Lajme te reja nga bota e Sporti

Mijatovic afёr largimit nga Reali

Drejtori sportiv i Realit, Pedja Mijatovic, raportohet se ёshtё drejt largimit tё tij nga Real Madridi, para fundit tё sezonit.

El Mundo Deportivo shkruan se presidenti i ri i Real Madridit, Vicente Boluda, ka përjashtuar qё tё ketë mё shumё nënshkrime kёtё muaj, dhe me kёtё vendim pёrfundojnё edhe pёrgjegjёsitё e Mijatovic.

Serbi raportohet se ka kërkuar 1 milionë funte kompensim.

Mendohet se Boluda do t’i shkarkojë edhe Mijatovicin edhe asistentin e tij Carlos Bucer dhe do t’ia japë kёtё detyrë Miguel Angel Portugal.

Barcelona ringjall interesimin pёr Lahm

Lideri i La Ligёs, Barcelona, e ka ringjallur interesimin pёr mbrojtësin e Bayern Munichut, Philipp Lahm.

Sportivja spanjolle Sport, shkruan se drejtori sportiv i Barcelonёs, Txiki Begiristain, ka rifilluar bisedimet me Bayernin disa javё mё parё, pёr tё marrё shërbimet e gjermanit.

Barca ёshtё duke e kërkuar mbrojtës tё majtё si përforcim pёr sezonin e ardhshёm dhe Begiristain e ka bёrё mbrojtësin gjerman Lahm prioritar.

Juventusi planifikon ofertё pёr Robben

Mediat italiane raportojnë se Zonja e Vjetёr ёshtё nё kёrkim tё anësorit tё Real Madridit, Arjen Robben.

Corriere dello Sport shkruan se Juventusi e sheh mesfushorin holandez si njё opsion pёr tё qëndruar nё krah tё kapitenit Alessandro del Piero.

Robben do tё arrinte nё Torino si njё pasues i Pavel Nedved, i cili pritet tё luajё edhe sezonin e ardhshёm.

Juve ёshtё kthyer kah Robben pasi ёshtё tmerruar nga çmimi qё ka kërkuar Bayern Munich pёr francezin Franck Ribery.

Guardiola fjaloset me Samuel Etoo

Menaxheri i Barcelonёs, Pep Guardiola, ka pasur një fjalosje me sulmuesin kamerunas Samuel Eto'o gjatë stërvitjeve të djeshme.

El Mundo Deportivo shkruan se Guardiola ka pasur njё konflikt me sulmuesin kamerinas gjatё njё seance stërvitore me dyer tё mbyllura.

Eto’o dhe pjesa e tjetër e ekipit ёshtё urdhëruar tё bёjё tendosje, diçka qё Guardiola beson se ёshtё një ushtrim i fuqishëm. Trajneri ka qenë i pakënaqur me përpjekjet e Eto’o dhe ka kërkuar ta bёjё edhe mё mirё.

Por, lojtari ia ka kthyer Guardiolёs dhe pas njё fjalosje, Eto’o ёshtё larguar mё herët nga stërvitja.

De Jong nënshkruan me Cityn

Mesfushori holandez Nigel de Jong ka kompletuar transferimin nga klubi i Bundesligёs, Hamburg, tek ai i Premierligёs, Manchester City, pёr njё shumё prej 15 milionё funtesh.

De Jong raportohet se ka hedhur poshtë marrëveshjen e re me Hamburgun tё vlefshme 55 mijë funte nё javё, pёr t’u bёrё nënshkrimi i dytё i menaxherit Mark Hughes tek klubi i Manchesterit, pas Wayne Bridge i cili u largua nga Chelsea pёr njё shumё prej 12 milionё funtesh.

De Jong pritet tё debutojё pёr Manchester Cityn tё mёrkurёn e ardhshme kundër Newcastle United.

Mesfushori defansiv, 24-vjeçar, iu bashkua Hamburgut nga Ajaxi nё vitin 2006 dhe ka luajtur 30 herё pёr kombëtaren holandeze.

Interi kalon në gjysmëfinale të Kupës së Italisë

Skuadra e Interit ka shënuar fitore me rezultat 2-1 në çerekfinalen e Kupës së Italisë kundër Romës duke u kualifikuar në këtë mënyrë në gjysmëfinale ku do të ndeshet me Sampdorian, e cila të mërkurën e eliminoi Udinesen.

Edhe kampionët në fuqi të Serie A edhe kampionët në fuqi të Coppa Italia, e filluan takimin me formacionet e tyre më të mira të mundshme. Te Roma mungoi kapiteni Francesco Totti, përkundër faktit që shpresohej për një rikthim sensacional të tij, po ashtu mungoi edh portieri kryesor Doni.

Zikaltrit kaluan në epërsi që në minutën e dhjetë të takimit me anë të sulmuesit brazilian Adriano, i cili shfrytëzoi gabimin e mbrojtjes romake për ta mposhtur portierin Arthur.

Verdhekuqtë arritën ta barazojnë rezultatin në pjesën e dytë (61’) me një supergol të Rodrigo Taddeit, mirëpo barazimi zgjati vetëm një minutë.

Nerazzurët krijuan sërish epërsinë me anë të sulmuesit Zlatan Ibrahimovic (62’), i cili shfrytëzoi në mënyrën më të mirë topin e kthyer nga portieri Arthur pas goditjes së Samuel, dhe shënoi golin e fitores për Interin. Nga përsëritjet e xhirimit u tregua se Samuel kishte qenë në pozitë jashtë lojë në momentin e harkimit të Cambiassos nga gjuajtja e lirë, mirëpo vendimi i gjyqtarit është përfundimtar.

Rikthim sensacional i Valencias

Skuadra e Valencias e ka fituar ndeshjen e parë kundër Sevillas në kuadër të Copa Del Rey, e cila u zhvillua të mërkurën mbrëma në Mestalla, me rezultat 3-2.

Los Che arritën që në fund të takimit të përmbysnin disavantazhin prej 2-1 dhe në fund të dalin fitues të ndeshjes, megjithëse pranuan dy gola në terren vendas.

Serinë e golave e filloi sulmuesi spanjoll David Villa, i cili që në minutën e pestë ia dha epërsinë skuadrës vendase dhe me këtë epërsi minimale përfundoi pjesa e parë.

Në pjesën e dytë mysafirët shënuan dy herë. Luis Fabiano barazoi rezultatin në 1-1 (52’), ndërsa Adrano Correira krijoi epërsinë për mysafirët (67’), e cila zgjati deri në minutat e fundit të ndeshjes (84’).

