Lajmet më të reja nga ekonomia dhe biznesi

Bregdeti turk, nga 490 deri 1000 euro

Oferta e Eurokohës për një pushim 10 ditor në bregdetin turk sillet prej 490 deri në 1000 euro. Varësisht prej kushteve që ofrojnë hotelet turke

Eurokoha prezantoi ofertën turistike për vitin 2009, duke u ofruar pushuesve aranzhmane turistike për bregdetin e Shqipërisë, Turqisë, Kroacisë, Bullgarisë.
Për shkak të krizës financiare, e cila e ka prekur edhe Kosovën, Eurokoha do t'i ofrojë mundësinë klientëve të vet që rezervimet për pushime t'i bëjnë më herët, gjatë muajit maj, duke fituar një zbritje prej 20 për qind.

Pronari i Eurokohës, Remzi Ejupi, ishte skeptik që sivjet turizmi të jetë i pasur sikur vjet shkaku i krizës financiare. Sipas tij, për shkak të krizës financiare do të duhet të organizohen maksimalisht si agjension për ta mbajtur numrin e njëjtë të udhëtarëve me vitin e kaluar dhe, siç është shprehur ai, do të ishte shumë i kënaqur sikur të përfundonte ky vit pa humbje, pasi që është shprehur i sigurt se nuk do të ketë as profit. "As Kosova nuk mund të jetë indiferente ndaj krizës globale, e cila krizë në një formë na prek edhe ne, por varet se kush sa e
ndien krizën. Ne si aviokompani dhe operator i shitjes së biletave vetëm kemi filluar ta ndiejmë krizën globale", ka pohuar Ejupi. /telegrafi/

OPEK-u propozon që një barel naftë të shitet për më tepër se 70 dollarë

Organizata e vendeve eksportuese të naftës (OPEK) kërkojnë që çmimi i naftës të rritet në mbi 70 dollarë për barel, deklaroi sekretari i përgjithshëm i OPEK-ut, Abdalla Salem el Badri.

Ai theksoi se çmimi prej 50 dollarëve për baerë nuk është i mjaftueshëm për të mbuluar shpenzimet e ardhshme investuese.

Badri, i cili ndodhet për vizitë në Algjeri, u takua me ministrin për Energjetikë dhe Miniera, Shakib Helil, me ç'rast biseduan për zhvillimin e tregut të nagtës.

Ministri i Naftës i Kuvajtit, Ahmad al Abdalla as Sabah sot deklaroi se 50 dollarë për barel naftë është çmim "i matur" në kushte të krizës globale financiare.

Banka Botërore i ndan Meksikës 200 milionë dollarë

Banka Botërore do t'i japë Meksikës një hua prej 200 milionë dollarësh për ta ndihmuar këtë vend në luftë kundër gripit të derrit.

Shefi i Bankës Botërore, Robert Zelik, ka thënë se ky institucion u ka ofruar informacione autoriteteve meksikane lidhur me masat që kanë ndërmarrë shtetet tjera në raste të ngjashme.

Ndërkohë, zyrtarë meksikanë kanë bërë të ditur se nga 13 prilli në këtë vend nga ky lloj gripi kanë vdekur mbi 100 persona, ndërsa me këtë virus mund të jenë infektuar rreth 1.400 njerëz. /rel/

BB: Më shumë ndihma për të varfërit

Banka Botërore ka kërkuar nga shtetet donatore që t'i përshpejtojnë pagesat e premtuara në mënyrë që vendet e varfëra të dalin nga recesioni, të cilin e kanë shkaktuar shtetet e pasura.

Kriza ekonomike po shndërrohet në katastrofë humanitare dhe zhvillimore, e cila sivjet i ka futur në varfëri të skajshme mbi 50 milionë njerëz, thuhet në kumtesën e Bankës Botërore në fund të takimit pranveror të këtij institucioni.

"Bota është ndeshur me probleme ekonomike pa presedan, ku më se shumti mund të pësojnë të varfërit, prandaj duhet vazhduar përpjekjet për të penguar katastrofën humanitare," ka thënë presidenti i Bankës Botërore, Robert Zoelick. /rel/

Sunday Times: Dështojnë miliarderët

“Sunday Times" shkruan për "Dështimin e Miliarderëve", të prekur nga recesioni.

Kështu, humbja nga ky fenomen llogaritet 37 për qind e parave të super të pasurve. Deri tani shifra kap 258 miliardë sterlina, ndërsa në listën e të humburve renditen rreth 30 miliardere.

Banori që po qëndron me vështirësi në mbretërinë e të pasurve është indiani Laksh¬mi Mittal, manjati i çelikut, pasuria e të cilit është zbehur nga 16.9 miliardë sterlina në me pak se 11. Mittal me pasurinë që ka mbetet personi më i pasur në Birtani.

Ridimensionohet edhe pozicioni i oligarkut rus Roman Abramovich, i cili tani ka 7 miliardë sterlina nga 11 që kishte në kohët e arta dhe llogaritet të jetë personi i dytë më i pasuri në Birtani.

I treti është Duka i Westminster, pronar i shtëpive, pallateve, terreneve dhe lagjeve londineze të Mayfair e Belgravia, i cili tani vlen 6,5 miliardë.

Në vendin e katërt ne "Rich List" është Ernesto Bertarelli dhe gruaja e tij Kirsty, me vlerë 5 miliardë. /Telegrafi/tch/

Kandidaturat për Bordin e TKPT-së votohen me 30 prill

Kryesia e Kuvendit të Kosovës vendosi sot që në seancën e 30 prillit të votohet për emrat për anëtarë të Bordit të Trustit Pensional të Kosovës.

Lista ishte miratuar nga Qeveria e Kosovës në mbledhjen e fundit dhe në të, përveç tre ndërkombëtarëve, janë Besim Beqaj, Ymer Havolli dhe Ruzhdi Morina.

Ndryshe pas gati një vit mungese të bordit të drejtorëve dhe mbi 100 milionë euro humbje si pasojë e krizës financiare botërore, Qeveria e Kosovës javën e kaluar ka dhënë pëlqimin për anëtarë të Bordit të Trustit Pensional të Kosovës. /Telegrafi/

BSPK paralajmëron protestë

Kryesia Ekzekutive e Bashkimit të Sindikatave të Pavarura të Kosovës, pas diskutimit të gjatë që pati për gjendjen e rëndë ekonomike dhe sociale që mbretëron në vendin tonë, për problemet e punëtorëve, për kushtet e rënda të punës etj., unanimisht vendosi për mbajtjen e një proteste, si mundësinë e vetme për zgjedhjen e problemeve të punëtorëve.

KE e BSPK-së në mbledhjen e mbajtur të hënën vendosi që protesta të mbahet në qender të Prishtinës më 16 maj të këtij viti.

Kjo protestë do të koinçidoj me protestat e paralajmëruara nga Sindikatat Evropiane dhe Botërore, ku BSPK-ja është anëtare e tyre. /Telegrafi/

Vjedhen 50 mijë euro në një nëndegë të ProCredit Bankës

Rreth 50 mijë euro konsiderohet të jetë shuma e plaçkitur në nëndegën e ProCredit Bankës në Qendrën Tregtare te “Bregu i Diellit”, nga katër persona deri tash të panjohur, kanë bërë të ditur zyrtarë të Policisë së Kosovës.

Njëri nga katër plaçkitësit që ia kishte mësyrë bankës, pas hyrjes në objekt ka shtënë me armë zjarri në ajër. Me gjithë të shtënat e zjarrit, nuk ka pasur të lënduar nga ana e punonjësve të bankës apo të klientëve të saj, derisa njësitë e Policisë së Kosovës kanë dalë menjëherë në vendin e ngjarjes, ndonëse plaçkitësit kishin ikur në drejtim të panjohur.

Dëshmitarët okularë, të cilët kanë dashur të mbesin anonimë, i kanë thënë KTV-së se personat kanë ecur në këmbë deri te filiali i bankës. Sipas tyre, plaçkitja ka ndodhur përreth 2 minuta dhe më pastaj katër personat janë larguar po në këmbë.

Ndërsa ProCredit Bank u ka bërë thirrje klientëve të saj që të mos jenë të shqetësuar. “ProCredit Bank siguron klientët e saj që nuk ka vend për panik, pasi që të gjitha mjetet e bankës janë të siguruara plotësisht bazuar në rregullat në fuqi në Kosovë”, thuhet në komunikatën e ProCredit Bankës.

Pak javë më parë edhe një filial i ProCredit Bankës në Maqedoni ishte plaçkitur me armë zjarri në mes të ditës. Operacionet policore ishin zhvilluar edhe në Maqedoni e Kosovë, ngase dyshohej se grupi i plaçkitësve fshihej në territorin e Kosovës. /ktv/

BQE: Besim në përmirësimin e tregut monetar

“Ka shenja që tregojnë se besimi në tregun monetar po përmirësohet”. Kështu është shprehur presidenti i Bankës Qendrore Amerikane, Jean Claude Trichet.

Megjithatë ai ka deklaruar se përmirësimi ekonomik në zonën euro do të ndodhë vitin e ardhshëm. “2009-a është një vit shume negativ”, deklaron ai.

Trichet nënvizon me pas se rregullat për hyrjen në zonën euro nuk do të zbuten.

Presidenti i BQE-se siguron se me 7 maj do të merren vendime për instrumentet e reja që institucioni kryesor financiar evropian do të vendosë për të përballuar krizën. /Telegrafi/tch/

GM i mbyllë 21 mijë vende pune

Kompania General Motors thotë se deri në vitin 2010 do t'i mbyllë 21 mijë vende pune në uzinat në Shtetet e Bashkuara dhe gradualisht do ta ndalë edhe prodhimin e automobilave të tipit Pontiac.

