Lajme te reja nga bota e Sporti

Milan rikthen interesimin për Huntelaar

Trajneri i Milanit, Leonardo, kërkon përforcime të reja në skuadër, ndërsa drejtuesit e klubit kanë rikthyer interesimin kah sulmuesi i Real Madridit, Klaas-Jan Huntelaar.

Rossonerët kanë pësuar pesë humbje radhazi, ndërsa “Gazzetta dello Sport” shkruan se skuadra është vënë në alarm për përforcime.

Huntelaar kërkohet nga shumë skuadra, duke përmendur Tottenham Hotspurin, Arsenalin dhe Liverpoolin, ndërsa kuqezinjtë duhet të paguajnë një shifër e cila do të plotësojë kërkesat e Mbretërve, të cilët nuk dëshirojnë të humbin shumë në krahasim me shifrën e tij të blerjes (27 milionë euro) nga viti i kaluar.

Sevilla dëshiron ta shesë Fabianon

Jose Fuentes, agjenti i Luis Fabianos, thotë se Sevilla dëshiron ta shesë sulmuesin brazilian.

Milani është skuadra më e interesuar për shërbimet e Fabianos, mirëpo çmimi të cilin e kërkojnë andaluzianët për të, nuk u përshtatet Rossonerëve.

“Kam folur me Sevillan dhe skuadra është e interesuar për shitjen e Luis Fabianos gjatë këtij afati kalimtar”, ka thënë Fuentes për “Sky Sport Italia”.

Guiza: Do të qëndroj te Fenerbahce

Sulmuesi spanjoll, Daniel Guiza u ka dhënë fund spekulimeve për largimin e tij nga Fenerbahce gjatë këtij afati kalimtar, duke thënë se do të qëndrojë te gjiganti turk.

“Nuk është e domosdoshme të flitet për diçka që nuk është e re. Jam shumë i lumtur këtu dhe gjithçka po shkon mirë. Kam kontratë trevjeçare me klubin dhe do të qëndroj këtu”.

“Trajneri ynë (Christoph) Daum më beson. Nuk e kam në plan që të largohem”, është shprehur spanjolli, për të cilin janë të interesuara shumë skuadra evropiane.

Cruz iu nënshtrohet ekzaminimeve mjekësore te Lazio

Lazio është pranë sigurimit të shërbimeve të sulmuesit argjentinas Julio Cruz, pasi që lojtari ka arritur marrëveshje me skuadrën kryeqytetase.

Sulmuesi veteran është lojtar i lirë, që pas përfundimit të kontratës me Interin në muajin e kaluar, ndërsa për shërbimet e tij janë shprehur të interesuara shumë skuadra italiane, duke përmendur Romën, Napolin, Fiorentinën dhe Lazion.

Sipas lalazioinrete dhe tuttomercatoweb, Cruz është duke iu nënshtruar testeve mjekësore në klinikën Paideia, ndërsa nënshkrimi i kontratës do të bëhet së shpejti.

Argjentinasi do të nënshkruajë kontratë njëvjeçare me Lazion, me opsionin për ta vazhduar atë, ndërsa në sezonin e parë do të paguhet 1.6 milionë euro.

Diego do të mungojë kundër Realit

Juventusi ka marrë një goditje të rëndë përpara ndeshjes së rëndësishme në gjysmëfinalen e Kupës së Paqes kundër Real Madridit, pasi që mesfushori ofanziv Diego është larguar nga stërvitjet pas lëndimit të muskulit.

Bianconerët e kanë konfirmuar lëndimin e brazilianit në faqen zyrtare të tyre, duke thënë se lëndimi nuk është serioz, mirëpo do ta mbajë atë larg ndeshjes së të premtes mbrëma kundër Real Madridit.

Lëndimi do ta mbajë dy ditë jashtë fushe transferin e ri të Zonjës së Vjetër dhe pastaj do të shqyrtohet nëse Diego do të mund të kthehet në stërvitje.

Juve eliminon Realin

Juventusi ka dalë sërish fitues kundër Real Madridit duke e eliminuar në gjysmëfinale të Kupës së Paqes.

