Lajmet më të reja nga ekonomia dhe biznesi

Kosovë dhe Maqedonia synohet hidorcentral me liqe akumulimi

Sot në Ministrinë e Ekonomisë të Republikës së Maqedonisë në Shkup është mbajt takimi mes Ministres të Energjisë dhe Minierave të Kosovës, Justina Shiroka-Pula, dhe Ministrit te Ekonomisë se Maqedonisë, Fatmir Besimi

Gjatë këtij takimi, Ministri Besimi dhe Ministrja Pula paraqiten ekspozetë e tyre dhe problematikat e punës dhe aktiviteteve të ministrisë që ata drejtojnë.

Ministrja vuri theksin në nevojën për institucionalizim e një bashkëpunimi të gjërë me interes reciprok për të dy vendet, duke propozuar kështu që në një periudhe të afërt të ketë një marrëveshje dypalëshe bashkëpunimi ndërshtetëror në nivel tëe dy ministrive përkatëse për sektorin energjetik, propozim të cilin Ministri Besimi e priti me kënaqësi.

Ministrja Pula i paraqiti Ministrit Besimi edhe një propozim për përmbajtjen e kësaj marrëveshje.

“Kemi edhe iniciativa për projekte të përbashkëta në hidroenergji, konkretisht
për një hidrocentral me një liqe akumulimi të përbashkët. Për këtë projekt që tani është në fazën e identifikimit të potencialit të mundshëm hidrik do të themelojmë grup të përbashkët punues për avancimin e kësaj iniciative”.

Në anën tjetër, Ministri Besimi, shprehu gatishmërinë e tij si ministër për të shtuar ndjeshëm bashkëpunimin dhe shkëmbimet midis Maqedonisë dhe Kosovës në fushën e energjisë. Ai ofroi gatishmërinë e ministrisë qe ai drejton për të vënë në dispozicion të MEM-it eksperiencën e Maqedonisë ne reformimin e sektorit energjetik dhe tërheqjen e investimeve private.

Ndër çështjet kryesore të diskutuara ne takim ishin ato lidhur me ecurinë e reformave të sektorit energjetik në secilin vend dhe nevoja për shkëmbim te ndërsjelle me të shtuara të informacionit dhe eksperiencës, ecuria e procesit të angazhimit të sektorit privat me investime ne këtë sektor, zhvillimi i mëtejshëm i lidhjeve interkonektuese të energjisë elektrike midis dy vendeve, si dhe shtimi i bashkëpunimit sa i përket përshpejtimit të procesit të integrimeve Evropiane dhe plotësimit sa më të mirë të obligimeve që rrjedhin nga Traktati për Komunitetin e Energjisë.

Në takim u diskutua edhe për fushën e burimeve te ripërtëritshme të energjisë dhe efiçiencen e energjisë mund të bashkëpunojmë, sepse pak a shume i kemi të ngjashme problemet, por edhe qasjen për trajtimin e tyre.

Në përfundim të takimit u ra dakord që sapo të arrihet marrëveshja e bashkëpunimit midis dy vendeve për sektorin e energjisë, të aktivizohen edhe grupet teknike punuese për zbatimin me sukses të saj. /Telegrafi/

Kriza globale, humbje që kapin 50 trilion dollarë

Presidenti i bankës, Haruhiko Kuroda tha dje se kriza e tanishme është më seriozja që ka parë bota që nga Depresioni i Madh. Zoti Kuroda beson se Azia do të jetë një ndër rajonet e para që do të dalin nga kriza dhe do të jetë më e fortë se më parë.

Një tjetër notë alarmi u dha nga investuesi miliarder Uoren Bafit, i cili tha se ekonomia amerikane ka rënë në humnerë. Zoti Bafit i bëri thirrje Kongresit amerikan të bashkohet rreth Presidentit Barak Obama, duke e krahasuar krizën e tanishme me një konflikt ushtarak që ka nevojë për një komandant suprem.