Valencia riktheu rezultatin në fund të takimit brenda dy minutash me anë të Ruben Barajas (84’) dhe Matas (86’), dhe kështu e fitoi takimin edhe pse dy golat e pranuar në Mestalla do ta vënë në vështirësi në ndeshjen e kthimit.

Espanyol ndal Barcelonën

Rivali i qytetit, Espanyol, e ka ndaluar marshin e Barcelonës duke nxjerrë një barazim pa gola në kuadër të derbit të vlefshëm për Copa Del Rey.

Takimi i parë në kuadër të Kupës së Mbretit ndërmjet rivalëve të qytetit të Barcelonës është zhvilluar në Montjuic ku Espanyoli ka arritur t’i bëjë ballë skuadrës së pandalshme të Barcës, edhe pse Pep Guardiola pjesën më të madhe të ndeshjes luajti me skuadrën e dytë.

Ndeshja e radhës e cila do të luhet në kështjellën e Blaugranëve, në Camp Nou, do të vendosë se kush do të vazhdojë më tutje.

Moratti planifikon pastrimin e Interit

Presidenti i Interit, Massimo Moratti, ka pranuar komentet e Jose Mourinho se skuadra e tij është tepër e ngarkuar.

“Kemi një skuadër të ngarkuar. Jo vetëm është më lehtë për trajnerin ta menaxhojë, por është normale për një klub të ketë më pak lojtar. Të shohim çfarë do të ndodhë”, ka thënë Moratti.

Interi mbrëmë mposhti Romën në kuadër të Kupës së Italisë, duke siguruar vend në gjysmëfinale të kësaj gare.

City pyet për çmimin e Drogbës

Manchester City është duke planifikuar të bëjë një ofertë befasuese për sulmuesin e Chelseat, Didier Drogba.

Daily Mail shkruan se Drogba është i ardhshmi në listën e Manchester Cityt, pas dështimit të këtij klubi për të marrë shërbimet e Kaka. City ka kërkuar nga Chelsea të tregojë çmimin e sulmuesit nga Bregu i Fildishtë.

Drogba nuk është përfshirë në dy ndeshjet e fundit kundër Southend dhe Stoke Cityt nga menaxheri Luis Felipe Scolari, por pritet të rikthehet gjatë vikendit kundër Ipswich në ndeshjen e Kupës FA.

30-vjeçari, i cili ka shënuar vetëm një gol këtë sezon në ligë, po ashtu spekulohet se mund të rikthehet tek ish-klubi i tij Olimpique Marseille.

4 milionë funte e kanë ndarë Villan nga Reali

Agjenti i sulmuesit spanjoll David Villa ka zbuluar se Real Madridi kishte qenë afër të nënshkruante me sulmuesin e Valencias gjatë verës së kaluar.

Jose Luis Tamargo ka folur për dështimin e transferimit të Villas gjatë gushtit, duke zbuluar se sjelljet e Realit gjatë negociatave e kanë lënë sulmuesin të ofenduar.

“Villa nuk luan për Real Madridin për shkak të 4 milionë funteve. Një përpjekje në minutën e fundit nuk ka kuptim. Ai tashmë ka rinovuar kontratën me Valencian dhe ka hequr nga opsioni rastin”, ka thënë Tamargo.

Australian Open: Nadal i pandalshëm

Numri një i botës në tenis, Rafael Nadal, ka bërë edhe një paraqitje të shkëlqyeshme në Australian Open duke mposhtur kroatin Roko Karanusic 3-0 në sete (6-2 6-3 6-2) në rundin e dytë të turneut.

Spanjolli shënoi fitore brenda 97 minutash dhe në rundin e tretë do të përballet me gjermanin Tommy Haas.

Francezi Gilles Simon ka siguruar vend në rundin e tretë, pasi ka mposhtur australianin Chris Guccione 3-1 në sete (6-7 6-4 6-1 6-2).

Kiliani Fernando Gonzalez ka mposhtur argjentinasin Guillermo Canas (7-5 6-3 6-4), dhe në rundin e tretë do të përballet me francezin Richard Gasquet, i cili mposhti uzbekun Denis Istomin (6-3 6-4 6-4).

Befasia e rundit të dytë ishte eliminimi i argjentinasit David Nalbandian nga tajvanezi Yen-Hsun Lu

NBA: Celtics vazhdojnë me fitore

Boston Celtics ka vazhduar serinë e fitoreve, pasi mposhti në udhëtim ekipin e Miami Heat me rezultat 98-83.

Ray Allen ishte shënuesi më i mirë në podium me 27 pikë, ndërsa Eddie House arriti pikët më të larta të sezonit, 25, për të ndihmuar Bostonin të shënojë fitoren e gjashtë në radhë.

Dwyane Wade, shënuesi më i mirë i NBA-së, arriti 25 pikë për Heat, që u rikthyen në shtëpi pas shtatë ndeshjeve në udhëtim. Daequan Cook shënoi 20 pikë ndërsa Michael Beasely 17 pikë dhe 11 kërcime për vendasit.

Kjo është fitorja e 35-të këtë sezon për Boston Celtics, përkundër nëntë humbjeve.

City do të përpiqet të transferojë Henryn

Manchester City raportohet se do të dërgojë ofertë në drejtim të Barcelonës, për të marrë shërbimet e sulmuesit francez Thierry Henry.

Times ka shkruar se ish-sulmuesi i Arsenalit është superylli i radhës të cilin City dëshiron ta sjellë në radhët e veta.

City e ka etiketuar 31-vjeçarin si një lojtar i cili do të risë profilin komercial si dhe do të jetë kontribuues edhe në fushë.

Përpjekja e parë do të jetë të shohë nëse ai është në gjendje të rikthehet në futbollin anglez si pjesë e projektit të klubit.

Galliani lavdëron lojën e Thiago Silva

Thiago Silva ka shkëlqyer në debutimin e tij për Milanin në miqësoren e mbrëmshme ndaj Hannoverit, të cilën rosonerët e fituan me rezultat 3-2.

Braziliani nuk mund të luajë në ndeshjet zyrtare të Milanit këtë sezon, për shkak të mungesës së pasaportës evropiane. Zëvendëspresidenti i klubit, Adriano Galliani, është plotësisht i kënaqur me lojën e Silvas dhe ndjen keqardhje që nuk mund ta shfrytëzojë këtë sezon.

“Më pëlqeu Thiago Silva shumë. Ai është i shpejtë dhe e njeh mirë lojën defensive. Është për keqardhje që ai nuk mund të luajë menjëherë, por këto janë rregullat për lojtarët jo-evropian, që na ka ndaluar. Duhet të presim deri në sezonin e ardhshëm, por do të ishte shumë e favorshme ta përdorim atë tash”, ka thënë Galliani.