Zonja e Vjetër dhe Mbretërit janë takuar të premten mbrëma në gjysmëfinalen e Peace Cup, ku bardhezinjtë kanë fituar me rezultat prej 2-1.

Ish-lojtari i Realit, Fabio Cannavaro, hapi ndeshjen që në minutën e tretë të takimit duke shënuar golin e parë për bardhezinjtë.

Cristiano Ronaldo barazoi rezultatin duke shënuar nga pika e bardhë (41’), mirëpo katër minuta brenda pjesës së dytë, Hasan Salihamidzic shënoi golin e dytë dhe të fitores për Juventusin.

Bianconerët në finale do të përballen me Aston Villan që në ndeshjen tjetër gjysmëfinale e kanë mposhtur Porton me rezultat identik prej 2-1.

Zyrtare: Heinze nënshkruan për Marseille

Real Madridi ka konfirmuar në faqen zyrtare se Gabriel Heinze ka kompletuar transferimin e tij te Olympique Marseille.

“Real Madridi dhe Marseille kanë arritur marrëveshje për transferimin e Gabriel Ivan Heinzes te klubi francez”, shkruan në deklaratën e shkurtër të Mbretërve.

31-vjeçari dot nënshkruajë kontratë trevjeçare me Marseille, ndërsa çmimi i transferimit deri më tani mbetet i panjohur.

Zyrtare: Julio Cruz lojtar i Lazios

Ashtu si edhe paralajmëruam, sulmuesi argjentinas Julio Cruz ka nënshkruar me skuadrën italiane Lazio.

Skuadra kryeqytetase ka konfirmuar se veterani argjentinas ka nënshkruar për Biancocelestët.

Në faqen zyrtare të Lazios dhe në tuttomercatoweb, shkruan se Cruz ka nënshkruar kontratë njëvjeçare me ekipin nga kryeqyteti i Italisë për vlerën prej 1.6 milionë euro, dhe me mundësinë për ta vazhduar edhe një vit kontratën.

Zyrtare: Martins i bashkëngjitet Wolfsburgut

Obafemi Martins është transferuar nga Newcastle United te kampioni i Gjermanisë, Wolfsburg.

Në faqen zyrtare të ekipit gjerman është konfirmuar se sulmuesi ka nënshkruar kontratë katërvjeçare, ndërsa Newcastle do të fitojë 9 milionë funte nga shitja e lojtarit.

Trajneri i Wolfsburgut, Armin Veh, është shprehur shumë i kënaqur me këtë transferim dhe mendon se ky është pikërisht lojtari që i nevojitet skuadrës së tij, që tashmë ka në sulm Grafiten dhe Edin Dzekon, me mundësinë për të shfrytëzuar dy ose tre sulmues në ndeshje.

Liverpooli mund ta transferojë Villan

Pas shitjes së Xabi Alonsos, Liverpooli do të tentojë transferimin e sulmuesit të Valencias, David Villa.

Alonso ka kërkuar largimin drejt gjigantit spanjoll Real Madrid, derisa sipas spekulimeve të fundit, transferimi mund të ndodhë gjatë kësaj jave.

“The Sun” shkruan se me paratë e grumbulluara, trajneri Rafael Benitez do të bëjë një ofertë për Villan, i cili kërkohet thuajse nga të gjitha skuadrat e mëdha evropiane.

Los Che ka refuzuar ofertat Barcelonës dhe Real Madridit për spanjollin, mirëpo Benitez beson se mund ta joshë Villan drejt Anfield.

Higuain mund të luajë për Francën

Sulmuesi i Real Madridit, Gonzalo Higuain, ka deklaruar se nëse injorohet vazhdimisht nga trajneri i përfaqësueses së Argjentinës, Diego Maradona, ai mund ta veshë fanellën e përfaqësueses së Francës.

“Unë angazhohem shumë çdo ditë dhe pres të ftohem nga Maradona. Dëshiroj të luaj në Kampionatin Botëror 2010, prandaj nuk dëshiroj ta humb shpresën”.

