder Bremenit, Diego, ёshtё caku i ri i Manchester Cityt.
Pas njё përpjekje tё pasuksesshme pёr tё angazhuar mesfushorin e Milanit, Kaka, ekipi i Manchester Cityt ёshtё kthyer kah caqe tё tjera transferimi, dhe ai i radhës ёshtё njё brazilian tjetër, ai i Werder Bremenit, Diego.

Braziliani ёshtё njё ikonё e Werderit dhe tashmё ёshtё lidhur me njё kalim nё disa klube tё tjera, si Juventus, Inter dhe Real Madrid.

Spekulohet se City do tё përpiqet ta shfrytëzojë përforcimin e verёs, Robinhon, si negociator gjatё transferimit tё Diegos.

Tё ty lojtarёt njihen shumё mirё qё nga koha e kaluar nё Santos dhe nё kombëtaren e Brazilit dhe janë miq shumё tё mirё.

City tashëm ka nё radhёt e veta Vincent Kompany, ndërsa ёshtё nё rrugё pёr marrё edhe njё lojar tё Hamburgut, Nigel De Jong.

Diego mund tё jetё lojtari i tretё i kampionatit gjerman i cili do tё mund tё kalojё nё Manchester City.

Zyrtare: Pennant huazohet tek Portsmouth

Ekipi i Portsmouth ka pohuar se ka arritur ta angazhojë lojtarin e Liverpoolit, Jermaine Pennant, si huazim deri nё fund tё sezonit.
Trajneri i Portsmouthit, Tony Adams, ёshtё ndarё i kënaqur qё ka arritur ta sjellё anësorin nё Fratton Park. Pennant do tё mbajё numin 14.

“E njoh atё njё kohё tё gjatё. Ishim sё bashku nё Arsenal para shumё vitesh. Ai ishte ‘djaloshi i ri nga mëhalla’ dhe vlente pёr njё talent tё madh”, ka thёnё Adams.

“Ai ёshtё i shpejtё dhe ka kualitete tё mira teknike. Ai mund t’i sulmojё mbrojtësit. E kam parё atё sё bashku me Crouch nё Liverpool nё ndeshjen kundër Fulhamit vitin e kaluar dhe vazhdimisht kishte depërtim nga ana e djathtё dhe harkime tek Crouch. Ky ёshtё njё kombinim tё cilin sёrish dua ta krijoj”, ka shtuar trajneri i Portsmouth.

Ferguson trajneri mё i mirё i 12 viteve tё fundit

IFFHS ka zbuluar listën e trajnerëve mё tё mirё nё 12 vitet e fundit dhe si zakonisht ka disa befasi, ndërsa nё krye tё saj gjendet menaxheri i Manchester United, Sir Alex Ferguson.
Federata Ndërkombëtare e Historisë së Futbollit dhe Statistikave ka bёrё listёn e re tё mё tё mirёve dhe kёtё herё ajo pёrbёhet nga trajnerët mё tё mirё tё 12 viteve tё fundit.

Sir Alex Ferguson kryeson listёn pasi ka fituar plot 21 trofe gjatё kohës sё tij me Manchester United, derisa Marcelo Lippi ёshtё i dyti falё shumё trofeve me Juventusin, pёrfshirё titujt e Serie A dhe tё Ligёs sё Kampionëve, dhe sigurisht falё triumfit nё Kupёn Botёrore me kombёtaren e Italisё nё vitin 2006.

Arsene Wenger ёshtё i treti, edhe pse ai ka fituar dukshёm mё pak trofe me Arsenalin se sa dy kryesuesit, por ai e ka shndërruar Arsenalin nё njё prej ekipeve mё me stil dhe mё sulmuese nё Evropё, tё shumtёn e rasteve me lojtarё tё rinj.

Por, mungesa e Carlo Ancelottit nё top 10, edhe pse ky fitoi çdo trofe tё mundshёm me Milanin, ёshtё befasi.