Kjo bëhet në kuadër të ristrukturimit të përgjithshëm, që është i domosdoshëm për të marrë më tepër ndihmë të qeverisë.

Aktualisht, GM e zhvillon afarizmin në bazë të ndihmës së qeverisë amerikane prej 15.4 miliardë dollarë dhe deri më 1 qershor duhet të ristrukturohet për të fituar më tepër fonde.

Nëse ky ristrukturim nuk vlerësohet pozitivisht nga qeveria, atëherë kompania mund të futet në falimentim të mbrojtur.

BB-ja i ndau Serbisë hua edhe 330 milionë dollarë

Banka Botërore (BB) do t'i aprovojë Serbisë hua edhe 300 milionë dollarë për mbështetje të buxhetit për shkak të krizës ekonomike botërore.

Siç lajmërojnë mediumet serbe, kjo informatë dje iu konfirmua delegacionit serb në Uashington, në takimin me drejtoreshën ekzekutive të BB-së Ngozi Okonjo-Iveala.

Ministri serb i Ekonomisë Mllagjan Dinkiq, i cili kryeson delegacionin serb në asamblenë pranverore të BB-së dhe Fondit Monetar Ndërkombëtar (FMN), deklaroi se BB-ja do ta rrisë huanë kontraktuar prej 600 milionë dollarëve për Serbinë.

Sipas Dinkiqit, Serbia nga BB-ja do të mund të marrë gjithsej 900 milionë dollarë. Prej kësaj shumë, pjesa më e madhe, 450 milionë, do të shërbejë si mbështetje për buxhetin shtetëror - 300 milionë në vitin 2009 dhe 150 milionë në vitin 2010.

Për ndërtimin e trafikut të Korridorit 10 në jug të Serbisë do të ndahen 388 milionë dollarë, ndërsa pjesa tjetër do të dedikohet për shëndetësinë dhe vetëqeverisjen lokale.

Kërkesa për çelik do të bie për 15 për qind

Kërkesa globale për çelik sivjet do të arrijë rreth një miliardë ton, që është për rreth 15 për qind më pak se vitin e kaluar.

Këtë parashikim sot e dha shoqata e prodhuesve botëror të çelikut, duke shtuar se kjo do të ishte rënia më e madhe e kërkesës pas Luftës së Dytë Botërore.

"Deri te stabilizimi i kërkesës së çelikut pritet të vjen në gjysmën e parë të këtij viti, që në vitin e ardhshëm 2010 të ketë stabilizim të kërkesës", deklaroi kryesuesi i shoqatës, Daniel Novegil.

Kërkesa e çelikut në SHBA pritet të bie për 35.5 për qind, në Bashkimin Evropian për 28.8 për qind, ndërsa në Kinë, e cila është shpenzuesi më i madh për rreth pesë për qind.

India pritet të jetë në mesin e vendeve të pakta të cilat do të shënojnë rritje të kërkesës.

Gripi i derrave e zvogëloi çmimin e naftës nën 50 dollarë për barel

Çmimi i naftës ra sot nën 50 dollarë për barel, si pasojë e druarjes nga zgjerimi eventual i gripit të derrave, që do të pasqyrohej në aktivitetin ekonomik global dhe ne renien e konsumit.

Analisti energjetik i "Petromatriks", Oliver Xhejkob vlerëson se pandemia eventuale globale e gripit të derrave do të kishte ndikim të madh ndaj kërkesës së naftës.

Analisti i "Argus Media", Xhejson Fir mendon se gripi i derrave do të mund në mënyrë plotësuese ta zvogëlojë aktivitetin ekonomik global, i cili edhe ashtu është zvogëluar si pasojë e krizës botërore.

"Pyetje kryesore është kur aktiviteti ekonomik do të rritet, që do të ketë ndikim ndaj naftës", deklaroi Fir.

Lirimi i sotëm i naftës vjen pas paralajmërimit të djeshëm të Organizatës së shteteve eksportuese të naftës (OPEK), se çmimet e tashme të energjensit janë të pamjaftueshme për mbulesën e harxhimeve investuese të prodhuesve të naftës.

Numri i të papunëve në Rusi arriti 7,5 milionë

Numri i përgjithshëm i të papunëve në Rusi është ngjitur në 7,5 milionë persona, e madje një e treta e tyre janë të rinjë të moshës 19-29 vjeçe.

Sipas të dhënave të publikuara në Shërbimin federal për statistikë (Rosstat), numri i të papunëve vetëm në muajin mars është rritur për 400 mijë persona.

Drejtori i Rosstat, Vlladimir Sokollov konsideron se papunësia faktike në Rusi është shumë më e madhe sesa është pritur. /Makfaks/

OEK çertifikohet nga Akademia e IRU-së

Oda Ekonomike e Kosovës sot edhe zyrtarisht mori çertifikatën nga Akademia e Unionit Ndërkombëtar të Transportit Rrugor (IRU-së) me seli në Gjeneve për Çertifikimin e Kompetencës Profesionale (CPC) për transportin rrugor vendor dhe ndërkombëtar të udhëtarëve dhe mallrave.

Në solemnitetin në të cilën morri pjesë edhe ministri i Transportit dhe Postë Telekomunikacionit, Fatmir Limaj u theksuar rëndësia e çertifikimit të OEK-ut për veprimtarinë e trajnimeve të njohura ndërkombëtarisht.

Kryetari i OEK-së, Besim Beqaj me ketë rast theksoi se institucioni që ai drejton pas një angazhimi të gjithanshëm zyrtarisht është bërë pjesë e Unionit Ndërkombëtare të Transportit Rrugor që nga janari i këtij viti, edhe pse është pranuar në këtë organizatë në qershor të vitit të kaluar.

“Pas një periudhe përgatitore dhe punës dhe angazhimit të madh OEK-u është çertifikuar nga Akademia e IRU-se për trajnime të njohura ndërkombëtarisht”.

Ai me ketë rast ka theksua se deri më tash trajnimet e autorizuara dhe çertifikuara nga IRU në OEK i kanë kryer 7 grupe me 192 kandidatë dhe të
gjitha ata janë pajisur me çertifikata të njohura ndërkombëtarisht nga lëmia e transportit vendor dhe ndërkombëtar të mallrave dhe udhëtarëve.

Në anën tjetër Patrick Philipp, përfaqësues i Akademisë se IRU-se theksoi se IRU është organizatë në të cilën janë anëtarësuar 180 anëtar nga 75 shtete. Shtylla themelore e IRU-se dhe Akademisë është trajnimi dhe ndërtimi i kapaciteteve ne vendet anëtare. /Telegrafi/

PTK zgjeron rrjetin e shërbimeve në tërë Kosovën

Menaxhmenti i Post Telekomit të Kosovës, është në përgatitje të implementimit të politikave të saj, për shtrirjen e rrjetit dhe zgjerimin e gamës së shërbimeve.

Në kuadër të kësaj, për herë të parë, Kryeshefi Ekzekutiv i PTK-së, Shqyri Haxha, ka vizituar pjesën veriore të Mitrovicës, për të shikuar mundësitë e implementimit të këtyre synimeve.

”PTK po kryen misionin e vet. Ne kemi kapacitete që të gjithë qytetarëve të Republikës së Kosovës, pavarësisht se në cilën pjesë të vendit gjenden ata, t’ju ofrojmë të gjitha shërbimet. Shumë shpejt shërbimet tona do të jenë edhe në këtë pjesë”, tha Kryeshefi Ekzekutiv i PTK , Shyqyri Haxha, gjatë vizitës që bëri në pjesën veriore të Mitrovicës, përkatësisht të Kroi i Vitakut.

PTK, sipas Haxhës, do të fillojë së realizuari së shpejti projektin “Fiber to Home” dhe ”Fiber to School”, përmes së cilit, çdo shtëpi apo shkollë, pavarësisht se ku gjenden, do ta kenë telefonin fiks, internetin dhe në një të ardhme të afërt edhe TV.

Ky projekti i përbashkët mes Qeverisë së Republikës së Kosovës dhe PTK -së, pritet që të implementohet në muajt në vijim.

Andaj, shumë shpejt, këto të dy institucione do të nënshkruajnë një marrëveshje mirëkuptimi.

Marrëveshja ka për qëllim primar, lidhjen e të gjitha institucioneve shkollore të Kosovës me fije optike, apo ndryshe i emëruar si projekti ”Fiber to school”.

Nga ky projekt, do të përfitojnë mbi 1080 shkolla në tërë territorin e Kosovës, të cilat do të pajisen me internet, duke u mundësuar nxënësve dhe mësimdhënësve, që përpos metodave klasike të marrjes së informatës, të kenë qasje në mjetin më të përdorshëm të komunikimit në ditët tona, internetin.

PTK është e përkushtuar që në të ardhmen e afërt, t’i shtrijë fijet optike edhe në të gjitha institucionet dhe shtëpitë kosovare. /Telegrafi/

Dorëzohet objekti i rinovuar i Toskanë-s

Ministri i Ministrisë së Shërbimeve Publike, Arsim Bajrami, i dorëzoi sot, në mënyrë simbolike, çelësat e objektit të rinovuar të “Toskanës”, ministrës së Energjisë dhe Minierave Justina Shiroka –Pula.

Të dy ministrat u shprehën të kënaqur me rrjedhën e suksesshme në realizimin e planit për zhvendosje të institucioneve nga objektet me qira në objekte publike, duke krijuar kështu hapësira që ofrojnë standard dhe kushte më të përshtatshme për punë efektive dhe efikase, si dhe do të ndikojë në uljen e shpenzimeve buxhetore, duke realizuar në këtë mënyrë vendimin e Qeverisë së Republikës së Kosovës për vendosje rezidenciale.