“Ka spekulime se nuk më tërheqin Albicelestët, mirëpo ato janë të pavërteta. Është njëra nga ëndrrat e mia (të luaj për Argjentinën)”, ka thënë argjentinasi për revistën franceze “So Foot”.

Mirëpo, edhe pse ka dëshirë të madhe ta vesh fanellën e Argjentinës, Higuan, i cili është i lindur në Brest të Francës, nuk e ka hedhur poshtë mundësinë që mund të luajë edhe për trekolorët.

“Është e jashtëzakonshme që (trajneri i Francës, Raymond) Domenech interesohet për mua, sidomos kur kihet parasysh se përfaqësuesja e Francës është një superfuqi botërore. Dhe aty është edhe lojtari i madh, Karim Benzema. Kështu që asnjëherë nuk i dihet”, ka përfunduar intervistën e tij Higuain.

Makelele pro- kthimit të Vieiras tek Arsenal

Mesfushori i Paris Saint-Germain, Claude Makelele, mbështet rikthimin e bashkëkombësit të tij Patrick Vieira tek Arsenali.

Qëndrimit të Vieiras tek Interi duket se po i vjen fundi, ndërsa spekulimet e fundit e lidhin atë me një rikthim sensacional te Topçinjtë.

“Patrick është ende një lojtar i mirë. Ai është ende një lojtar i madh. Dhe mendoj se ai është ende njëri nga mesfushorët më të mëdhenj në votë”.

“Ai është një mesfushor i mirë. Mendoj se ka mundësi të shkojë tek arsenali. Ai është sikurse unë dhe Steven Gerrard. Ai do të bënte një punë të mirë, besoj”, është shprehur Makelele.

Milito: Unë dhe Eto’o do të shënojmë shumë gola

Sulmuesi i transferuar sivjet tek Interi, Diego Milito, është i gatshëm të shënojë shumë gola krahas sulmuesit tjetër Samuel Eto’o, i cili po ashtu u transferua te zikaltrit këtë afat kalimtar.

“Jam vërtet i lumtur dhe gjëja më e rëndësishme është se e kuptojmë partneritetin me bashkëlojtarët”.

“Kam raporte të mira me Eto’o. Ai është shumë i mirë në ndryshimin e lojës në sulm. Ne e ende kemi nevojë të përshtatemi që të jemi në gjendje të japim më të mirën që mundemi”.

“Stërvitjet e përditshme do të përmirësojnë bashkëpunimin tonë dhe jam i sigurt se do të jemi të mrekullueshëm së bashku”, ka thënë Milito për “La Gazzetta Dello Sport”.

Pirlo një nënshkrim larg Chelseat

Andrea Pirlo është vetëm një nënshkrim larg transferimit te Chelsea, pasi që tashmë ka arritur marrëveshje për ekipin nga Liga Premier.

Gazeta milaneze “Il Giornale” njofton se mesfushori italian do të nënshkruajë kontratë katërvjeçare me Blutë, ndërsa Roman Abramovich do t’i paguajë Milanit një shifër prej 18-20 milionë eurosh për blerjen e lojtarit.

Pirlo do të fitojë diçka më shumë se gjashtë milionë euro për sezon, ndërsa së shpejti pritet edhe konfirmimi zyrtar i ribashkimit të tij me trajnerin Carlo Ancelotti.

Del Piero: Juve është skuadër më e mirë se Reali

Legjenda e Juventusit, Alessandro Del Piero, thotë se skuadra e tij është më e mirë se Real Madridi duke llogaritur fitoren e të premtes mbrëma në kuadër të Peace Cup.

Zonja e Vjetër i mposhti Los Blancos me rezultat prej 2-1, ndërsa në të dy golat e Bianconerëve ishte asistues ikona bardhezi.

Kjo ishte fitorja e tretë e Juventusit kundër Real Madridit brenda një viti duke llogaritur dy fitoret në kuadër të Ligës së Kampionëve.