Zidane mund të rikthehet në Madrid së bashku me Perez

Ish-futbollisti i Real Madridit, Zinedine Zidane, do të rikthehet tek klubi spanjoll si pjesë e kampanjës së ish-presidentit Florentino Perez për të rimarrë drejtimin e klubit.

Ramon Calderon dha dorëheqje më herët gjatë këtij muaji dhe edhe më shumë i nxiti spekulimet se ish-presidenti i klubit spanjoll, Florentino Perez, është në rrugë për t’u rikthyer në zgjedhjet që do të mbahen në qershor.

Siç shkruan AS, Perez dëshiron ta punësojë Zidanin si trajner të ekipit të të rinjve të Real Madridit. Francezi pati deklaruar se dëshiron të rikthehet si menaxher dhe se të jetojë edhe më tej në Madrid.

Spekulohet se Perez mund t’ia ofrojë atij edhe pozitën e drejtorit sportiv, të cilën aktualisht e mban Pedja Mijatovic, i cili nuk është aspak i dashur në mesin e tifozëve të Real Madridit.

Vazhdon telenovela 'Kaka-Real Madrid'

Shtypi spanjoll thotë se superylli brazilian Kaka ndoshta e ka refuzuar Manchester Cityn, mirëpo ai është në pritje të ofertës nga gjigantët spanjollë të Real Madridit.

Derisa Milani po mundohet ta qetësojë situatën dhe të fajësojë të gjithë pos vetes në lidhje me dështimin e transferimit të Kaka te Manchester City, gazetat spanjolle “Marca” dhe “AS” shkruajnë se tash më shumë se kurrë Mbretërit janë afër transferimit të brazilianit.

Të dy gazetat njoftojnë se Kaka është hidhëruar me drejtuesit e Milanit, të cilët dëshironin ta shesin atë te City dhe i ka prishur raportet me hierarkinë e Rossonerëve, prandaj dëshiron të largohet.

“Marca” thotë se Los Merengues duhet të tentojnë tash ta blejnë ish-lojtarin më të mirë në botë, sepse aktualisht mund ta transferojnë për 80 milionë euro, ndërsa në verë ata duhet të paguajnë 20 milionë më shumë.

“AS” nuk i pyetur direkt drejtuesit e Milanit në lidhje me këtë gjë, mirëpo e ka cituar zëvendëspresidentin e Milanit, Adriano Galliani, të ketë thënë: “Nuk mund të flas për transferime, po ashtu nuk mund të flas as për Real Madridin”.

Përfaqësuesit e Kuyt nuk dinë asgjë për interesimin e Juves

Ekipi menaxhues i sulmuesit të Liverpoolit, Dirk Kuyt, nuk di asgjë për interesimin e Juventusit për holandezin.

Ditët e fundit mediat kanë spekuluar për një afrim të madh të bardhezinjve me Kuyt, i cili shihet si zëvendësuesi kryesor i veteranit çek Pavel Nedved, i cili pritet të pensionohet në verë.

Të enjten “Il Corriere dello Sport” shkroi se Juventus është takuar me agjentin e Kuyt dhe është gati të ofrojë 30 milionë euro për ta transferuar 28-vjeçarin në Torino.

“Asgjë nuk k ndodhur. Gazetat shkruajnë shumë gjëra për të cilat ne nuk kemi njohuri fare. Ne nuk dimë asgjë. Mendoj se të gjitha që thuhen janë gënjeshtra”, ka thënë për “Goal” një anëtar i ekipit menaxhues të Kuyt.

Valencia i ka kërkuar Cityt 130 milionë funte

Braziliani i Milanit, Kaka, nuk është i vetmi emër i madh, i cili ka refuzuar të kalojë te pasanikët e Manchester Cityt. “The Guardian” njofton se Manchester City ka dështuar t’i transferojë edhe David Villan, Gianluigi Buffonin dhe Thierry Henryn, para se të bënte ofertën për Kaka.

Një delegacion i skuadrës së Cityt në dhjetor kishte udhëtuar në Valencia për të kërkuar shërbimet e David Villas dhe David Silvas. Skuadra nga Liga Premier kishte ofruar 100 milionë funte (106 milionë euro) për yjet e Los Che, ndërsa Valencia ka kërkuar 135 milionë funte (143 milionë euro) kështu që pasanikët janë tërhequr.

Delegacioni i Cityt ka udhëtuar edhe në Torino për të nisur bisedimet për portierin e Juventusit, Gigi Buffon. Bianconerët kishin kërkuar afër 105 milionë euro për portierin më të mirë në botë, ndërsa City sërish ka tërhequr negociatat.

Mourinho shan lojtarët e tij

Trajneri i Interit, Jose Mourinho, i ka ‘sulmuar’ lojtarët e tij duke i ofenduar me fjalë të ndyta për shkak të paraqitjes së dobët në ndeshjen kundër Atalantas.

“La Repubblica” njofton se ‘I Veçanti’ ua ka thënë fjalët më të ndyta të zgjedhurve të tij në zhveshtore, pas humbjes prej 3-1 kundër Atalantas në Bergamo.

“Një Scudetto e keni fituar në gjykatë, të dytën sepse nuk keni pasur konkurrencë, ndërsa të tretën e keni fituar në minutat e fundit të Kampionatit. Ju jeni një grumbull m...”, është cituar portugezi nga “La Repubblica”.

Edhe “Sky Sport Italia” njofton se Mourinho e ka gjuajtur bllokun e tij të shënimeve në një kovë pas takimit me presidentin Massimo Moratti, i cili kishte qenë i nevrikosur me të për ndeshjen e dobët që zhvilluan zikaltrit.

Nerazzurët kanë kaluar një javë të trazuar, mirëpo e përmirësuan paksa situatën e keqe pas kualifikimit në gjysmëfinalen e Coppa Italia me fitoren kontroverse kundër Romës.

Ranieri: Juve dëshiron Diegon dhe Ligën e Kampionëve

Pas spekulimeve disamuajshe, Claudio Ranieri më në fund e ka zyrtarizuar interesimin e Juventusit për mesfushorin e Werder Bremenit, Diego.

“Diego është një lojtar i fortë, ai është i jashtëzakonshëm dhe ne jemi duke e përcjellë, sepse duhet ta vlerësojmë atë në të gjitha mënyrat. Mua më pëlqen Diego, mirëpo duhet të shohim se a mund të përshtatet në makinerinë tonë”, ka thënë trajneri bardhezi.

Përveç zëvendësuesit të Pavel Nedvedit, një tjetër objektiv më i madh i Ranierit është Liga e Kampionëve.

“Do të mundohemi. Duhet të kemi vullnet dhe ta ëndërrojmë finalen. Shpresoj që kur të luajmë kundër Chelseat të jemi në formë të mirë”.