Rinovimi i këtij objekti është bërë në kuadër të Planit Strategjik për Vendosje, të cilin e ka hartuar Departamenti i Shërbimit të Inxhinieringut dhe Menaxhimit të Ndërtesave/MSHP. /Telegrafi/

Afaristët turq njoftohen me klimën e biznesit në vend

Ministri i Tregtisë dhe Industrisë, Lutfi Zharku, me bashkëpunëtorë, priti sot një delegacion të afaristëve nga Turqia, të cilët ishin të interesuar për kushtet dhe favoret që ofron Kosova për investitorët e huaj.

Delegacioni turk i cili përbëhej nga 25 përfaqësues të afarizmit të fushave të ndryshme prodhuese, shprehën interesimin e tyre për të parë më për së afërmi mundësitë që ofron Kosova për investime në të njëjtat fusha që ata kanë në vendin e tyre.

Me këtë rast Ministri Zharku njoftoi afaristët nga Turqia për klimën e krijuar tanimë për investime në Kosovë duke sqaruar se vendi ynë tanimë po shikohet nga investitorët e huaj si një treg potencial rajonal pasi që janë krijuar kushte të favorshme për investime në fusha të ndryshme prodhuese, dhe se gjithçka që prodhohet në Kosovë mund të eksportohet thuaja në tërë globin.

“Kosova gëzon preferenciale tregtare unilaterale me BE-në, ndërsa SHBA-të i kanë dhënë Kosovës statusin special të preferencave tregtare, regjistrimi i bizneseve është më i shpejti në rajon dhe pa burokraci, sistemi bankar është stabil dhe se ka pasur kreditime të reja dhe rritje të depozitave”.

Ministri Zharku tutje u ka sqaruar afaristëve turq se, Euro është valutë zyrtare dhe se nuk ka rrezik për inflacion, privatizimi i ndërmarrjeve shoqërore është duke vazhduar dhe se tani janë në proces edhe privatizimi i ndërmarrjeve publike, bujqësia është një ndër fushat më atraktive për të investuar”.

Afaristët turq u njoftuan nga udhëheqësit e MTI-së edhe rreth ekonomisë kosovare e cila është stabile, ku edhe përkundër krizës globale ka pasur një rritje ekonomike për 6 për qind. /Telegrafi/

ANP-ja është e përgatitur për marrjen e masave kundër gripit të derrave

Aeroporti Ndërkombëtar i Prishtinës është i përgatitur për marrjen e të gjitha masave kundër epidemisë së gripit të derrave. Kështu ka deklaruar drejtori i përgjithshëm e ANP-së, Agron Mustafa.

Mustafa ka deklaruar se kompania që ai drejton është në koordinim me Ministrinë e Shëndetësisë dhe se kanë marrë instruksione të cilat janë në përputhje me instruksionet e Organizatës Botërore të Shëndetësisë.

“Duke marrë parasysh origjinën e udhëtarëve që vijnë në ANP kërkohet vetëm vigjilencë andaj nuk ka nevojë për panik e as për restrikcione. ANP-ja është e përgatitur për marrjen e të gjitha masave në raste të tilla”.

Tutje drejtori Mustafa ka sqaruar se deri me tani nuk ka ndonjë rast të epidemisë së gripit të derrave.

“ANP-ja është e furnizuar me medikamente e po ashtu ka edhe stafin mjekësor”.

Mustafa ka shtuar se, epidemitë e tilla nuk kanë ndikim në numrin e udhëtarëve. /Telegrafi/

Gazi, Bullgaria: Ok kalimit të South Stream

Bullgaria i ka dhënë dritën jeshile kalimit në vend të South Stream, gazsjellësi që do të ndërtohet dhe që do të sjellë gaz nga Rusia për Evropën.

“Nuk ka me asnjë përplasje”, ka deklaruar kryeministri rus Vladimir Putin pas takimit me homologun bullgar Sergei Stanishev.

Brenda dy javësh do të firmoset marrëveshja mbi ndërtimin e pjesës bullgare të South Stream-it.

Pakti në fjale do të rregullojë marrëdhëniet e gjigandit rus të gazit, “Gazprom” dhe partnerëve energjetike bullgare. /Telegrafi/tch/

Gripi gjallëron biznesin

Paniku që po mbjell në gjithë botën virusi i frikshëm i gripit të derrave, po ndikon edhe në zgjedhjet ekonomike të investitorëve.

Aksionet e kompanive të njohura të prodhimit të ilaçeve kanë shënuar një rritje të ndjeshme, ditët e fundit si pasojë e kërkesës së lartë për to.

Investitorët mendojnë se nga këto shoqëri do të prodhohet edhe vaksina kundër virusit. Nëse kjo do të vërtetohet atëherë çmimi i aksioneve të këtyre kompanive, sipas eksperteve pritet të ketë një rritje të fortë.

Ndaj investitorët po nxitojnë t’i paraprijnë kësaj situate pasi shohin mundësira të mëdha fitimi. Aksionet e “GlaxoSmithKline”, e cila prodhon ilaçin antigrip "relenza", u rriten me 7.6 për qind të hënën. Edhe aksionet e kompanisë zviceriane, "ROG", e cila prodhon antiviralin "Tamiflu", u rriten menjëherë me 4 për qind.

Por rritjen me të fortë e kanë patur aksionet e kompanisë amerikane “Novavax”, e cila që nga viti 2005 e ka kthyer prodhimin e vaksinave antigrip si aktivitetin kryesor të saj.

Vlera e aksioneve me bazë në Maryland, kërceu me 80 për qind brenda pak orësh. Vetë kompania amerikane ka bërë të ditur se po teston një metodë të re, e cila do t’i mundësojë asaj të prodhojë vaksinën kundër gripit të derrit brenda 3 muajsh, ndaj dhe investitorët po i shohin aksionet e saj si një mundësi e artë përfitimi. /Telegrafi/tch/

Hapet panairi më i madh shqiptar

Panairi do të jetë i hapur nga sot 29 prill, deri në 2 maj. Në panair marrin pjesë përfaqësues më të lartë të kompanive më të rendësishme europiane të energjitikës, biznesit shqiptar dhe përfaqësues të lartë te politikës, botës akademike/univeristare nga Shqiperia, Kosova, Maqedonia, Italia, etj.

Prania e kompanive të tilla gjigande si Verbund, Bechetti, Enel, CEZ, Monkada, EVN, CAE, Andrix etj, së bashku me kontratat e financuara të projekteve energjitike në Shqipëri të kompanive në fjalë prej më shumë se 5 miliardë euro e kanë shndërruar Panairin e Konfindustrisë në panairin më të madh të industrive energjitike për Rajonin e Ballkanit Perendimor në vitin 2009.

Organizimi i një panairi të përmasave të tilla është shenjë optimizmi për ekonominë shqiptare dhe ka vlerë të vecantë, nëse vlerësojme, se kryhet në kushtet e krizës globale financiare, mungesës masive te likuiditetit dhe tregjeve te varfëruara botërore, tha Gjergj Buxhuku, drejtor i Konfinustrise se Shqiperise, e cila eshte organizatore e ketij panairi. /Telegrafi/

Problemet në sektorin bankar botëror nuk janë të kaluara

Ekonomistët e shquar të bankës më të madhe gjermane paralajmërojnë se priten ende probleme në sektorin bankar, pavarësisht nga rezultateve pozitive të "Deutsche Bank" gjatë tremujorëshit të parë.

"Ende presim kredi të kqija si pasojë e ekonomisë botërore dhe kjo është diçka që na infekton sikur murtaja tashmë një kohë të gjatë", deklaroi Norbert Valter nga "Deutsche Bank".

Sipas tij, janë duke filluar të paraqiten hua të reja të pavolitshme dhe rreziqe të reja në institucionet financiare.

Inovacionet janë kyçe për përmirësimin e ekonomisë

Inovacionet do ta kenë rolin vital në rritjen e pas krizës të vendeve në Evropë dhe Azinë Qendrore, vlerësoi Banka Botërore (BB).

Banka u rekomandon shteteve që të mos shkojnë drejt zvogëlimit të resurseve për inovacion në kuadër të konsolidimeve të tyre financiare.

Sipas raportit të BB-së, që sot duhet të shqyrtohet në forumin vjetor ekonomik për dituri në Paris, kriza ekonomike paraqet rast të madh për shtetet evropiane dhe ato të Azisë Qendrore për riorientimin e investimeve.

Në forumin pritet të theksohet se investimet në kapital njerëzor edhe përkundër krizës financiare, janë me rëndësi të madhe në afat të mesëm dhe të gjatë.

BB: Pandemia mund të shkaktojë dëm të madh në ekonominë botërore

Funksionarë të Bankës Botërore sot kumtuan se, në rast se epidemia e gripit të derrave shndërrohet në pandemi, ekonomia botërore do të ketë dëm serioz, kumtoi kanali televiziv CNN.

Nëse kjo sëmundje arrin dimensione të etheve spanjolle të vitit 1918, ekonomia botërore do të humb 3,1 bilionë dollarë dhe do të dobësohet për 4,8 për qind në vitin e parë të zgjerimit të pandemisë.

Nëse gripi arrin nivelin e etheve aziatike të vitit 1957, bruto prodhimi vendas do të bie për dy për qind, vlerësojnë ekspertët e Bankës botërore.

Ata vlerësojnë se BPV botëror do të ulet për një për qind nëse pandemia i arrin dimensionet e epidemisë së gripit të Hong-Kong-ut, që u paraqit në vitin 1968.

Paraqitja e sindromit të rrezikshëm respirator akut (SARS), që në vitin 2003 shkaktoi humbje në turizëmt, tregti dhe në tregun e punës, ka shkaktuar vdekjen e 775 personave dhe i ka kushtuar rajonit aziatik dhe pacifik rreth 40 miliardë dollarë, rikujtojnë agjencitë.