“Gjithmonë ka emocione të cilat të kënaqin dhe kurrë nuk mësohesh me to. Luajtëm shumë mirë dhe ishim të organizuar dhe kompakt, duke lënë përshtypjen se ne jemi skuadër më e mirë (se Reali)”.

“Këto janë fitore të rëndësishme të cilat shtojnë motivimin. Ne kemi dëshmuar se mund të luajmë sërish në nivelet më të larta të futbollit dhe kundër çdo skuadre”, ka thënë Del Piero.

Të dielën, Juventusi përballet me Aston Villan në finalen e Peace Cup në Estadio Olimpico në Seville.

De Rossi: Nuk largohem nga Roma

Daniele De Rossi ka shprehur edhe njëherë dashurinë për Romën duke thënë se nuk do t’i bashkëngjitet skuadrës më të interesuar për të- Arsenal.

“The Independent” të premten njoftoi se Topçinjtë janë të gatshëm t’i ofrojnë Romës 35 milionë euro për mesfushorin italian.

“Arsenali? Nuk kam dëgjuar asgjë. Roma më ka thënë se nuk jam në shitje. Krejt çka dua është të qëndroj këtu”.

“Kuptohet, gjërat do të ishin ndryshe nëse Roma dëshiron të më shesë, mirëpo skuadra gjithmonë ka dashur të më mbajë”, u ka thënë De Rossi gazetarëve.

Arshavin: Liverpooli kundërshtar më i rrezikshëm se United

Mesfushori ofanziv i Arsenalit, Andrei Arshavin, ka dhënë pikëpamjet e tij në lidhje me rivalët nga Liga Premier.

“Asnjëra nga skuadrat nuk ka qenë kundërshtar i lehtë. Shumëçka varet nga kahu i lojës. P.sh. Fulhami ka qenë një kundërshtar i vështirë për t’u mposhtur dhe nuk ka qenë aspak lehtë të luhet kundër tyre, pasi që lojtarët ishin shumë të organizuar, të disiplinuar dhe vazhdimisht e mbyllnin lojën”.

“Mirëpo nëse flasim për Manchester Unitedin dhe Liverpoolin, kundër Liverpoolit ka qenë shumë më vështirë të luhet”, ka deklaruar mesfushori rus.

Interi në kërkim të Van Der Vaart

Kampioni i Italisë po vazhdon ta forcojë skuadrën, për të kënaqur kërkesat taktike të trajnerit Jose Mourinho.

Sipas Calciomercato.it, mesfushori i Real Madridit, Rafael Van Der Vaart, është njëri nga shënjestrat për ta plotësuar mesfushën e skuadrës ziakaltër.

Nerazzurët planifikojnë ta transferojnë Van Der Vaartin në formë huazimi, me mundësinë për ta blerë atë në fund të sezonit.

Diego: Do të kthehem së shpejti

Mesfushori i Juventusit, Diego, u ka thënë tifozëve bardhezi që të mos shqetësohet për të, sepse ai do të kthehet shumë shpejtë në fushë.

Transferi i sivjetmë i Zonjës së Vjetër u detyrua të mungonte në gjysmëfinale të Kupës së Paqes, pasi që kishte lodhje muskulore- një gjendje e cila nuk konsiderohet jo serioze nga stafi mjekësor i Juves.

“Jam i pikëlluar për atë që më ndodhi. Kisha shumë dëshirë të luaja kundër Real Madridit, mirëpo nuk munda të bëj asgjë në këtë drejtim”.

“Do të pushoj një kohë që të rikuperohem plotësisht. Do të kthehem shumë shpejt”, ka thënë braziliani për “Tuttosport”.

Berlusconi: Nuk do ta shes Milanin

Presidenti i Milanit, Silvio Berlusconi, ka mohuar spekulimet se klubi i tij do t’u shitet disa biznesmenëve izraelitë.

“Këto janë vetëm thashetheme, nuk ka asgjë të vërtetë në to”, ka thënë Berlusconi në një intervistë me Ansa.it.