Edhe trajneri aktual i Anglisё, Fabio Capello, ёshtё vetëm i 20-ti, pavarësisht titujve tё fituar me Romёn, Juventusin dhe Real Madridin,

Mё poshtё ёshtё lista e top 10 menaxherёve nё 12 vitet e fundit, e shpallur nga IFFHS:

1. Alex Ferguson, 78 pikё
2. Marcelo Lippi, 58 pikё
3. Arsène Wenger, 53 pikё
4. Guus Hiddink, 45 pikё
5. Sven-Goran Eriksson, 41 pikё
6. José Mourinho, 40 pikё
7. Ottmar Hitzfeld, 39 pikё
8. Luiz Felipe Scolari, 38 pikё
9. Frank Rijkaard, 34 pikё
10. Marcelo Bielsa, 34 pikё

Ronaldo: Dua mё shumё çmime dhe trofe

Ylli i Manchester United, Cristiano Ronaldo, thotë se çmimi i Lojtarit mё tё Mirё tё Vitit nuk ёshtё i mjaftueshëm pёr tё.
Pavarësisht se fitoi po thuajse gjithçka nё futboll, Ronaldo thotë se ai ende ka njё dёshirё tё bujshme pёr tё renditur edhe mё shumё çmime nё raftin e tij.

“Kurrё nuk i kam numëruar, por ka hapёsirё edhe pёr mё shumё. Dua tё fitoj edhe mё shumё. Ajo çfarë kam fituar tashmë ёshtё ngazёllyese, por dua tё fitoj ende”, ka thёnё Ronaldo.

“Nё dy ose tre vite nga tash dua tё kem edhe njё Kёpucё tё Artё, edhe njё Top tё Artё dhe kush e di ndoshta edhe njё çmim tё Lojtarit mё tё Mirё tё Vitit”, ka shtuar portugezi.

Emerson: Kaka dhe Pato do tё luajnë pёr Realin

Mesfushori i Milanit, Emerson, iu ka thёnё tifozëve tё Real Madridit tё përgatiten tё shohin dy bashkёvendёsit e tij, Kaka dhe Alexandre Pato, tё veshur me fanella tё bardha nё njё tё ardhme tё afërt.
“E di se njё ditё Pato do tё luajё pёr Madridin. Kaka e ka marrё vendimin e tij (pёr Manchester Cityn) dhe ёshtё shumё i mençur. Ai ёshtё i ri, duhet tё mendojё jo vetëm pёr para. Interesimi ende nuk ёshtё zyrtar, por ai mendon rreth tё ardhmen nё Madrid”, thotë Emerson.

“Dukshёm, tё gjithё lojarёt qё janë kampionё, njё ditё duan tё luajnë nё Madrid, dhe Kaka ёshtё njё kampion i tillё. Milani ёshtё klubi i dytё mё i madh nё botё, prapa Madridit”, ka shtuar braziliani.

Mё herët, edhe Beckham kishte shprehur mendimin e tij se Kaka dëshiron tё bashkohet me Real Madridin.

Australian Open: Federer përballё Safin

Zvicerani Roger Federer ka aranzhuar njё përballje interesante pёr rundin e tretё, ku do tё përballet me ish-kampionin e Australian Open, Marat Safin, pasi mposhti Evgeny Korolev 3-0 nё sete (6-2 6-3 6-1).
Federer, i cili ёshtё nё kërkim tё titullit tё katërtё nё Melbourne Park, dhe pёr tё barazuar rekordin e Pete Sampras me 14-tё Grand Slam tё fituar, bёri njё paraqitje tё shkëlqyeshme duke mposhtur pa ndonjë problem rusin Korolev, me 6-2 6-3 6-1.

Herёn e fundit qё 27-vjeçari, i cili tash renditet i dyti nё botё, dhe Safin ishin takuar nё Australian Open, rusi fitoi gjysmëfinalen nё pesё sete dhe nё fund fitoi edhe titullin.

Safin, pёr tё cilin ky mund tё jetё udhëtimi i fundit nё Australian Open mposhti spanjollin Guillermo Garcia-Lopez me 3-0 nё sete (7-5 6-2 6-2).

Tottenham nënshkruan me Cudicinin

Mediat angleze, raportojnë se Tottenhami ka nënshkruar me portierin e dytё tё Chelseat, Carlo Cudicini.
Daily Mail bёn tё ditur se portieri 35-vjeçar ёshtё transferuar nga Stamford Bridge nё White Hart Lane, pёr njё shumё prej 1 milionё funte.