Biznesmenët gjerman: OK, themelimit të Shoqatës së bizneseve kosovare-gjermane

Në kuadër të vizitës dyditëshe në Kosovë delegacioni i lartë i afaristëve nga Gjermania vizoi sot Odën Ekonomike të Kosovës.

Gjatë takimit në të cilin morën pjesë edhe përfaqësuesit e Ambasadës se Gjermanisë në Kosovë dhe i ngarkuari me punë ne Ambasadën e Kosovës ne Gjermani, kryetari i OEK-së, Besim Beqaj prezantoi situatën aktuale ekonomike, foli për mundësitë e investimeve të huaja në vendin tone dhe u angazhua për format e avancuara të bashkëpunimit në mes të bizneseve nga dy vendet.

Biznesmenët nga Gjermania kanë ardhur në Kosovë me qëllime të qarta për tu interesuar për mjedisin ekonomik dhe mundësitë e investimeve, në rend të parë në prodhimtari.

Gjatë këtij takimi iu dha përkrahje iniciativës së OEK-ut që të themelohet Shoqata e Bizneseve Kosovare-Gjermane. Gjithashtu u theksua nevoja dhe domosdoshmëria e shfrytëzimit të gjitha resurseve me qëllim të zgjerimit dhe thellimit të bashkëpunimit ekonomik në mes të dy vendeve.

Zëvendës ambasadori Gjerman ne Kosove Eckart Blaurock premtoi se ambasada e vendit të tij do të ketë prioritet bashkëpunimin ekonomik në mes të dy vendeve.

Oda Ekonomike e Kosovës në bashkëpunim me Unionin e Odave Gjermane të Tregtisë dhe Industrisë, përfaqësia ne Shkup organizoi gjithashtu sot edhe prezantimin e SES – Senior Expert Service nga Gjermania.

SES është një organizatë jofitimprurëse e cila përkrahet nga industria Gjermane dhe Qeveria Federale e Gjermanisë.

Qeveria Gjermane i dërgon këta ekspert falas ne ndërmarrjet e vogla dhe të mesme të Kosovës me qëllim të ndihmës dhe avancimit të afarizmit të tyre. /Telegrafi/

Biznesmenët gjerman të interesuar edhe për privatizimin e kompanive publike

Delegacioni nga gjermania me përbërje nga Qeveria e gjermane, përfaqësues të asociacioneve ekonomike dhe afaristë të ndryshëm, është pritur sot edhe nga Ministri i Tregtisë dhe Industrisë, Lutfi Zharku të cilët u njoftuan me kushtet që ofron Kosova për investitorët e huaj.

Fillimisht, ministri Zharku, mysafirët i njoftoi rreth zhvillimit ekonomik të Kosovës, rreth një klime të mirë afariste që po ndërtohet në Kosovë, si dhe rreth ofrimit të kushteve të favorshme që ofron Kosova për investitorët e jashtëm.

Ndërsa përfaqësuesit gjermanë u interesuan më shumë rreth kornizës ligjore të Kosovës, rreth privatizimit, rreth qarkullimit të mallrave, rreth procedurave të tenderëve, si dhe rreth fushave tjera me interes për afarizmin e tyre.

Delegacionin gjerman, ministri Zharku, e njoftoi edhe për zhvillimet që janë duke u bërë në këto fusha që u potencuan nga ana e tyre, si dhe në fushat tjera si: infrastruktura ligjore është në harmoni të plotë me legjislacionin e BE-së; krijimi i një klime të mirë për biznes, duke eliminuar të gjitha format burokratike për regjistrim të shpejtë të bizneseve; sistemi bankar është i sigurt dhe ka rritje të depozitave dhe të kredive.

Ministri Zharku, njoftoj mysafirët edhe rreth privatizimit të ndërmarrjeve shoqërore i cili është duke vazhduar dhe tani është në proces edhe privatizimi i ndërmarrjeve publike, si: Distribucioni i KEK-ut, Aeroporti dhe PTK-ja;

"Infrastruktura rrugore është duke u përmirësuar me hapa të shpejtë dhe se së shpejti pritet të tenderohet autostrada Morinë-Merdare, që do të jetë një joshje e mirë për investitorët e jashtëm; bujqësia është një fushë mjaftë atraktive për të investuar, ku do të ndihmonte në zvogëlimin e papunësisë në Kosovë". /Telegrafi/

Zgjerohet IPKO

Kompania Telekomunikuese IPKO po vazhdon misionin saj duke iu afruar më shumë konsumatorëve të saj nëpër tërë Kosovën përmes shtimit të numrit të dyqaneve si dhe posedimit të rrjetit më të gjerë të pikave të shitjes në çdo kënd të vendit.

IPKO tashmë ka hapur dyqanin e specializuar të saj në Therandë ndërsa deri në fund të muajit do të hapen dyqanet edhe në Rahovec dhe Fushë Kosovë.

Bazuar në një njoftim zyrtar të kompanisë, shtimi i numrit të dyqaneve dhe pikave shitëse të IPKO nëpër Kosovë përputhet me faktin se IPKO tashmë disa muaj mbulon me rrjet mbi 96 për qind të popullatës së Kosovës si dhe me kërkesat e klientëve për produktet dhe shërbimet e saj nëpër tërë vendin.

“ Zgjerimi i kompanisë nëpër Kosovë ka efekt shtesë pozitiv në ekonominë e vendit, përmes hapjes së vendeve të reja të punës”.

Ndryshe gjatë muajit shkurt të këtij viti, IPKO ka hapur dyqanin qendror dhe qendrën e biznesit në sheshin Nëna Terezë në Prishtinë, bashkë me dyqanin në Dardanë. Me hapjen e tri dyqaneve të fundit, numri i dyqaneve të specializuara të IPKO në tërë territorin e Kosovës do të arrijë në 14.

Përveç dyqaneve kompania IPKO posedon edhe rrjetin më të gjerë në vend të pikave të autorizuara të shitjes numri i të cilëve ka arritur në 2.600. Duke i konsideruar pikat shitëse si dhe distributorët e autorizuar si një element i rëndësishëm i krijimit të afërsisë me konsumatorët, IPKO tashmë ka filluar edhe të investojë në pamjen dhe të rris spektrin e shërbimeve të tyre. /Telegrafi/

Ruli: Shpresoj që PTK të fillojë punën sa më shpejt

Vetë pjesëmarrja e kompanive kosovare në këtë panair tregon se është zgjeruar interesi kompanive qoftë publike, qoftë private për të bashkëpunuar mes veti, tha ministri i Ekonomisë dhe Industrisë, Genc Ruli, në ceremoninë e hapjes së panairit.

Ruli ka prerë shiritin e panairit të organizuar nga Konfindustria në Tiranë, ku marrin pjesë mbi 50 kompani të fuqishme vendore dhe ndërkombëtare.

Pas prerjes së shiritit ai ka vizatuar stendat e të gjitha kompanive dhe është ndalur në mënyrë të veçantë te kompanitë kosovare të cilat përfaqësohen në këtë panair si PTK, KEK, Aeroporti Ndërkombëtar i Prishtinës, KOST, Ballkani nga Suhareka etj.

“Është kënaqësi që ju do të jeni pjesë e tregut të telefonisë mobile. Shpresoj që konsumatorët të jenë sa më të kënaqur. Gjithashtu shpresoj të filloni sa më shpejt punën në tregun shqiptarë”, tha Ruli.

Nga ana tjetër, Menduh Abazi, zëdhënës në PTK-së i dhuroi një çokollatë ministrit Ruli si shenjë simbolike, duke thënë që kompania që përfaqëson ai do ta ëmbëlsoj tregun në Shqipëri.

“Ne do ta ëmbëlsojmë tregun e telefonisë mobile me çmime të lira dhe shërbime kualitative”, tha Abazi.

PTK ka fituar tenderin për operatorë të katërt të telefonisë mobile në Shqipëri dhe brenda 6 muajve duhet të fillojnë punën.

Në panairin e organizuar nga Konfindustria vërehet prezencë e fuqishme sidomos nga kompanitë energjetike botërore si ENEL, Bekter, të cilat tashmë kanë filluar investime të fuqishme në hidrocentrale dhe termocentrale në Shqipëri.

Gjatë panairit do të mbahet dhe një forum për energjetikën, transportin, me figurat më të larta, ministra, ekspertë dhe akademik nga Shqiperia dhe Kosova. /Telegrafi/

Aprovohet shpërndarja e 20% të privatizimit të 8 Ndërmarrjeve

Bordi i Drejtorëve të AKP gjatë mbledhjes së sotme aprovoi “Listat Finale” të punëtorëve të pranueshëm për 20% në lidhje me 8 Ndërmarrje Shoqërore.

“Listat Finale” janë aprovuar për Ndërmarrjet Shoqërore Kosovatrans, Gjilan; Luboteni Fabrika e Tullave, Ferizaj; Anamorava, Gjilan; Energomontimi, Prishtinë; Fabrika e Veglave, Ferizaj; Fabrika e Këpurdhave, Prishtinë; Trasing, Prishtinë; dhe Hotel Theranda, Prizren; pas shqyrtimit të të gjitha ankesave nga Komisioni për Shqyrtimin e Ankesave të Punëtorëve pranë AKP-së.

"Këto Lista do të publikohen në përputhje me dispozitat ligjore në fuqi, dhe se të gjitha ankesat eventuale pas publikimit të tyre mund ti drejtohen Odës së Veçantë të Gjykatës Supreme të Kosovës". thuhet ne komunikate.

Në këtë mbledhje Bordi i Drejtorëve gjithashtu ka aprovuar valët 35 dhe 36 të privatizimit.

Mbledhja e ardhshme e Bordit të Drejtorëve do të mbahet në fund të muajit maj. /Telegrafi/

Japoni, rritet prodhimi industrial

Prodhimi industrial në Japoni është rritur në muajin mars për herë të parë në 6 muaj.