Presidenti i Rossonerëve, ka thënë se ai nuk di asgjë në lidhje me mundësinë e transferimit të Andrea Pirlos te Chelsea, dhe po ashtu është shprehur i painformuar për interesimin e Milanit për sulmuesin e Real Madridit, Klaas-Jan Huntelaar.

Caceres i lumtur

Martin Caceres është shumë i lumtur që është huazuar tek skuadra e Juventusit. 22 vjeçari tashmë gjendet në Torino, ku i ka kaluar testet mjekësore. " Jam shumë i lumtur të jem këtu tek skuadra e Juventusit, mezi pres të fillojë të luaj" deklaroi Martin Caceres për mediat Italiane

Cana: Marseja nuk harrohet

Mesfushori i ri i Sunderlandit Lorik Cana e ka bërë të qartë se ai gjithmonë do t'i ketë në zemrën e tij tifozët dhe skuadrën e Olimpikut të Marsejës. " Kam kaluar kohëra të mira tek Marseja dhe ato kohëra janë të paharruara. Gjithmonë do të jem në mbështetje morale për Marsejën. Dua të them se Olimpiku i Marsejës është skuadra ime e zemrës" u shpreh Lorik Cana

Alves: E gjithë bota e duan Barçën

Mbrojtësi i Barcelonës Daniel Alves deklaroi se trofetë e fituar edicionin e kaluar nga skuadra e tij kanë bërë që pothuajse e gjithë bota të jetë tifoze e Barcelonës. " Kur i fituam tre trofetë të gjithë njerëzve u hymë në zemër. Ne do të mundohemi që edhe më tutje të fitojmë dhe të shtojmë numrin e përkrahësve" theksoi Braziliani Daniel Alves

Larsson tërhiqet nga futbolli


Sulmuesi i famshëm Suedez Henrik Larsson ka pësuar një lëndim i cili sipas një burimi të 'Sportbladet' do ta detyrojë ta përfundojë karrierën e tij. Larsson kishte pasur në plan të tërhiqet nga futbolli në vjeshtë por ky lëndim i ka prishur planet e tij dhe e ka detyruar të varë këpucët në gozhdë

Ofertë e papërshtatshme

Administratori i Milanit Adriano Galliani ofertën e fundit të Chelseas në drejtim të mesfushorit Andrea Pirlo e shehë si të papërshtatshme. " Oferta prej 8 milionë euro dhe Pizarro nuk është e vlefshme për një lojtar si Pirlo" deklaroi Galliani, i cili gjithashtu tha se do të takohet me Florentino Perezin në lidhje me transferimin e Klass-Jan Huntelaar

Dzeko rinovon deri në 2013

Sulmuesi Edin Dzeko e ka rinovuar kontratën e tij me skuadrën e Wolfsburgut deri në vitin 2013. Ky është një lajm i keq për skuadrën e Milanit pasi që ende shpresonin në transferimin e tij. " Jam i lumtur për rinovimin dhe tani dua të jem krejtësisht i përkushtuar tek skuadra. Mezi pres të fillojë sezoni i ri" deklaroi Dzeko pas rinovimit me kampionët Gjerman

Arsenali mposhti Atletico Madridin

Skuadra e Arsenalit ka shënuar fitore përballë Atletico Madridit me rezultat 2:1. Pjesa e parë u mbyll me rezultat të barabartë 0:0. Në pjesën e dytë ishte Arsenali që me anë të Andrey Arshavin në minutën e 86 krijoi epërsinë, por vetëm një minutë më pas, Atletico barazoi me anë të Pacheco. Për fitoren e Arsenalit u përkujdes Arshavin që shënoi në minutën e 89.
Arsenal [2 - 1] Atletico Madrid

Owenin nuk e pengojnë kritikat

Sulmuesi i Manchester Unitedit Michael Owen i është përgjigjur disa zërave të cilët transferimin e tij tek skuadra e Sir Alex Fergusonit e cilësojnë si dështim. Owen deklaroi se ai nuk ndihet i prekur nga këto fjalë dhe për njërzit të cilët e duan do të bëjë më të mirën. Owen premtoi se në sezonin e ardhshëm do të shënoi mjaftë gola.