“Liga e Kampionëve kohë pas kohe nxit shumë momente emocionuese dhe krijon stres, prandaj shpresoj që lojtarët e mi të jenë të gatshëm të përballen me të gjitha shqetësimet”, ka përfunduar ish-trajneri i Chelseat.

Milan kryeson me numrin e tifozëve që e përcjellin në stadium

Sipas një raporti më të ri, Milani kryeson me numrin e tifozëve të cilët i përcjellin ndeshjet në San Siro, ndërsa arsyeja kryesore supozohet të jetë ardhja e Ronaldinhos.

Krahasuar me vitin e kaluar, numri i tifozëve të cilët ndjekin ndeshjet e Serie A nëpër stadiume është rritur paksa në krahasim me vitin e kaluar. Derisa vitin e kaluar mesatarja për një ndeshje ishte 24. 470, këtë vit ky numër është rritur në 24.895.

Qendra për studimin e Ligës italiane të futbollit ka publikuar shifrat me numrin vizitorëve të cilët i ndjekin skuadrat italiane, ndërsa Milani gjendet në vendin e parë.

Numri mesatar i tifozëve të cilët i përcjellin ndeshjet e Milanit në San Siro është 60.067 për ndeshje.

Në vendin e dytë është Interi me 51.637 për ndeshje, ndërsa vendin e tretë e zë Roma me 41.225 tifozë të cilët e përcjellin mesatarisht çdo ndeshje.

Befasia e Serie A, Napoli, është renditur në vendin e katërt me 38.658, ndërsa Lazio, tërheq 36.407 tifozë për ndeshje duke mbyllur top-pesëshin.

Juventusi bën pjesë në grupin e skuadrave të cilat më pak përcillen në stadiume, pasi mesatarja e pjesëmarrjes së tifozëve në Stadio Olimpico të Torinos është 22.251. Megjithatë duhet theksuar se kapaciteti maksimal i stadiumit në Torino është për 25.000 tifozë, derisa stadiumet tjera kanë nga 70.000 deri në 90.000 ulëse.

Më së pakti përcillet Siena me vetëm 10.630 tifozë të cilët paraqiten mesatarisht në stadium për ta ndjekur skuadrën e tyre të zemrës.

Lazio nё gjysmëfinale tё Kupёs sё Italisё

Lazio ka arritur tё rikthehet nga disavatazhi 1-0 pёr tё fituar nё fund me rezultat 3-1, nё ndeshjen çerekfinale tё Kupёs sё Italisё, përballё Torinos.

Njё gol i shёnuar nё pjesën e parё nga Cesare Natali kaloi Torinon nё avantazh, pas po thuajse gjysmё ore lojё (29’). Por, qё nё fillim tё pjesës sё dytё maqedonasi Goran Pandev barazoi pёr Lazion (49’).

Dy gola tё tjerё tё shёnuar nga Stefano Mauri nё mintёn e 55-tё tё lojës dhe Tommaso Rocchi nё minutat shtesё, vulosёn fitoren pёr biancocelestёt.

Lazio iu bashkohet kështu dy ekipeve tashmё tё kualifikuara pёr nё gjysmëfinale, Interit dhe Sampdorias, ndërsa pjesёmarrёsi i katërt do tё dihet mё 4 shkurt nga përballja mes Juventusit dhe Napolit.

Bendtner refuzon Hoffenheimin

Lideri i Bundesligёs, Hoffenheim, ka dёshtuar nё tentimin tё sigurojë shërbimet e sulmuesit tё Arsenalit, Nicklas Bendtner.

Babai i sulmuesit danez ka zbuluar se djali i tij ka hedhur poshtë shansin tё nёnshkruajё me klubin gjerman.

Sapo ёshtё promovuar nё ligёn mё tё mirё gjermane, Hoffenheim, i përkrahur nga pronarët miliarderë, ka shkëlqyer kёtё sezon duke qenё kampion vjeshtor i Bundesligёs, me pikё tё barabarta me Bayern Munichun por me diferencё mё tё mirё golash.

“Hoffenheim ka treguar interesim. E di kёtё. Ka disa klube qё interesohen gjatё periudhës sё kalimtare. Gjithmonë mё pëlqen dhe jam i gëzuar qё ka interesim pёr Nicklas, por transferi nuk do tё ndodhë tash. Nicklas do tё mbetet nё Arsenal”, ka thёnё babai i sulmuesit.

Liverpooli nё shitje ?

Bashkёpronarёt e Liverpoolit, Tom Hicks, raportohet se ka filluar bisedimet me njё familje tё pasur nё Lindjen e Mesme, pёr tё shitur klubin pёr njё shumё tё raportuar 600 milionё euro.

Bisedimet tashmё kanё filluar me familjen nga Kuvajti, Al Kharafi, qё udhëhiqet nga Nasser Al Kharafi, i cili ka njё pasuri prej nёntё miliardё funtesh dhe ёshtё personi i 48-tё mё i pasur nё botё.

Burimet thonё se qё tё dy pronarёt, edhe Hicks edhe George Gillett, tё cilёt ndajnё 50-50 aksionet e Liveproolit, dёshirojnё tё gjejnë njё blerës tё duhur pёr klubin.

Familja Al Kharafi ka pёr fushëveprim ndërtimin si dhe njё numër aktivitetesh sekondare, si shërbimet bankare, tregtinë ushqimore dhe turizmin.

Kjo nё fakt ёshtё hera e dytё brenda 12 muajsh qё pronarёt amerikan bisedojnë me Al Kharafi nё përpjekje pёr tё shitur kampionin e pesёfishtё evropian.

Beckham dëshiron tё mbetet nё Milan

Mediat italiane shkruajnë se mesfushori anglez, David Beckham, dëshiron ta vazhdojё avanturёn e tij me Milanin edhe pas përfundimit tё marrëveshjes sё huazimit, dhe ka filluar tashmё tё mësojё edhe gjuhёn italiane.

Milani nënshkroi me Beckhamin si huazim disamujor nga Los Angeles Galaxy, ndërsa ai pritet tё rikthehet nё Amerikё mё 9 mars, para fillimit tё ligёs aerikane tё futbollit,

Por Gazzetta dello Sport shkruan sot se 33-vjeçari ka filluar ta pëlqejё jetёn nё gadishull dhe duket se ёshtё i gatshёm tё heqё dorё nga njё përqindje e madhe e pagës sё tij me qёllim qё tё mbetet tek klubi italian.

NBA: Shtatё fitore radhazi pёr kampionin

Boston Celtics ka vazhduar marshimin me fitore nё Konferencёn Lindore, duke mposhtur nё udhëtim Orlando Magic me rezultat 90-80.