Prodhimi është rritur me 1,6 për qind, krahasuar me shkurtin, pas disa muaj rënieje dramatike.

Ekonomia më e madhe e dytë në botë u godit nga recesioni, ashtu si pjesa tjetër e ekonomive, për shkak të rënies së kërkesës për makinat dhe pajisjet elektronike.

Sipas të dhënave, edhe eksportet këtë muaj pësuan një rritje të lehtë, edhe pse dërgesat janë ende në gjysmën e nivelit të një viti me parë. /Telegrafi/tch/

1 Maji, të festohet apo protestohet ?!

Një maji, kudo në botë njihet si festë e punëtorëve dhe tradicionalisht është festua në mënyra të ndryshme. Pra në shtete të ndryshme festohet apo protestohet. Me rastin e kësaj feste Konfederata e Sindikatave të Lira të Kosovës (KSLK) ka ngritur dilema nëse në kushtet dhe rrethanat në të cilat jeton dhe punon klasa punëtore në Kosovë këtij manifestimi për këtë vit, të festohet apo protestohet ?!

Bazuar në një njoftim zyrtar të KSLK-së nëse bazohemi në të parën nuk mund të themi se ka shumë hapësirë për festë dhe argëtim për faktin e pakontestueshëm se fatkeqësisht edhe këtë maj 2009, punëtorët kosovar e presin me shumë shqetësime e deri në përballjen me luftën për ekzistencë.

“Kur themi kështu bazohemi në shuam të dhëna nga informacione të besueshme mbi shkallën e lartë të varfërisë që sillet mes 30-40%. Me shkallë të varfërisë së skajshme prej mbi 15% me shkallë të lartë të papunësisë që sillet prej 40-50% ku për çdo vend pune konkurrojnë mesatarisht 55 të pa punë”.

Bazuar në po të njëjtin njoftim zyrtar realizimi i të ardhurave personale llogaritur shkallën e inflacionit nuk ka shënua rritje në asnjë sektor bile bazuar në shkallën e ngritjes së çmimeve kemi rënie të shkallës së pagave të punëtorëve.

“Injorimi dhe neglizhenca për realizimin e kërkesave të punëtorëve nga organet tona kompetente etj. Procesi i privatizimit dhe mos realizimi i 20% nga shitja, e mos të flasim për të drejtat tjera nga mjetet e 80% si pagat, kontestet e ndryshme gjyqësore, fitimi i humbur nga perioda diskriminuese 90-99”.

Tutje në po të njëjtin njoftim zyrtar thuhet se sindikatat kanë organizua disa herë protesta dhe nga to është arritur pak.

“Protestat nuk mundën të bëjnë një jehon të madhe për shkak të mos koordinimit të punëve dhe mos bashkëpunimit ndërsindikal. Pra, ato për të protestuar duhet të organizohen ndryshe. Pra të shteren të gjitha mundësit e dialogut të mirëfilltë i cili parimisht duhet të prodhonte efekte,e më pas të veprohet me forma tjera të presionit sindikal”.

KSLK ka sqaruar se Sindikatat e Kosovës tani për tani do ta kenë shumë vështirë për ta“shkund” Qeverinë, meqë pushteti e ka kuptuar,, takatin sindikal,, andaj edhe nuk merret shume me sindikata,kuptohet veç premtimeve.

“Realisht deri me tani ende nuk kemi një përmirësim të dukshëm të gjendjes së punëtorëve në të gjitha fushat. Andaj, KSLK kërkon që e drejta e punëtorëve të jetë prioritet”. /Telegrafi/

Berisha: Shqipëria një fuqi energjetike

Kryeministri Sali Berisha ka deklaruar nga Varshava, se Shqipëria do të shndërrohet në një fuqi bërthamore. Duke folur mbi situatën energjetike dhe projekteve në këtë fushë, Kryeministri Berisha u shpreh se një nga qëllimet kryesore të qeveris shqiptare është diversifikimi i burimeve të energjisë, i cili është një potencial shumë i madh.

Një tjetër qëllim sipas kryeministrit shqiptar, gjithashtu është efiçienca e energjisë, që është shumë e domosdoshme për suksesin në projektet në këtë fushë.

“Shqipwria ka potenciale të mëdha hidrike dhe një pozitë gjeografike kyç, si dhe shumë faktorë të tjerë ndihmues, që bëjnë që ajo të kthehet në një superfuqi të vogël energjetike në mbarë rajonin. Kjo do të thotë që Shqipëria duhet të zbulojë burime të ndryshme të energjisë, duhet të zhvillojë dhe forcojë lidhjet e interkonjeksionit me vendet e tjerë, si një vend i vogël dhe me treg të vogël”.

Kryeministri tha se puna në këtë drejtim tashmë ka nisur dhe rezultatet e para e kanë ndërruar situatën, veçanërisht për sa u përket sistemit të lidhjeve të interkonjeksionit.
Ai përmendi këtu disa projekte si; lidhjen e re të interkonjeksionit me Malin e Zi, që është duke përfunduar, licencimin e 2 lidhjeve nënujore, etj.

“Në një hark të shkurtër kohor, kemi licencuar dhe kemi përmbyllur marrëveshje koncensionare me 47 stacione hidrobauer, ku njëri prej tyre është nga më të mëdhenjtë në Evropë, që do të realizohet nga një kompani austriake dhe norvegjeze”.

Kryeministri theksoi se qeveria shqiptare synon që menaxhimi dhe zhvillimi i fushës së energjisë në Shqipëri të bëhet totalisht nga sektori privat dhe kjo gjë po funksionon shumë mirë, duke shtuar se tashmë ka një interes shumë të madh, shumë të gjallë dhe transparent, nga shumë kompani të fuqishme, për prodhimin e energjisë në Shqipëri.

Kryeministri Berisha, i cili ndodhet në Varshavë për të marrë pjesë në Kongresin e Partive Popullore Evropiane, mbajti sot një fjalë në punimet e panelit të organizuar nga Qendra për Studime Evropiane, me tematikë; potencialet dhe perspektiva ekonomike e sektorit të energjisë. /Telegrafi/Gazeta Start/

Frattini: Jemi të interesuar për centrale bërthamore në Shqipëri

Ministri i Jashtëm i Italisë, Franco Frattini ka konfirmuar gjatë një deklarate të tij televizive se Italia është e interesuar të bashkëpunojë me Shqipërinë për disa projekte strategjike për ndërtimin e centraleve bërthamore.

Në një intervistë televizive dje në mbrëmje, Kreu i diplomacisë italiane u ndal te prania ekonomike e investitorëve italianë në Shqipëri duke veçuar interesin e Italisë për të bashkëpunuar në projekte për energjinë bërthamore.

"Vizita e fundit e Kryeministrit Berlusconi në Tiranë dëshmon se ne duam të bëjmë shumë më tepër në bashkëpunimin ekonomik mes dy vendeve, përshembull në infrastrukturë dhe në bashkëpunimin për energjinë. Ne jemi shumë të interesuar për zhvillimin e energjisë bërthamore", tha ministri Frattini.

Në këtë drejtim, ai vuri në dukje se "edhe Shqipëria është e gatshme të bashkëpunojë me disa projekte strategjike, të cilat janë shumë të rëndësishme".

"Italia po ribën një strategji për ndërtimin e centraleve bërthamore dhe po bisedojmë me një vend mik dhe fqinj, si Shqipëria për të bashkëpunuar për këtë gjë, sigurisht bazuar në tekonologjinë e fundit bërthamore, që është shumë e sigurt. Po e vlerësojmë dhe arsyetojmë këtë projekt. Di që janë vendosur disa kontakte me Enelin, që është shoqëria e interesuar për këtë dhe kryeministri Berlusconi i'u referua kësaj ideje gjatë vizitës në Tiranë", tha Frattini.

Nga ana ekonomike, ministri Frattini vuri në dukje se "Italia përfaqëson më se 35 për qind të të gjithë ndërkëmbimit të Shqipërisë me vendet e tjera, pra ka një rol të rëndësishëm në këtë drejtim".

I pyetur lidhur me impaktin që krijon ndërtimi i rrugës Durrës-Kukës në zhvillimin e ekonomisë së Kosovës, Ministri Frattini theksoi se "ndërtimi i kësaj rruge është shumë i rëndësishëm edhe për faktin se i hap rrugë investimeve italiane në Kosovë". /ATA/

BSPK: Protestë më 16 maj, e jo më 1 maj

Me rastin e festës së Një Majit - Ditës Ndërkombëtare të Punës, Bashkimi i Sindikatave të Pavarura të Kosovës (BSPK) ka vlerësuar se mesazhet e kësaj dite, pa marrë parasysh vendin, kohën, simbolet dhe sloganet që mund të përdoren, janë solidariteti dhe mbrojtja e të drejtave të punëtorëve dhe e lirive sindikale, si dhe siguria dhe mirëqenia e tyre sociale dhe ekonomike.

Në njoftimin zyrtar të BSPK-së thuhet se, derisa në vendet e Perëndimit dhe në shumë vende të tjera, kjo festë kremtohet në rrethana tejet të volitshme, te ne, në Kosovë festohet në rrethana krejtësisht të tjera, shumë të rënda për punëtorët.

“Edhe pse ky është Një Maji i dytë , pas krijimit të shtetit të Kosovës, ende ka shumë gjëra të panjohura dhe sfida të mëdha që i presin punëtorët e Kosovës, për të krijuar një të ardhme më të mirë”.

Tutje në po të njëjtin njoftim thuhet se, ndërtimi i një shoqërie demokratike e shteti ligjor është synim i shoqërisë tonë dhe këtë përcaktim e ka theksuar si orientim të saj edhe Qeveria aktuale e Republikës së Kosovës.