Huntelaar afër Milanit

Real Madridi po i refuzon të gjitha ofertat tjera vetëm që sulmuesin e saj Klas-Jan Huntelaar ta transferojë tek skuadra e Milanit. Sipas mediave Spanjolle, 'Los Merengues' janë duke pritur që Milani t'i bëjë një ofertë përderisa t'i shqyrtojnë edhe ofertat tjera nga skuadra të ndryshme. Dje Galliani deklaroi se shumë shpejt se do të takohet me Perezin në lidhje me tranferimin e Huntelaarit

Torres: Dua të hyjë në histori të Liverpoolit

Fernando Torres dëshiron që ta shkruajë vetën e tij në historinë e skuadrës së Liverpoolit. " Do të doja ta fitoja kampionatin sivjet sikurse kampionatin Evropian vitin e kaluar. Dua që të jem pjesë e historisë së Liverpoolit, e cila është skuadra më e madhe Angleze. Qyteti i Liverpoolit është i mrekullueshëm me këta tifozë të flaktë, unë dua që Liverpoolin ta ndihmojë që të fitojë edhe më shumë trofe" deklaroi Torres

Juventus më shumë se një klub

Mbrojtësi i Juventusit Fabio Cannavaro ndihet shumë i lumtur që skuadra e tij në këto miqësore po kalon nëpër një formë të lartë. " Fitorja kundër Realit ishte e madhe, ne luajtëm shumë mirë dhe ja arritëm qëllimit. Juventus është më shumë se një skuadër me këtë formë dhe me këta futbollistë" u shpreh Fabio Cannavaro për mediat Italiane

Guardiola i lumtur

Trajneri i Barcelonës Pep Guardiola pas fitores së skuadrës së tij ndaj Los Angeles Galaxy theksoi se fitorja ishte e merituar. " Në pjesën e parë patëm pak raste, por pjesa ae dytë ishte ndryshe. Shënuam dy herë, askush nuk u lëndua dhe gjithçka shkoi si më së miri" deklaroi Guardiola. Për Barcelonën golat u shënuan nga Pedro dhe Jeffren, kurse David Beckham me një goditje të lirë spektakulare shënoi pë LA Galaxy

Dashuria e Milanos për Fabianon nuk përfundon

Milani gjatë këtij afati kalimtar futbollistin e Sevillas në mënyra të ndryshme ka shikuar për të transferuar, mirpo deri më tani ende nuk ka asnjë rezultat. Sipas gazetës Spanjoll ''El Mundo Deportivo'' Milano ka rritë ofertën për Fabianon. Oferta e re që do të shkojë drejtë Sevillas do të jetë 20 milion euro plus futbollistin Zvicerran që luanë në Fc Zurich Vonlathen të cilin Milano mendon të bëjë Rosoner.

Man United nuk i ndahet Silvas

Edhe pse trajneri i Man United Sir Alex Ferguson kishte deklaruar se kemi përfunduar transferet, dhe Valencia kishte deklaruar se Silva nuk është në shitje prap se prap në mediat Angleze flasin për një transferë të mundshme të Silvas në Old Trafford. Sipas ''News of the World'' Man United për të trasnferuar këtë futbollist së paku duhet të i nxjerrë nga xhepi 29 milion euro. Pritet që gjithçka të zyrëtarizohet pas ndeshjes miqësore në mes United dhe Valencias javën e ardhshme

Toure: Wenger më dëshironte

Futbollisti i Man Cityt Kolo Toure deklaroi se '' Arsen Wenger dëshironte mua që të më mbajë në Emirates, por unë dëshiroja të largohem. Mendojë se ishte koha e duhur për të u larguar nga Arsenali, kjo ishte më e sigurt për mua. Arsen Wenger ka dëshiruar që unë sa më shumë të qëndroja në skuadër'' u shprehë Toure