Mbrojtja e Celtics u rikthye nё formёn qё vitin e kaluar solli titullin e NBA-sё, duke ndaluar Orlando Magic nё vetёm 38% gjuajtje tё sakta, duke i dhёnё fund edhe serisё prej shtatё fitoreve radhazi tё këtij klubi dhe duke e duke e rrëzuar nga kreu i NBA-sё.

Boston (36 fitore, 9 humbje), tё udhëhequr nga Paul Pierce me 27 pikё dhe 10 kёrcime dhe Kevin Garnett me 16 pikё, e çojnë nё shtatё numrin e fitoreve radhazi. Glen Davis, i inkuadruar nga stoli, kontribuoi me 16 pikё.

Hedo Turkoglu udhëhoqi me 22 pikё, ndërsa Rashard Lewis realizoi 20 pikё pёr Magic, qё kanё 33 fitore dhe nёntё humbje.

Australian Open: Dhunё nё mes tё tifozëve serb dhe boshnjak

Nё publikun e Australian Open ka shpërthyer dhunё nё mes tё tifozëve serb dhe atyre boshnjakё, pas ndeshjes nё mes tё tenistit serb Novak Djokovic dhe atij boshnjak Amer Delic, i cili mbron ngjyrat e SHBA-ve.

Policia ka arrestuar dy persona dhe ka nxjerrё jashtë fushave 30 tё tjerё, pasi përkrahësit rival filluan tё hedhin karrige dhe tё goditen me grushta dhe shkelma.

Zёnka kishte filluar jashtë qendrave sportive, ndërsa pastaj kishte shpërthyer nё brendi tё Melbourne Park.

Ngjashёm ndodhi edhe dy vite mё parё kur po nё Australian Open, 150 tifozё kroat dhe serb u kacafytёn.

Ndeshja nё mes tё tenistit serb dhe atij boshnjak u fitua nga Djokovic, 3-1 nё sete (6-2, 4-6, 6-3, 7-6).

Aston Villa afër transferimit të Heskey

Sulmuesi i Wiganit, Emile Heskey, është në rrugë për t’u transferuar tek ekipi i Aston Villas.

Sipas mediave angleze, klubi nga Biminghami ka ofruar 3.5 milionë funte për të marrë shërbimet e futbollistit dhe oferta është pranuar nga ana e Wiganit.

Heskey pati një sezon të mirë tek Wigani dhe sërish kishte tërhequr vëmendjen e klubeve tjera, veçanërisht pasi marrëveshja e tij skadon në fund të sezonit.

Nëse transferimi realizohet, kjo do të jetë një shtytje e madhe për Villan që lufton të futet në katër ekipet e para të tabelës.

Kaka kërkon të lihet i qetë nga gazetarët

Mesfushori brazilian Leite Kaka thotë se atmosfera është e acaruar pas negociatave me Manchester Cityn dhe dëshiron ca pushim në të ardhmen.

Superylli i Milanit së fundi dominoi të gjitha mediat sportive, pas ofertës së bujshme të Manchester Cityt. Por pas refuzimit të saj, filluan spekulimet se Kaka do të transferohet tek Real Madridi gjatë verës që vjen.

Gazetarët e AS kanë udhëtuar në Milano tek shtëpia e Kaka, për ta pyetur në lidhje me spekulimet e fundit, por braziliani ka kërkuar të lihet në qetësi.

“Kjo është e pamundur, këtu jam në shtëpinë time. Ju e thyeni privatizimin tim ndërsa po ashtu edhe privatizimin e bashkëshortes time. Ne mund të flasim në Milanelo, por jo edhe këtu...”, ka thënë Kaka.

“Nuk mund të flas për transferim dhe për Madridin. Këto ditë nuk dua të komentoj për asgjë, presioni është shumë i madh. Gjithçka është shumë e nxehtë dhe kam nevojë për qetësi”, ka shtuar braziliani.

Gerrard mund të dënohet me pesë vjet burg ?

Mesfushori ikonik i Liverpoolit, Steven Gerrard, ka mohuar akuzat për rrahje dhe sulm duke u deklaruar i pafajshëm, ndërsa tani qëndron i lirë me garanci derisa të paraqitet në Gjykatën Mbretërore me 20 mars për t’u përballur me akuzat.

Mediat njoftojnë se nëse Gerrard shpallet fajtor pas përfundimit të gjykimit, ai mund të dënohet me pesë vjet burg për shkak se është deklaruar i pafajshëm.

Kapiteni i Liverpoolit po përballet me këto akuza pasi ishte përfshirë në një përleshje në një klub nate në Liverpul më 29 dhjetor.

Përveç rrezikut për burg, 28-vjeçari mund të përjashtohet edhe nga veprimtaritë të cilat janë nën udhëheqje të FA (Football Association) që do të thotë se karriera e tij me Anglinë merr fund.

Trezeguet: Domenech nuk ka fituar asgjë

Sulmuesi i Juventusit, David Trezeguet, e ka akuzuar sërish trajnerin e Francës, Raymond Domenech, i cili ia ka pamundësuar të luajë për përfaqësuesen e tij në Euro 2008.

“Më mungon ekipi kombëtar i Francës. Mirëpo unë kam vendosur që të heq dorë nga Les Bleus për t’ia lënë vendin ndonjë lojtari, i cili do të përshtatej në sistemin e Domenech, pasi që edhe nëse jam në formën më të mirë me Juventusin, Domenech ka ide tjera”.

“Kam pasur mundësinë të luaj nën urdhrat e Tigana, Lippi, Ancelotti, Capello dhe Deschamps. Këto janë trajnerë të nivelit të lartë, të cilët kanë fituar tituj. Kjo është arsyeja pse është vështirë t’i pranoj vendimet e dikujt, i cili nuk ka fituar asgjë”, ka thënë Trezegol.

Buffon kthehet kundër Violas

Juventus do të mund të llogarisë në shërbimet e portierit kryesor Gigi Buffon në duelin e fundjavës kundër Fiorentinës.

Nëse fiton derbin e të shtunës kundër Fiorentinës, Zonja e Vjetër do të ngjitet në krye të tabelës me pikë të barabarta me Inter, i cili do ta zhvillojë ndeshjen e javës së njëzet të dielën kundër Sampdorias në mungesë të njeriut kryesor, Zlatan Ibrahimovic, i cili është i suspenduar.

“Buffon është shëruar dhe është i gatshëm për lojë. Por jo edhe Manninger, i cili ka probleme me gjurin”, ka thënë Ranieri.

Mbrojtësi kryesor Giorgio Chiellini është i dyshimtë, pavarësisht se është rikuperuar, ndërsa Tiago dhe Camoranesi do të mungojnë, ndërsa Trezeguet ende është në fazën rikuperuese.