”Kjo në realitetin kosovar ende nuk ka ndodhur. Qeveritë e deritanishme, sikur edhe kjo aktuale, vetëm verbalisht janë deklaruar për këto procese demokratike dhe dialogun social, si bazë të tyre, por po u mungon hapi tjetër konkret, jetësimi i këtyre proceseve përmes këtij dialogu. Qeveria e Republikës së Kosovës, prej takimit të 24 janarit 2009 me udhëheqjen e BSPK-së nuk ka bërë asnjë hap të mëtutjeshëm, madje nuk është takuar më as me udhëheqjen e BSPK-së për ta zhvilluar dialogun social”.

Prandaj, duke i ditur këto probleme dhe sfida, dhe duke parë që Institucionet e Republikës së Kosovës nuk po i realizojnë kërkesat e punëtorëve, BSPK fton punëtorët e Kosovës edhe një herë do të dalin dhe do të protestojnë më 16 maj, duke kërkuar realizimin e kërkesave të tyre.

“BSPK ka marrë vendim që në shenjë solidariteti me sindikatat ndërkombëtare të organizojë protestë më 16 maj, e jo më 1 maj”. /Telegrafi/

Punësohen në Afganistan

Ministria e Punës dhe Mirëqenies Sociale, në bashkëpunim dhe koordinim me kompaninë amerikane “ITT”, që është duke kryer shërbime për ushtrinë amerikane në Kampin “BONSTILL”, kanë organizuar punësimin e punëkërkuesve të Kosovës në Afganistan.

Bazuar në një njoftim zyrtar të MPMS-së, pas arritjes së marrëveshjes me këtë kompani, përmes Qendrave të Punës dhe Punësimit në Kosovë, është bërë njoftimi i punëkërkuesve ku kanë aplikuar rreth 1 mijë të interesuar.

“Kompania në fjalë, pas kompletimit të aplikacioneve ka kryer procesin e përzgjedhjes së kandidatëve dhe të shtunën, në mënyrë të organizuar MPMS-ja do të bëjë përcjelljen e kontingjentit të parë për në Afganistan”.

Nisja e kandidatëve do të bëhet nga Aeroporti Ndërkombëtar i Prishtinës. Ndërkaq i pranishëm do të jetë edhe ministri i MPMS, Nenad Rashiq dhe përfaqësues të Kompanisë “ITT”, të cilët detajet dhe procedurat se si ka rrjedhur i gjithë procesi dhe si do të rrjedh ai në të ardhmen.

Kompania ITT është shprehur e gatshme që edhe në të ardhmen të dërgoj punëkërkues të këtillë në Afganistan. /Telegrafi/

Vala - IPKO, nënshkruajnë marrëveshjen e interkoneksionit

Operatori publik mobil Vala dhe operatori i dytë, IPKO kanë nënshkruar të enjten, marrëveshjen e interkoneksionit, duke zbritur kështu çmimin e thirrjes nga Vala në Ipko prej 0.28 eurocent në 0.18 eurocent.

Marrëveshja u nënshkrua nga Kryeshefi Ekzekutiv i PTK-së Shyqyri Haxha dhe Drejtori Ekzekutiv i IPKO-s, Akan Ismaili, dhe do të hyjë në fuqi nga data 1 maj 2009.

Bazuar në një njoftim zyrtar të ala-s, ky veprim i dy operatorëve ka qenë i domosdoshëm, marrë parasysh asimetrinë e çmimeve, me ç’rast është dëmtuar kompania dhe vet konsumatori i Vala-s.

”Njëkohësisht, ky veprim do të ndikojë dukshëm në rritjen e të hyrave të operatorit publik mobil Vala”.

Në po të njëjtin njoftim thuhet se, marrëveshje e iniciuar nga menaxhmenti i PTK-së, është përkrahur plotësisht nga operatori IPKO.

”Një hap i tillë, ka qenë i domosdoshëm të merret nga vet udhëheqësia e PTK-së dhe pa ndërmjetësimin e Autoritetit Rregullativ të Telekomunikacionit, meqë ky autoritet ka kohë që nuk është duke funksionuar, ndërkohë kompanisë tonë po i shkaktohen dëme”, ka thënë Shyqyri Haxha, Kryeshef Ekzekutiv i PTK-së, me rastin e nënshkrimit të marrëveshjes.

ART, e cila kishte ndërmjetësuar arritjen e marrëveshjes së parë mes këtyre dy operatorëve, ka një kohë të gjatë që nuk është duke funksionuar, gjë që ka shtyrë të dy kompanitë, PTK dhe IPKO që të marrin hapa konkret dhe krejt kjo për hir të ofrimit të shërbimeve sa më të lira, konsumatorit. /Telegrafi/

PSD: Jemi sindikata e qytetarëve të Kosovës

Me rastin e 1 majit Ditës Ndërkombëtare të Punës, Partia Social Demokrate duke ju dërguar mesazh përshëndetës të gjithë punëtorëve ka shprehur përkushtimin e saj në përmirësimin e gjendjes së punëtorëve, krijimin e kushteve më të mira të punës dhe zbutjen e problemit të madh të papunësisë.

Në vendin tonë, ku papunësia e lartë mbetet një problem i mprehtë dhe i përmasave të mëdha, sipas PSD-së, 1 maji ka domethënie të veçantë dhe është ditë kur institucionet tona duhet të qartësojnë vizionin e tyre për plotësimin e kushteve të punëtorëve.

Socialdemokratët kanë premtua se do të mbesin të përkushtuar të vazhdojnë të jënë sindikata e qytetarëve të Kosovës në mbrojtjen e interesave të tyre në kohën kur nevoja për një mbeshtetje të sinqertë është më e madhe se kurrë.

PSD-ja vlerëson që është nevojë imediate që të miratohet sa më i shpejtë i Ligjit për punë, të ketë pagë meritore për të gjithë punëtorët, siguri në punë, mbrojtje nga shteti për punëtorët, dhe mundësi për avancime në punë. /Telegrafi/

Kuvendi miratoi emërimin e anëtarëve të rinj të Bordit të TPKT-ës

Deputetët e Kuvendit të Kosovës më shumicë votash, miratuan të enjten Bordin e Trustit Pensional të Kosovës (TPK), në përbërje: Besim Beqaj, Ymer Havolli, Ruzhdi Osmani, Angela Berns, Steve Bates dhe Harvey Richard Kember, me një mandat trevjeçar,

Po ashtu me shumicë votash Kuvendi emëroi Mehdi Bektashin në bordin drejtues të Bankës Qendrore të Kosovës.

Chrysler do të paraqesë dokumentacionin për falimentim

Presidenti amerikan Barack Obama ka deklaruar se prodhuesi amerikan i automjeteve, kompania Chrysler ka arritur një marrëveshje me kompaninë italiane Fiat dhe do të plotësojë dokumentacionin e falimentimit.

Ky njoftim u bë pasi dështuan përpjekjet për marrëveshje me firmat që i kanë dhënë hua Chrysler-it.

Gjatë javëve të fundit, punonjës, kompani për shitje makinash dhe pjesa më e madhe e hua-dhënëse ranë dakord të pakësojnë shumat që kërkojnë t’u paguajë Chrysler-i. Por presidenti Obama tha se ishte e nevojshme që kompania të paraqiste dokumentacionin e falimentimit, pasi një grup i vogël investitorësh nuk pranuan ta reduktonin borxhin e kompanisë.

Chrysler do të paraqesë dokumentacion për një lloj falimentimi që e mbron nga padi gjyqësore që mund të ngrenë hua-dhënësit, ndërkohë që ri-organizon financat dhe vazhdon operacionet. Qeveria do t’i ofrojë kompanisë kredi shtesë me vlerë 8 miliardë dollarë për ta ndihmuar në këtë periudhë.

Zoti Obama tha se partneriteti me FIAT-in do t’i japë Chrysler-it mjetet për të prodhuar makina që harxhojnë më pak karburant, që të dalë nga statusi i falimentimit dhe të bëhet fitim-prurëse. /woa/

1 Maji, protesta në Gjermani dhe Turqi

1 Maji, dita ndërkombëtare e Punëtorëve është shoqëruar me protestë në Gjermani. Dhjetëra persona janë plagosur gjatë përleshjeve me policinë në rrugët e kryeqytetit Berlin.

Rreth 200 persona kanë qëlluar me gurë dhe shishe policinë. 12 prej tyre janë arrestuar, ndërsa të plagosurit në radhët e ruajtësve të rendit janë rreth 30. Përleshje të tilla janë kthyer çdo vit në ritual në Gjermani. Edhe në Stamboll të Turqisë është paraqitur e njëjta situatë.

Në të aguar manifestuesit janë përleshur me policinë në Ditën e Punëtorëve. Policia ndaloi një grup njerëzish, që po i drejtoheshin sheshit Taksim, ku në vitin 1977 humben jetën 36 persona.

Sindikalistet kanë kërkuar të protestojnë në sheshin qendror te Stambollit, por prefektura dhe qeveria nuk kanë dhënë leje, për të ruajtur rendin. /Telegrafi/tch/

1 Maji shënohet pa protesta në Kosovë

Dita Ndërkombëtare e Punëtorëve, 1 Maji e gjen Kosovën me shkallë të lartë të papunësisë që zyrtarisht sillet rreth 43 përqind dhe pa ligj të punës.

Për shumë të papunë, 1 maji nuk është asgjë më shumë se sa një ditë e zakonshme, në të cilën ata dalin në rrugë për të kërkuar punë.

Para Gjykatës së Qarkut në Prishtinë që nga orët e hershme të mëngjesit dalin dhjetëra njerëz, të cilët presin që dikush t’i ftojë për të punuar.