Parat nuk janë të mjaftueshme për yje

Trajneri i Chelsea Italiani Carlo Ancelotti deklaroi se '' Terry dhe Kaka kanë pasur oferta të majme nga Man City, por ata nuk shkuan aty, sepse nuk i duan parat. Futbollist si ata është e rëndësishme paraja, por jo më shumë se karriera. Të dy janë lider në klube andaj ishte e pamundur pranimi i ndonjë oferte. Unë kam folur gjatë një muajë me Terryn dhe ai e ka kuptur se më e rëndësishme është lidershipi se paraja. Ai e rrespekton atë dhe klubin e vet, sepse e dinë se sa i rëndësishëm është për klubin'' u shprehë Ancelotti

Tottenham kërkon Van Bommelin

Pas dështimit për ta transferuar Patrick Vieiran, skuadra e Tottenhamit është e interesuar që të marë shërbimet e mesfushorit të Bayern Munihut Mark Van Bomel. "News of the World" njofton se trajneri Harry Redkapp dëshiron që ta ketë 32 vjeçarin në skuadrën e tij për sezonin e ardhshëm. Holandezi erdhi tek Bayerni në vitin 2006 nga Barcelona

Henry: Me Ibrën, një bashkpunim i fortë

Sulmuesi i Barcelonës Thierry Henry pas ndeshjes me La Galaxy deklaroi se ka qenë i habitur nga loja që e ka bërë skuadra Amerikane. Gjithashtu Henry ka folur edhe për transferimin e ri Zlatan Ibrahimoviç. " Ai është një sulmues i jashtëzakonshëm. Do të jetë një bashkpunim i fortë me të, mezi pres të filloj të luaj pranë tij" deklaroi Thierry Henry

Ashley Cole afër rinovimit

Mbrojtësi i skuadrës së Chelseas Ashley Cole sipas mediave Angleze do ta rinovojë shumë shpejtë kontratën e tij me skuadrën e Carlo Ancelottit. "Sunday Mirror" shkruan se Cole do të nënshkruajë kontratë të re pesë vjeçare. Ish mbrojtësit të Arsenalit, do t'i rritet edhe rroga mujore nga Roman Abramovich

Hernanes ëndërron Milanin

Mesfushori i talentuar i Sao Paulos Hernanes ka dëshirë të madhe që të luaj me skuadrën e Milanit. " Kush nuk do të dëshironte të luante tek Milani. Ata janë në listën e pesë ekipeve më të mëdha në botë. Hernanes ëndërron të luaj me Milanin bashk me Ronaldinhon, dhe Rossonerët duhet të bëjnë ofertë për të" deklaroi agjenti i Hernanes. Milani e shikon Brazilianin si zëvendësues të Andrea Pirlos që është afër për të kaluar tek Chelsea

Guti: Lojtarët e Juves u gëzuan si fëmijë

Mesfushori i Real Madridit Guti deklaroi se humbja ndaj Juventusit nuk do të thotë dështim për skuadrën e tij. " Nuk e kuptojë gëzimin e madh të tyre për këtë fitore. Kjo thjeshtë ishte një ndeshje miqësore. Gëzimi i tyre ishte aq i madh sa i ngjante edhe një fëmije" u shpreh Guti

Torres kalon Gerrardin

Drejtori i marketingut tek skuadra e Liverpoolit Ian Ayre, ka treguar se fanella e Fernando Torresit është më e shitura në tregun botërorë. " Fernando është një figurë botërore, dhe fanella e tij është më e shitura tani. Tashmë e ka kaluar edhe ikonën e skuadrës Steven Gerrard. Kjo është një gjë e mirë për të ardhmen e Torresit" deklaroi Ian Ayre

Wenger lavdëron Arshavinin

Trajneri i Arsenalit Arsene Wenger duke parë formën e mirë që po kalon sulmuesi i skaudrës së tij Andrey Arshavin deklaroi: " Jam shumë i lumtur, shpresoj që të mos e përcjellë ndonjë lëndim. Arshavin është një ndër futbollistët më të mirë në botë. Jam i sigurtë se sezonin e ardhshëm do të jetë në formë të lartë". Arshavin mbrëmë shënoi dy gola kundër Atletico Madridit edhe pse ishte futur në minutat e fundit të ndeshjes