Atletico nuk ka kontaktuar me Realin për Agueron

Atletico Madrid ka mohuar spekulimet e publikuara të enjten në mediat spanjolle, sipas të cilave ata kanë arritur marrëveshje me rivalët e qytetit, Real Madrid, për transferimin e Sergio Agueros.

“20minutos” kishte njoftuar se presidenti i larguar Ramon Calderon kishte arritur një marrëveshje para largimit të tij për transferimin e argjentinasit në Bernabeu, mirëpo zyrtarët e Atleticos kanë mohuar gjithçka duke thënë se ata madje as nuk kanë diskutuar me Mbretërit për yllin e tyre.

“Atletico Madrid nuk ka qenë në kontakt as formal e as informativ, dhe të mos flasim për ndonjë marrëveshje apo kontratë me Real Madridin, në lidhje me Sergio Agueron, apo për ndonjë lojtar tjetër”, shkruan në deklaratën zyrtare te klubit.

IFFHS: Barcelona skuadra më e mirë në dy dekadat e fundit

Sipas Federatës Ndërkombëtare të Historisë së Futbollit dhe Statistikave (IFFHS), Barcelona është skuadra me e mirë në botë në tetëmbëdhjetë vitet të fundit.

IFFHS të premten ka publikuar listën e skuadrave më të mira që nga viti 1991, me ç’rast gjigantët katalunas kanë zënë vendin e parë, të përcjellë nga Manchester Unitedi dhe Juventusi, të cilët kanë zënë pozitat dy dhe tre, respektivisht.

Në vendin e katërt është renditur Milani, ndërsa top-pesëshin e ka mbyllur Real Madrid.

Duhet përmendur se Anglia dhe Italia kanë nga katër skuadra në listën e top-pesëmbëdhjetë skuadrave më të mira në botë.

Rangimi zyrtar i IFFHS:

1. Barcelona (Spanjë) 757 pikë
2. Manchester United (Angli) 678
3. Juventus (Itali) 621
4. Milan (Itali) 611
5. Real Madrid (Spanjë) 605
6. Inter (Itali) 567
7. Bayern Munich (Gjermani) 563
8. Arsenal (Angli) 550
9. River Plate (Argjentinë) 503
10. Chelsea (Angli) 442
11. Liverpool (Angli) 435
12. Porto (Portugali) 425
13. Boca Juniors (Argjentinë) 420
14. Roma (Itali) 405
15. Ajax Amsterdam (Holandë) 400
16. Parma (Itali) 373
17. Sao Paulo (Brazil) 367
18. Valencia (Spanjë) 367
19. Glasgow Rangers (Skoci) 364
20. Lazio Roma (Itali) 342

Benitez: Duhet t’i eliminojmё gabimet nё mbrojtje

Menaxheri i Liverpoolit, Rafael Benitez, iu ka thёnё lojtarёve tё tij se ata duhet t’i zvogёlojnё gabimet e natyrës sё tillё, si ajo qё u kushtoi tё kuqve me dy pikё nё derbin e fundit ndaj Evertonit.

“Kemi biseduar pёr tё dyja gjёrat, goditjet e lira tё panevojshme dhe mbulimin e dobët. Duhet tё jemi tё kujdesshёm dhe tё mos shkaktojmë faulle tё kota, nga tё cilat pastaj duhet tё mbrohemi”, ka thёnё Benitez.

“Ok, ne kemi bёrё gabime, por ndoshta mund tё mёsojmё nga to pёr tё ardhmen. Lojtarёt kanё kuptuar se duhet tё pёrmirёsohemi. Por nuk pranojmë shumё gola, dhe gjithmonë duket keq kur pranoni njё gol aq tё rёndёsishёm nё njё derby”, ka shtuar spanjolli.

Guardiola: Real Madrid nuk do ta josh Messin

Menaxheri i Barcelonёs, Pep Guardiola, ka hedhur poshtё thashethemet se ai mund ta humbё Lionel Messin nё drejtim tё Real Madridit.

Kandidati i ri pёr president tё Real Madridit, Florentino Perez, e ka Messin nё listёn e blerjeve, por Guardiola ka hedhur poshtё çdo mundësi tё tillё.

“Nuk e di kush do tё jetё president i ri i Madridit, dhe edhe nёse ofron 120 milionё euro, sa ёshtё kushti i lirimit tё argjentinasit me kontratё, Messi nuk do tё largohet. Mё sё shumti shqetësohem qё ai tё jetё i lumtur nё Barcelona”, ka thёnё Guardiola.

Por, ka qenё mu Perez, ai i cili dikur solli Luis Figon nga Barcelona nё Real.

“Nuk e di nёse Perez ka arsye tё bёjё njё veprim tё tillё. E vetmja gjё qё e di ёshtё se Messi ёshtё i lumtur me familjen e tij dhe ekipin. Dhe se ekipi do tё vazhdojё ta dojё atё po aq sa tash”, ka shtuar trajneri.

Wenger: Arsenali nuk ka hequr dorё nga titulli

Arsenali ёshtё duke shijuar njё seri tё mirё rezultatesh dhe po ‘shёrohet’ pas njё paqёndrueshmёrie qё e shoqëroi klubin nё pjesën e parё tё sezonit.

Topçinjtё janë nё pozitën e pestё, me Aston Villёn qё ёshtё futur nё katërshen e parё qё kualifikohet pёr nё Ligёn e Kapionёve, por me vetëm gjashtё pikё mё pak se lideri i tabelës Manchester United, qё megjithatë ka njё ndeshje mё pak.

“Ende nuk e kemi sakrifikuar ligёn. Ështё njё garё shumё e rёndёsishme. Ajo çfarë numërohen janë pikёt, ne jemi vetëm gjashtё pikё prapa ekipeve kryesuese pёr momentin. Jemi nё gjendje tё mirё dhe liga pёr mua ёshtё gara mё e rёndёsishme pasi ju tregon se sa tё fuqishëm jeni pas 38 ndeshjesh”, ka thёnё Wenger.

“Përqendrimi ynё ёshtё nё ligё, Ligёn e Kampionёve dhe Kupёn FA, ne nuk do tё zgjedhim ndonjërin”, ka shtuar francezi.

Australian Open: Serena vazhdon dominimin

Tenistja Serena Williams ka kaluar me lehtësi pёr nё rundin e katërt tё Australian Open me njё fitore 2-0 nё sete (6-1, 6-4) ndaj kinezes Peng Shuai.

Amerikania, e renditur e dyta nё botё, kaloi setin e parё pёr vetëm 31 minuta, ndërsa, pastaj u rikthye nga 3-1, pёr tё fitua me 6-4 edhe setin e dytё.