Por punë për ta ka shumë pak dhe në të shumtën e rasteve, ata detyrohen të kthehen në shtëpi duarbosh.

“Unë dal çdo ditë këtu, por jam goxha i vjetër, 53 vjeçar. I kam pesë vajza dhe dal këtu për të kërkuar punë që t’u dërgoj atyre bukë në shtëpi."

"Shumë herë kur nuk ka punë, shkoj me vonesë në shtëpi, qëndroj këtu deri në ora 9 në mbrëmje, duke pritur nga minuti në minut, se do vijë dikush të më ofrojë punë”, thotë Abdyl Rexhepi.

Ai nuk mund t’i mbante lotët, ndërsa po rrëfente për jetën e rëndë që bënte familja e tij.

Një numër i madh i punëtorëve të Kosovës kanë humbur vendet e tyre të punës në vitet e fundit pas privatizimit të ndërmarrjeve shoqërore.

Ata thonë se të gjitha të drejtat e tyre u janë shkelur dhe se nuk gëzojnë asnjë përkujdesje institucionale.

Hilmi Gashi është ish punëtor i ndërmarrjes Eximkos, i cili ka mbetur pa punë pas privatizimit të saj.

“Asnjë punëtor nuk ka marrë të drejtën e punësimit në atë ndërmarrje me privatizimin e saj. Qeveria dhe Kuvendi duhet ta miratojnë ligjin e punës dhe të mbrohet punëtori”, shprehet ai.

Megjithëse pozita e punonjësve në Kosovë cilësohet e rëndë, ndërsa papunësia në përmasa shqetësuese, sindikatat kanë vendosur që për 1 Majin, Ditën Ndërkombëtare të Punëtorëve të mos protestojnë.

Kryetari i Bashkimit të Sindikatave të Pavarura të Kosovës, Haxhi Arifi ka thënë për BBC-në se në shenjë solidariteti me sindikatat evropiane, edhe në Kosovë protesta për kërkimin e të drejtave të punëtorëve, është shtyrë për datën 16 maj.
“Gjendja në këtë tranzicion për punëtorinë kosovare është shumë e rëndë. Ne si Bashkim i Sindikatave, me herët kemi qenë subjekt stabiliteti, derisa nuk janë kryer zgjedhjet dhe nuk është zgjidhur statusi."

"Tanimë jemi shtet dhe si Bashkim i Sindikatave do ta kemi një strategji pak më ndryshe të veprimit lidhur me kërkesat tona”, deklaroi kryesindikalisti Arifi.

Sipas tij, sindikatat janë të interesuara që problemet e punonjësve kosovarë t’i zgjidhin përmes dialogut me qeverinë e jo në rrugë. /bbc/

1 Maji edhe Shqipëria pa protesta

1 Maji, Dita e Punëtorëve, në të gjithë botën konsiderohet si dita e një reflektimi kolektiv ndaj situatës së të drejtave social-ekonomike të punonjësve, e cila pasohet në realitet me protesta të mëdha për të kërkuar të drejtat e munguara të tyre.

Por në Shqipëri duket se nuk konsiderohet aspak e tillë, që kur njerëzit e quajnë si një ditë feste, e cila duhet kaluar më së miri, duke pushuar dhe u argëtuar.

Pritet që kriza ekonomike globale pritet të nxisë një pjesëmarrje shumë të madhe në manifestimet me rastin e Ditës Ndërkombëtare të Punëtorëve, e cila tradicionalisht përkujtohet me protesta të sindikatave të punëtorëve në shumë qytete evropiane.

Që në orët e para të mëngjesit nëpër botë kanë shpërthyer protestat e para, gjë që nuk po ndodh në kryeqytetin shqiptar.

Mësohet se në kuadrin e manifestimeve sot për Ditën Ndërkombëtare të Punëtorëve, protesta të mëdha janë zhvilluar në Berlin dhe Hamburg të Gjermanisë, të cilat janë shoqëruar me plagosjen e dhjetëra policëve, bënë të ditur burime zyrtare.

Policia berlineze njoftoi se 29 efektivë të forcave të rendit u lënduan dhe të paktën 12 manifestues u arrestuan, pasi afro 200 protestues me slogane antikapitaliste sulmuan policinë me shishe, gurë dhe mjete të tjera të forta, kurse në Hamburg, autoritetet deklaruan se të paktën tre policë janë lënduar gjatë përleshjeve me demonstruesit.

Ndërkaq, janë paralajmëruar protesta të fuqishme në Madrid dhe në Paris. /noa/

1 Maji, zgjerohen protestat e punonjësve

Zgjerohen protestat e punëtorëve në ditën e tyre ndërkombëtare. Pas përleshjeve të natës në Berlin, ku të rinjtë u përleshen me policinë, manifestime të tjera mbahen sot gjatë ditës në shumë vende të botës.

Punëtorët do të shfrytëzojnë marshimet tradicionale për të protestuar ndaj mënyrës si po përballohet kriza ekonomike.

300 manifestime janë paralajmëruar të mbahen në Francë, që është përfshirë nga grevat e akademikeve, stafit të spitaleve dhe peshkatarëve.

Të tjera janë njoftuar në Spanjë, Greqi dhe Turqi. Marshime po zhvillohen edhe në disa vende aziatike, si ne Kamboxhia, Japoni, Filipine, Tajvan dhe Hong Kong. /Telegrafi/tch/

Meksika mbyll ekonominë nga frika e infeksionit

Në Meksikë gjithçkaje i është vënë kyçi, të paktën për sa kohë që të gjykohet se situata e përhapjes së gripit të derrit është vendosur nën kontroll.

Presidenti i Meksikës i ka bërë thirrje popullatës që të mbyllet në shtëpi deri sa të kalojë rreziku maksimal. Kjo do të thotë veç të tjerash edhe një ndërprerje të veprimtarisë ekonomike në vend dhe një frikë për një krizë që mund të zgjasë shumë, sidomos në sektorin e turizmit.

Hapur janë vetëm zyrat që nuk janë jetike. Ndërkohë, vlera e monedhës meksikane, pesës, ka rënë ndjeshëm gjatë ditëve të fundit.

Në qytetin e Meksikos, një metropol me 20 milionë banorë, të gjitha shkollat,
restorantet, klubet e natës dhe veprimtaritë publike kanë ndaluar për të penguar përhapjen e virusit.

Në këtë qytet, gjithçka është në pritje të një vendimi të dytë që do të çlirojë situatën.

Banka Qendrore e Meksikës paralajmëroi se recesioni në këtë vend do të thellohej edhe më si pasojë e kësaj ndërprerjeje të veprimtarisë ekonomike, çka përbën një goditje të madhe për një ekonomi që është tkurrur në masën 8% nga viti i kaluar.

FMN: Gripi A mund të ketë pasoja dramatike ekonomike

Paraqitja e virusit të ri të gripit A H1N1 mund të shkaktojë pajosa dramatike ekonomike në vende të ndara, deklaroi ekonomisti kryesor i Fondit Monetar Ndërkombëtar, Oliver Blanshar.

Në fjalimin në Fondacionin Karnegi për paqe ndërkombëtare në Uashington, Blanshar deklaroi se është e dukshme se paraqitja e sëmundjes fillimisht do të rezultojë me uljen e vëllimit të udhëtimeve turistike.

Ai vlerësoi se është e sigurt se gripi do të shkaktojë pasoja ekonomike, por se tani për tani ende është herët të parashikohet me siguritet si dhe sa do të jetë ndikimi i sëmundjes ndaj ekonomisë globale, e cila ndodhet në recesion të thellë.

Banka Botërore paraprakisht vlerësoi se dëmet ndaj ekonomisë globale do të mund të arrinin mijëra miliardë dollarë, në rast se epidemia e gripit merr përmasa më të mëdha

Kriza financiare, numri i të papunëve në Shtetet e Bashkuara vazhdon të rritet

Tregu i punës në Shtetet e Bahskuara të Amerikës po pëson goditje të madhe për shkak të krizës financiare. Që prej fillimit të recesionit në këtë vend, më shumë se pesë milionë amerikanë kanë humbur vendet e punës, duke shënuar normën më të lartë të këtij treguesi në SHBA që prej 25 vitesh.

Sipas të dhënave, vetëm gjatë muajit mars 663.000 qytetarë në SHBA u regjistruan të papunë dhe mesazhet për papunësinë vijojnë të jenë edhe më të rënda.

Në të gjithë sektorët e mëdhenj, nga Boeing deri tek Caterpillar, janë bërë shkurtime dhe në radhë të parë, janë punëtorët e fabrikave ata, që vuajnë nga rënia ekonomike, pa harruar prodhuesin e automjeteve General Motors, i cili njoftoi se deri vitin e ardhshëm do të shkurtojë 21.000 vende pune.

Sipas të dhënave krahasuese, nëse gjatë dhjetëvjeçarit të kaluar Amerika ka humbur gati pesë milionë vende pune në fabrika, vetëm gjatë muajit të kaluar janë shkurtuar 161.000.

Ndërkaq, me planin e tyre për shpëtimin e bankave, presidenca amerikane Obama synojnë t'i japë fund të tatëpjetës në ekonominë e SHBA-së dhe të shkurtojë kështu edhe radhët e gjata pëpara zyrave të punës.

Buxhuku: Shqipëria dhe shqiptarët si komb në pozita ekspansioni të tregut

“Me bashkimin natyral të tregut shqiptar që përfshin Shqipërinë dhe Kosovën, bën që të kalohet nga një treg prej katër milionësh drejtpërdrejt në një treg prej 7 milionësh. Kjo bën që interesi gjeostrategjik i shqiptarëve si komb të jetë jashtëzakonisht i madh, të ketë një rritje cilësore. Pra, krijohen kushtet ku Shqipëria si vend dhe shqiptarët si komb janë në pozita ekspansioni, në pozitat e zgjerimit të tregut të tyre”, ka thënë ai.