Por kreu i Bankës Qendrore Europiane, Zhan Klod Trishe dha një vlerësim më optimist. Ai tha se shikon shenja që ekonomia globale po i afrohet pikës ku mund të fillojë ngritja.

Trishe tha se investitorët skeptikë nuk po u kushtojnë rëndësinë e duhur ndryshimeve që mund t’i japin shtytje aktivitetit ekonomik, si për shembull rënia e çmimeve të mallrave të konsumit, paketa qeveritare e stimulimit dhe shkurtimet e shumta të interesit.

Nga ana e saj, Banka Botërore thotë se ekonomia botërore mund të tkurret në vitin 2009, për herë të parë që nga Lufta e Dytë Botërore.

Në një studim të publikuar të dielën, Banka tha po ashtu se pritet që tregtia botërore të pësojë rënien më të madhe në 80 vjetët e fundit. /voa/

Wall Street mbyllet në rënie

Mbyllen në terren negativ kontraktimet e mbrëmshme në bursën e New York-ut. Treguesi “Dow Jones” ka rënë me 1.21 për qind duke shkuar në 6547.05 pikë.

Me keq ka rezultuar për “Nasdaq” i cili ka arritur nivelin me të ulët që prej 2002-shit, duke humbur 1.95 për qind në kuotën e 1268.64 pikëve.

Në rënie ka qenë edhe “S&P500” që ka humbur 6.85 për qind duke u vlerësuar me 676.53 pikë.

Në bursën e valutave, në New York, një euro është shkëmbyer me 1.2598 dollarë.

FMN: Ekonomia globale, në recesionin e madh

Ekonomia botërore po hyn ne atë që quhet recesioni i madh, paralajmëron Fondi Monetar Ndërkombëtar (FMN). Për herë të parë që nga fundi i Luftës së Dytë do të shënohet rënie e Prodhimit të Brendshëm Bruto në nivel global.

Lajmin e ka bërë të ditur drejtori i përgjithshëm i FMN-së, Dominique Strauss-Kahn, gjatë një fjalimi në Dar es Salaam të Tanzanise.

Aty janë mbledhur ministrat e Financave dhe guvernatorët e bankave qendrore të 53 vendeve afrikane, për gjetjen e strategjisë antikrizë për kontinentin.

“Bota ka hyre në recesion”, ka thënë Strauss-Kahn. Sipas tij, FMN pret që rritja ekonomike të zvogëlohet nën zero këtë vit, ç’ka përbën edhe situatën më të vështirë.

“Përkeqësimi i situatës financiare globale, e kombinuar me rënien e konsumeve dhe të besimit tek ndërmarrjet, kanë ulur kërkesën globale.

FMN paralajmëron edhe se bankat rrezikojnë të përballen me humbje të tjera, pasi nuk janë zbuluar ende të gjitha aktivitetet që ndodhen në rrezik. Shume vende, mes të cilave ato anëtare të BE-së, kanë kërkuar dyfishimin e fondit të FMN-së për krizën, duke e rritur nga 250 me 500 miliardë dollarë. /tch/

KEK hedh poshtë akuzat për diskriminimin e serbëve

Korporata Energjetike e Kosovës hodhi poshtë dje akuzat e përfaqësuesve të komunitetit serb për diskriminim etnik gjatë furnizimit me energji elektrike.

Akuzat u bënë pas protestave të banorëve serbë në rajonin e Gjilanit, që për ditë me radhë janë pa energji elektrike.

Zyrtarë të Korporatës Energjetike thanë se mungesa e energjisë është pasojë e defekteve dhe është politikë e kësaj korporate që të mos riparohen ato nëse nuk paguhen faturat e energjisë elektrike.

Njësoj, thonë ata, është duke u vepruar edhe në zona me shumicë shqiptare.

Nga protestat e dy ditëve më parë pati përleshje mes protestuesve dhe policisë, ku si pasojë dhjetra protestues morën plagë të lehta, kurse 5 policë përfunduan në spital.