Williams ёshtё duke kërkuar titullin e katërt nё Australian Open pasi triumfoi nё kёtё turne edhe nё vitet 2003, 2005 dhe 2007. Tё tre ndeshjet e këtij viti ajo i ka fituar nё dy sete.

Williams tash do tё përballet me bjellorusen Victoria Azarenka, e cila mposhti ish-kampionen, francezen Amelie Mauresmo 2-0 nё sete (6-4, 6-2).

NBA: Nowitzki shkëlqen nё fitoren e Dallas

Dirk Nowitzki ka ndihmuar ekipin e tij Dallas Mavericks, qё tё kthehet nga humbja e tё mёrkurёs ndaj Milwaukee, pёr tё fituar mbrёmё ndaj Detroit Pistons me rezultat 112-91.

Fitorja ishte vetëm e treta nё tetё ndeshjet e fundit pёr Dallas. Nowitzki kryesoi me 26 pikё, ndërsa Josh Howard kontribuoi me 22 pikё dhe Brandon Bass me 18.

Richard Hamilton, i futur nё lojё nga stoli, udhëhoqi tek Detroit Pistons me 17 pikё.

Amauri beson se Juve mund ta marrё kreun

Juventusi ka njё përballje tё vështirё sonte pasi do tё presё Fiorentinёn nё Olimpiko tё Torinos, nё kuadër tё javës sё 20-tё tё ndeshjeve nё Serie A, por sulmuesi Amauri ёshtё i bindur se ekipi mund ta prekё kreun e tabelës pas kësaj ndeshje.

Tre pikё tё fituara sonte nga biankonerёt do ta barazonin ekipin e Claudio Ranierit nё pikё me Interin, por Juve po ashtu do tё merrte kreun nё bazё tё diferencës sё pikёve.

“Besojmё se mund ta arrijmë Interin. Juve ёshtё gjallё, por askush nuk ka vendosur bast pёr ne se do tё kryesojmë gjatё sezonit. Gjёja mё e rёndёsishme ёshtё tё mos dorëzohemi dhe tё bёjmё sa mё pak gabime”, ka thёnё sulmuesi brazilian.

“Jemi vetëm tre pikё prapa Interit dhe gjithçka ёshtё e mundshme. Nё ndёrkohё, nё pjesën e parё tё sezoni, kemi dëshmuar se jemi kёtu dhe dёshirojmё ta kthejmë Juventusin sёrish nё mbretёreshёn e Italisё”, ka shtuar Amauri.

Roma refuzon ofertën e Realit për Vucinic

Roma e ka refuzuar ofertën prej 30 milionë dollarësh, të cilën e ka bërë Real Madridi për të fituar shërbimet e sulmuesit malazias, Mirko Vucinic.
“La Gazzetta Dello Sport” njofton se Giallorossët kanë pranuar disa oferta për sulmuesin e tyre, ndërsa i kanë refuzuar të gjitha. Oferta më e madhe ka ardhur nga Los Merengues, por edhe këtë verdhekuqtë e kanë refuzuar.

Vucinic ka qenë në formë të shkëlqyer edhe në Serie A edhe në Ligën e Kampionëve, ndërsa madrilenët vazhdimisht kanë trokitur në derën e Romës. Përkundër ofertës së madhe të tyre, drejtuesit e Romës kanë thënë se malazezi do të qëndrojë në Olimpico, së paku deri në qershor.

Buffon: Po të isha Kaka do të shkoja te City

Portieri i Juventusit, Gianluigi Buffon, ka dhënë një deklaratë bombastike duke thënë se po t’i bëhej atij një mega-ofertë e tillë siç iu bë yllit të Milanit, Kaka, ai do të shkonte në drejtim të Manchester Cityt.
“Unë do të isha larguar po të më bëhej një ofertë aq fantastike”, ka thënë portieri italian për “La Gazzetta Dello Sport” duke iu referuar ofertës së Cityt për Kaka.

Ai më tutje ka mohuar spekulimet e vazhdueshme për një largim të mundshëm nga Zonja e Vjetër, duke shtuar: “Për largimin tim është folur që kur isha 23 vjeçar, mirëpo unë jam një futbollist dhe di si t’i kalkuloj gjërat”.

Behrami shёnon nё fitoren e West Hamit

Valon Behrami ka shёnuar golin e parё nё fitoren 2-0 tё West Hamit ndaj ekipit tё divizionit tё tretё, Hartlepool, duke u kualifikuar kështu pёr nё rundin e pestё tё Kupёs FA.
Ekipi i trajnerit italian Gianfranco Zola kaloi nё epërsi tё merituar nё minutën e 44-tё, kur mesfushori Jack Collison gjeti nё zonё Valon Behramin, i cili nuk huqi.

Nuk zgjati shumё dhe gjyqtari akordoi penalti pёr prekje tё topit me dorё nё zonёn e reptёsisё nga mbrojtësi Michael Nelson, qё u shndërrua nё gol nga Mark Noble, edhe pse xhirimet treguan se prekja ishte jashtë zonës sё penaltisё.

Ballack i sjell fitoren Chelseat

Dy gola tё Michael Ballack dhe njё nga Frank Lamard i kanё sjellё fitoren prej 3-1 Chelseat ndaj Ipswich, nё ndeshjen e rundit tё katërt tё Kupёs FA.
Ballack hapi rezultatin pas 16 minutash pёr vendasit, para se mbrojtësi i Ipswich, Alex Bruce, tё barazojё 10 para fundit tё pjesё sё parё.

Por Chelsea vazhdoi me sulmet e furishme nё pjesën e dytё qё ishin tё pandalshme pёr mysafirёt.

Ballack risolli avantazhin pёr blutë me njё goditje tё bukur nga gjuajtja e lirё nё minutën e 58-tё. Rezultatin e vulosi Frank Lampard me njё tё bukur, po ashtu nga gjuajtja e lirё, pesё minuta para fundit tё ndeshjes.

United kalon në raundin e pestë të FA Cup

Ndeshja ndërmjet dy skuadrave më të suksesshme në FA Cup, Manchester United dhe Tottenham Hotspur, u ka takuar Djajve të Kuq të cilët kanë kaluar në raundin e pestë, duke shuar shpresat e Spursave që të fitojnë dy trofe radhazi.
Ndeshjen e hapi skuadra e Tottenhamit me anë të sulmuesit të vetëm Roman Pavlyuchenko, i cili pranoi një top nga Tom Huddlestone për ta mposhtur me kokë portierin Ben Foster. Pas këtij goli, Spursat u mbyllën në gjysmën e tyre dhe u munduan me vështirësi të madhe të mbroheshin nga kundërshtarët e tyre.