Me qëllim të prezantimit të veprimtarive të tyre, por më shumë në gjetjen e investitorëve për zgjerimin e tregut, krahas dhjetëra kompanive ndër më të suksesshme nga Shqipëria, vendet e rajonit dhe sidomos ato me zë prej Evropës, edhe ndërmarrjet më profitabile nga Kosova si PTK, Aeroporti Ndërkombëtar i Prishtinës, KEK, Kompania “Ballkan” dhe Kost-i, janë duke marrë pjesë në Panairin Ndërkombëtar të Teknologjisë dhe Cilësisë 2009 që po mbahet në Tiranë.

Është dita e tretë nga hapja e këtij panairi në të cilin po marrin pjesë rreth 50 kompani të ndryshme, në mesin e të cilave janë edhe 18 kompani të mëdha dhe me renome nga fusha e energjetikës dhe infrastrukturës nga e gjithë Evropa.

Administratori i Konfindustrisë, njëherësh organizator i panairit, Gjergj Buxhuku tregon se janë duke u bërë shumë kontraktime brenda kompanive pjesëmarrëse dhe kjo është një nismë e mirë për zhvillimin ekonomik dhe zgjerimin e tregut për bizneset shqiptare në Shqipëri dhe në Kosovë.

Sipas tij, lidhja e kontratave dhe vendosja e bashkëpunimeve mes kompanive është qëllimi kryesor i Panairit Ndërkombëtar të Teknologjisë dhe Cilësisë 2009, dhe shihet se deri tani ka pasur një interes të madh, të cilat mund të çojnë në konkretizime gjatë ditëve në vijim.

Buxhuku tha për Kosovapress se një ndër qëllimet e organizimit të panairit është synimi për arritjen e tregut 7 milionësh, pasi që tani janë krijuar kushtet që shqiptarët si të bashkuar me një treg të kapin më lehtë sukseset në fushën e ekonomisë

Administratori i Konfindustrisë thekson faktin se kompanitë me renome kanë kontrata të financuara nëpër projekte energjetike në Shqipëri prej më shumë se 5 miliardë eurosh dhe si të tilla me pjesëmarrjen e tyre e kanë shndërruar panairin si më të madhin e industrive energjetike për rajonin e Ballkanit Perëndimor në vitin 2009.

“Janë të pranishme industritë nga më të rëndësishmet e Evropës, të cilat kanë lidhur marrëveshje koncensionare shumë të rëndësishme në Shqipëri me një vlerë që llogaritet prej gati 5 miliardë eurosh, të cilat janë të orientuara drejt investimeve energjetike”, ka thënë Buxhuku.

Kompania që bën pjesë në grupin e kompanive të suksesshme të Shqipërisë “Elite Group”, e cila tashmë zotëron një treg të gjerë këtu, është pjesëmarrëse e panairit dhe përfaqësuesit e saj shprehin interesim për investime edhe në Kosovë.
“Elite Group”, e cila gëzon ekskluzivitetin e makinerive për shpime të thella të markës CAE, është kompania kryesore për ndërtimin e Hidrocentralit të Kalimashit. Njëra nga menaxherët e kësaj kompanie, Aurela Mara, tregon se të drejtën për shpërndarjen e makinerive e kanë fituar edhe për Shqipërinë dhe disa vende të rajonit.

“E reja e fundit që sjell nëpërmjet këtij panairi është e drejta ekskluzive për tregun shqiptar, të Kosovës, Maqedonisë, Malit të Zi për markën e makinerive të specializuar hidraulike QIMV, të cilat arrijnë të bëjnë shpime, ndërtime për rrugë, ndërtime digash apo edhe ndërtime civile”, ka thënë Mara.

Në panair po marrin pjesë edhe ndërmarrjet më profitabile nga Kosova si PTK, Aeroporti Ndërkombëtar i Prishtinës, KEK, Kompania “Ballkan” dhe Kost-i, me qëllim të prezantimit të veprimtarive të tyre, por edhe gjetjes së investitorëve potencialë.

Drejtori i përgjithshëm i Aeroportit Ndërkombëtar të Prishtinës (ANP), Agron Mustafa tha për Kosovapress se qëllimi i ardhjes në këtë panair, përveç prezantimit të shërbimeve të Aeroportit, është edhe shikimi i investitorëve eventual të interesuar.

“Vërehet një interesim jashtëzakonisht i lartë, në veçanti një interesim i madh i investitorëve potencialë për të ardhmen e Aeroportit, që duhet të kemi parasysh se Qeveria e Republikës së Kosovës ka bërë publike dhe ka angazhuar kompaninë konsulente që është duke u marrë me analizat për të ardhmen e Aeroportit, dhe këtu investitorët potencialë nuk mungojnë në anën e marrjes apo kërkimit të informacioneve për gjendjen aktuale për Aeroportin Ndërkombëtar të Prishtinës me qëllim të investimeve potenciale nga ana e tyre”, ka thënë ai.

Në Panairin Ndërkombëtar të Teknologjisë dhe Cilësisë 2009 në Tiranë, po merr pjesë edhe kompania më fitimprurëse Postë Telekomi i Kosovës (PTK), e cila ditë më parë ka fituar tenderin që të jetë operatori i katërt i telefonisë mobile në Shqipëri.

Zëdhënësi i PTK-së, Menduh Abazi, thotë se ky ka qenë edhe arsyetimi i prezantimit në panair, krahas kompanive tjera të fuqishme dhe me renome evropiane në fushën e telekomunikacionit.

“Siç është i njoftuar edhe opinioni, PTK ditë më parë ka fituar tenderin që të jetë operatori i katërt i telefonisë mobile në Shqipëri. Kemi ardhur këtu që të njoftohemi me opinionin dhe të njoftohemi me atë se sa është parapëlqyer ky vendim i institucioneve të Republikës së Shqipërisë. Qysh në hapje kemi pasur një interesim jashtëzakonisht të madh të njerëzve, të konsumatorëve, të operatorëve tjerë për mundësinë e kalimit tek ne dhe besoj se interesimi do të jetë shumë i madh në kohën kur ne do të fillojmë të operojmë këtu”, ka thënë Abazi.

Ai thekson se sikurse që PTK sikurse është lider me ofrimin e shërbimeve telekomunikuese në Kosovë, do të mundohet të jetë edhe në Shqipëri dhe se “Vala” do të bëjë të mundur që qytetarët nga Kosova përmes linjës së tyre të flasin më lirë me Shqipërinë.

“Vala-Vala. Kjo është e njëjta rrjetë. Janë në tavolinë shumë opsione se si do të jenë çmimet, por besoj që do të jenë të përafërta sikurse që janë në Kosovë”, tha ai.

Panairi Ndërkombëtar i Teknologjisë dhe Cilësisë 2009, i cilësuar si panairi i “tregut 7 milionësh”, do të qëndrojë i hapur në ambientet e Pallatit të Kongreseve deri më 2 maj. Gjatë kësaj kohe janë paraparë të zhvillohen edhe forume të ndryshme, sikurse Forumi i Konfindustrisë 2009 me temën “Shqipëria si fuqi energjetike”. /kosovapress/

Punësohen në Afganistan

Ndonëse Afganistani vazhdon të jetë një prej vendeve me rrezikshmëri më të lartë në botë, ky fakt nuk i ka ndalur një grup të të rinjve kosovarë që të marrin rrugën për atje për të vetmen arsye, të sigurojnë një vend pune.

Derisa punësimi në vendet e BE-së mbetet akoma pezull për shkak të krizës globale ekonomike, Afganistani ka qenë zgjidhje e vetme, pasi Ministria e punës nuk ka arritur të ketë sukses në punësimin e të rinjve në vendet e BE-së.

Ministri Nenad Rashiq, i cili në bashkëpunim me kompaninë amerikanë ITT, kanë siguruar punësimin e këtyre të rinjve, konsideron se kontratat janë të volitshme. Për të mjafton fakti që rreth 1 mijë e 200 të rinj kanë aplikuar për këtë punësim dhe konsideron se ata do të jenë të sigurt në Afganistan.

Ndërsa këta të rinj e vetmja gjë që i bën të ndjehen të sigurt është fakti se do të jenë nën mbrojtje të ushtrisë amerikane. Ky është kontingjenti i parë prej 34 të rinjve kosovarë, që nisen për në Afganistan, ndërsa gjatë muajit pritet të udhëtojnë edhe një grup tjetër.

Republikanët: Shpenzimet federale të presidentit Obama, shokuese

Një ligjvënëse republikane tha se 100 ditët e para të presidentit amerikan Barak Obama në detyrë mund të përmblidhen me tre fjalë- “shpenzime, taksa dhe borxhe”.

Në fjalimin e përjavshëm të Partisë Republikane, përfaqësuesja Lin Xhenkins akuzoi zotin Obama dhe Kongresin e kontrolluar nga demokratët në lidhje miratimin e paketës stimuluese prej 787 miliardë dollarësh si dhe të planbuxhetit federal prej 3,4 trilionë dollarësh.

Zonja Xhenkins i quajti shpenzimet e presidentit Obama si shokuese dhe paralajmëroi se Presidenti do ta rrisë borxhin amerikan më shumë se çdo President tjetër në historinë amerikane.

Kongresi miratoi dje planbuxhetin pa asnjë votë nga Partia Republikane. Republikojnë thonë se planbuxheti do ta dëmtojë ekonominë në periudhën afatgjatë si dhe do të rëndojë brezat e ardhshme me më shumë borxhe.

Por, miliarderi amerikan Uaren Bafit, një zë me rëndësi në ekonominë amerikane, tha sot se qeveria amerikane ka zgjedhur rrugën e duhur sa i përket ekonomisë.