Trajneri i Tottenhamit, Harry Redknapp, ishte nё kërkim tё njё portieri me pёrvojё dhe tё dëshmuar, pasi Gomez tregoi njё formё jo stabile gjatё pjesës sё parё tё sezonit, ndërsa aktualisht vuan edhe nga njё lёndim i lehtё.

Redknapp i ka lejuar spanjollit legjendar, Cesar Sanchez, i cili ishte portier i dytё, tё largohet nё drejtim tё Valencias, ndërsa ёshtё i gatshёm t’i japё rast edhe tё riut Ben Alnwik nё ndeshjen e sotme tё Kupёs Carlin, nё tё cilёn Tottenham do tё ndeshet ne Burnleyn.

Cudicini ka qenё portieri i dytё i Chelseat qё nga arritja e Petr Cech, nё vitin 2004. Ai pati marrëveshje me blutë deri nё fund tё këtij sezoni, qё ka qenё edhe arsyeja pse Chelsea ka vendosur ta pranojё njё ofertё aq tё ulёt si kjo e Tottenham.

NBA: Spurs mjaft tё fuqishëm përballё Pacers

San Antonio Spurs ka shёnuar fitore me rezultat 99-81 nё shtёpi ndaj Indiana Pacers, me mё shumё se gjysmёn e pikёve tё shënuara nga Tim Duncan dhe Manu Ginobili.
Duncan shënoi 27 pikё dhe 10 kёrcime pёr liderin e Divizionit Jugperëndimor, ndёrsa Ginobili shënoi 26 pikё pёr 21 minuta sa u aktivizua, duke realizuar tё gjitha katёr tentimet pёr tri pikё. Argjentinasi po ashtu pati tetё kërcime.

Tony Parker shёnoi 13 pikё dhe shtatё asistime pёr San Antonion, qё tash ka 16 fitore dhe 7 humbje nё shtёpi.

Danny Granger shёnoi 17 pikё dhe Mike Dunleavy 15 pёr Indiana Pacers, qё janë nё pozitën e fundit tё Divizionit tё Qendrёs. Pacers kanё fituar vetëm gjashtё herё nё 24 ndeshjet nё udhëtim.

Materazzi nё rrugё pёr nё Tottenham?

Agjenti i mbrojtësit italian Marco Materazzi, ka pohuar se Tottenham ka dërguar ofertё tek Interi pёr klientin e tij.
Mediat mbrёmё shkruan pёr interesimin e Tottenham dhe Portsmouth pёr mbrojtësin e nerazurёve, ndërsa kёto shkrime sot i ka pohuar edhe vet agjenti i lojtarit, Claudio Vigorelli.

“Ka interesim nga Anglia dhe mund tё them se Tottenham nё disa ditët e kaluara ka shprehur interesim pёr Marcon. Ne jemi nё njё fazё tё hershme, ata kanë biseduar me Interin dhe i kanë prezantuar diçka futbollistit”, ka thёnё Vigorelli.

“Mbetet qё klubi dhe Marco tё vendosin nёse do ta pranojnë ofertën”, ka përfunduar agjenti për Calciomercato.

Materazzi ka marrëveshje me Interin deri nё fund tё sezonit tё ardhshëm, ndërsa interesim pёr tё krahas Tottenham kanë shprehur edhe Manchester City dhe Portsmouth.

Juventus ofron Iaquintan pёr Hamsik

Mediat italiane kanё përcjellё lajmin se Juventusi planifikon tё bёjё ofertё pёr shërbimet e mesfushorit tё Napolit, Marek Hamsik.

Sllovaku ёshtё njё prej lojtarёve mё tё mirё tё Napolit dhe pёr shkak tё paraqitjeve tё tij tё mira ёshtё cak i tё gjithё gjigantёve tё Serie A.

Mediat italiane kanё bёrё tё ditur se Hamsik nuk do tё qëndrojё nё klub nёse nuk sigurohet pjesëmarrje nё Ligёn e Kampionёve kёtё sezon. Besohet se ish-lojtari i Brescias ёshtё i lumtur nё Napoli, por gjithçka ёshtё e mundur.

Tuttosport ka shkruar se Juventusi ёshtё duke e përcjellё situatën e tё riut dhe tashmё ka përgatitur ofertё nё tё cilёn do ta përfshijё edhe sulmuesin Vincenzo Iaquinta.