Golin e barazimit e shënoi Paul Scholes (35’), ndërsa menjëherë pas (36’), ishte pikërisht ish-lojtari i Tottenhamit, Dimitar Berbatov, i cili shënoi golin e fitores. Ndeshja u mbyll që në pjesën e parë sa i përket golave, pasi që në pjesën e dytë rrjetat heshtën.

Juventus kryeson në Serie A

Ndeshja kryesore e javës së njëzet në Serie A është zhvilluar të shtunën mbrëma në Stadio Olimpico të Torinos ku janë takuar Juventusi dhe Fiorentina. Bianconerët kanë arritur të fitojnë tre pikë të arta në këtë ndeshje të bukur dhe shumë të vështirë për t’u fituar, pasi kanë fituar kundër Violas me rezultat minimal prej 1-0.

Zonja e Vjetër zhvilloi një pjesë të parë shumë më të mirë se kundërshtari, megjithatë në raste të caktuara ka mundur të dënohet nga kundërsulmet e Violas.

Rastet e bardhezinjve u konkretizuan në minutën e 21-të, kur pas një superpasimi të kapitenit Alessandro Del Piero, Claudio Marchisio (i cili këtë mbrëmje luajti në vend të Momo Sissokos së suspenduar) e mposhti portierin Sebastian Frey.

Deri në fund të pjesës së parë u shpërdoruan disa raste nga të dyja anët, ndërsa vendasit ishin më dominues. Te Fiorentina vlen të përmendet një traversë, si dhe dy momente të dyshimta për një penallti dhe një pozitë jashtë loje.

Në pjesën e dytë nuk u shënuan gola, mirëpo u zhvillua një ndeshje shumë e bukur me shumë raste, por fatkeqësisht pa gola.

Fiorentina pati shumë raste për ta barazuar rezultatin, mirëpo lojtarët me fanellat vjollcë nuk arritën ta kalonin portierin më të mirë në botë, Gigi Buffon, i cili i përkujtoi të gjithë se është kthyer në portën e Juves.

Nga ana tjetër, edhe te Bianconerët nuk munguan rastet, por edhe ata nuk u treguan të vendosur para portës së Sebastian Freyt.

Me këtë fitore, Juventus barazohet me pikë me Interin, ndërsa për shkak të golaverazhit më të mirë kalon në pozitën e parë në tabelë. Rikujtojmë që Zikaltrit të dielën do ta zhvillojnë ndeshjen e javës së njëzet kundër Sampdorias në Giuseppe Meazza, por do të jenë të hendikepuar pasi do të luajnë pa sulmuesin kryesor, Zlatan Ibrahimovic, i cili është i suspenduar.

Ferguson personi mё me influencё nё sportin britanik

Menaxheri i Manchester United, Sir Alex Ferguson, ёshtё personi mё me influencё nё sportin britanik, sipas njё liste tё publikuar nga gazeta Times.
Skocezi ka kryesuar nё listёn e 100 personave mё tё fuqishëm tё sportit, duke u gjendur para kryetarit tё olimpiadës Londra 2012, Lord Sebastian Coe, dhe pronarit tё Manchester Cityt, Sheikut Mansour.

Fergusoni iu bashkua klubit tё Manchesterit nё vitin 1986 dhe ka mbetur nё Old Trafford deri mё sot, duke fituar mё shumё trofe se gjithkush tjetër nё futbollin britanik.

“Ai i ka dhёnё kuptim jetёs tonё sportive pёr dekada, pёr tё qenё edhe kryesues i tё zgjedhurve tonё”, ka shkruar Times.

Vazhdon marshi blaugran

Skuadra e Barcelonës i është hakmarrë të vetmes skuadër e cila e ka mposhtur këtë edicion, asaj të Numacias, duke e mposhtur në Camp Nou me rezultat 4-1.
Pjesa e parë e takimit ishte e plogësht sa i përket golave, pasi rrjetat heshtën në të dyja anët, por kështu nuk ndodhi në pjesën e dytë.

Në minutat e para të pjesës së dytë (49’), pas një depërtimi të Alves, superylli argjentinas Lionel Messi vetëm e preku topin lehtë sa për ta devijuar në rrjet duke hapur serinë e golave.

Vendasit dyfishuan epërsinë pas katër minutash (53’), këtë radhë ishte Samuel Eto’o lojtari i cili e mposhti portierin Juan Pablo. Në të dy rastet e golave, lojtarët e Barcës u gjetën në pozicione të dyshimta, sidomos Alves kur e pranoi topin.

Mysafirët ngushtuan epërsinë në 2-1 me një gol të Javier Barkeros (61’) të shënuar nga gjuajtja e lirë.

Në njëzet minutat të fundit të takimit (71’), Thierry Henry riktheu avantazhin e dyfishtë të katalunasve duke shënuar golin e tretë, pasi Messi e grumbulloi ‘gjithë’ skuadrën e Numancias rreth tij dhe pasoi te francezi, i cili nuk hezitoi të shënonte.

Lojtari më i mirë në botë këtë sezon, Lionel Messi, shënoi golin e dytë personal dhe të katërtin për Barcën, pasi në stilin e tij kaloi gjithë mbrojtjen kundërshtare (76’).

Argjentinasi nuk pati fatin ta kompletonte hat-trickun e tij, pasi në minutën e 87-të traversa ia mohoi golin.

Me këtë fitore Barcelona shmanget në pesëmbëdhjetë pikë diferencë nga përcjellësit e saj, Real Madrid dhe Sevilla, të cilët të dielën zhvillojnë ndeshjet e javës së njëzet kundër Deportivo La Corunas dhe Racing Santanderit, respektivisht.

Van Persie dëshiron rritje të pagës

Sulmuesi i Arsenalit, Robin van Persie do të kërkojë 80.000 funte (85.000 euro) në javë në momentin e vazhdimit të kontratës së tij, njofton “News of the World”.
Në nëntor të vitit që shkoi Topçinjtë filluan bisedimet me yllin e tyre për zgjatjen e kontratës deri në vitin 2013, dhe holandezi ishte pajtuar që të fitonte nga 65.000 funte (69.000 euro) në javë, mirëpo bisedimet ishin ndërprerë për shkak se skuadra kishte bërë një riorganizim. Ndërsa tani pritet që Van Persie të kërkojë më shumë para për shërbimet e tij.

25-vjeçari ka qenë në formë të shkëlqyer këtë sezon duke shënuar 12 gola dhe dhjetë asiste në të gjitha garat. Mungesa e Cesc Fabregas e ka bërë atë njeriun kryesor të skuadrës, prandaj meriton të trajtohet si i tillë edhe në aspektin financiar.