Seedorf: S'ka nevojë për panikë

Humbjet e njëpasnjëshme të skuadrës së Milanit në këto miqësore parasezonale, mefushorin e Milanit Clarence Seedorf nuk e shqetësojnë. " Duhet të kemi besim tek vetëvetja dhe tek trajneri Leonardo. Merkatoja është ende e hapur dhe mund të vijnë edhe dy futbollistë të rinjë në skuadër. Nuk duhet të kemi panikë për këtë formë, ngase në kampionat do të jemi më ndryshe" deklaroi Clarence Seedorf

Lampard: Chelsea më e pregatitura

Mesfushori i Chelseas Frank Lampard beson se skuadra e tij do të hyjë në sezonin e ardhshëm shumë më e pregatitur se skuadrat tjera. " Ky afat kalimtar për skuadrën tonë ka qenë i qetë. Nuk kanë ndodhur ndryshime të mëdha. Mendoj se ne jemi të qetë dhe do të hyjmë më të pregatiturit në sezonin e ardhshëm" deklaroi Frank Lampard për mediat Angleze

Melo: Posedojmë mesfushë cilësore

Sipas futbollistit të Juventusit Felipe Melos, 'Zonja e vjetër' posedon një mesfushë shumë të fortë, ndoshta edhe më të fortën në Serie A. " Mendoj se kemi krijuar një mesfushë të fortë dhe cilësore. Unë, Diego dhe Sissoko do të jemi një pikë e fortë në skuadrën e Juventusit për sezonin e ri. Kjo mesfushë mendoj se është më e forta në Serie A" u shpreh ish-futbollisti i Fiorentinës Felipe Melo

Barcelona shpërblen Messin

Në kontratën e tij të re me skuadrën e Barcelonës, 'futbollisti më i mirë në botë', Lionel Messi do të ketë edhe disa premi. Argjentinasi do t'i fitojë nga 11 milionë euro në sezon. Ai do të ketë të drejtë të kërkojë rritje të rrogës deri në 30 përqind. Në drejtim të Lionel Messis do të vijnë edhe oferta tjera gjigante nga kompanitë botërore. Momentalisht futbollisti më i paguar në botë është Cristiano Ronaldo, i cili tek Real Madrid paguhet 13 milionë euro në vit.

Carragher: Liverpoolit i duhen blerje

Jamie Carragher është i bindur se nëse skuadra e Liverpoolit kërkon të shpallet kampion në Premier ligën Angleze, duhet të transferojë edhe disa futbollistë. " Deri më tani kemi blerë Glen Johnsonin i cili është talent i madh, por mendoj se na duhen edhe dy përforcime tjera, nëse dëshirojmë të shpallemi kampion. Edhe tifozët kërkojnë një gjë të tillë nga trajneri Rafael Benitez, i cili duhet ta freskojë skuadrën" deklaroi Carragher

Roma pas Luganos

Mbrojtësit Diego Lugano i ka skaduar kontrata e tij me skuadrën e Fenerbahçes dhe në këtë afat kalimtar mund të transferohet si lojtarë i lirë. Skuadra e Romës po shikon mundësinë e transferimit të tij nga liga Turke me parametra zero. Trajneri Luciano Spalleti e shehë Luganon si zëvendësues të Christian Panucit që u transferua tek Parma

Kalimi te Barça një film me fund të lumtur

Zlatan Ibrahimoviç transferimin e tij tek skuadra e Barcelonës e ka cilësuar si të veçantë. " Se çka ndodhi me mua është sikurse një film, fundi i të cilit është i lumtur. Unë dëshiroja të kaloja tek Barcelona dhe tani jam këtu. Unë nuk kamë asnjë dyshim për ardhjen time këtu, ngase jo vetëm unë e kam dashur këtë transferim por edhe skuadra e Barcelonës" deklaroi Ibrahimoviç për "SPORT"