Rënie e inflacionit në Shqipëri

Inflacioni në Shqipëri në muajin shkurt paraqiste 1,9 për qind, duke vërejtur rënie për 1,7 për qind në krahasim me muajin e njëjtë të vitit 2008, tregojnë të dhënat e shërbimit shtetëror statistikor shqiptar, transmetojnë gazetat e sotme në Tiranë.

Punonjësit shqiptarë të statistikave, megjithatë, paralajmërojnë se edhe krahas kësaj rënie të inflacionit, jeta në vend është më e shtrenjtë, sepse në muajin shkurt çmimet e produkteve ushqimore janë rritur për 1,6 për qind në krahasim me janarin e vitit 2009.

Vlerësimi është se rritja e çmimeve është mbi nivelin normal dhe se fuqia blerëse e shqiptarëve është pakësuar.

Në Shqipëri po ndodh mu e kundërta nga vendet e tjera, në të cilat fuqia e pakësuar blerëse për shkak të krizës ekonomike çon deri te zbritja e çmimeve, mendojnë punonjësit e statistikave në Tiranë. /mia/

Prodhimet bujqësore nga Kosova kanë gjasa të mira të depërtojnë në tregun evropian

Shembull për këtë është eksporti i firmës “Etlinger” nga Shtimja, e cila ka etabluar një bashkëpunim të mirë me firmën austriake Kolm Pfluger. Në një intervistë për shtypin austriak, pronari i sipërmarrjes që ka vendosur bashkëpunim me firmën kosovare shprehet tejet i kënaqur me cilësinë e prodhimeve bujqësore nga Kosova.

Është viti i dytë që firma austriake për konservimin e perimeve Kolm Pfluger ka vendosur një bashkëpunim të mirë me sipërmarrjen private për prodhimin e perimeve “Etlinger” nga Shtimja. Revista austriake për ekonomi “Wirtshafts Blat”, në një artikull kushtuar këtij bashkëpunimi, citon pronarin e firmës austriake të jetë shprehur i kënaqur dhe tejet i befasuar për të mirë, për cilësinë e prodhimeve bujqësore nga Kosova.

“Po funksionon për mrekulli, jam i befasuar pozitivisht”, ka thënë për gazetën “Wirtschafts Blat” sipërmarrësi austriak Peter Pfluger. Megjithatë, ai përmend se partnerit të tij nga Kosova, ndërprerja e energjisë elektrike po i shkakton vazhdimisht vështirësi në serra për prodhimin e perimeve. Pa një agregat të vetin partneri im në Kosova nuk do të kishte sukses.

Pronari i firmës austriake rrëfen për shtypin austriak se si firma kosovare nga Shtimja “Elniger” po arrin të marrë tri të korra në serrat e veta në Shtimje. Në vitin 2008 pronari austriak kishte vendosur bashkëpunimin me firmën “Elinger” nga Shtimja. Ai i kishte vënë në dispozicion fermës bujqësore në Shtime farat për speca, tranguj dhe feferona.

Kështu Brenda një viti firma austriake ka importuar nga Kosova, konkretisht nga firma “Elinger” e Shtimjes 60 mijë kavanoza me feferonë, 50 mijë kavanoza speca dhe 20 mijë syresh me tranguj.

Projekti ishte mbështetur edhe nga agjencia austriake për zhvillim.

Duke parë zellin dhe përfitimin nga ky bashkëpunim firma austriake tani ka investuar edhe 100 mijë euro për ndërtimin e një serre të re.

“Në Kosovë klimë është shumë më e ngrohtë se në Austri, prandaj janë të mundura tri të korra në vit”, thotë Pfluger - pronar i kompanisë austriake e cila po importon prodhimet bujqësore kosovare.

Firma austriake duke parë cilësinë e prodhimeve bujqësore po planifikon që së shpejti të zëvendësojë importin e perimeve nga vendet lindjes me importet bujqësore nga Kosova.

Vetëm Brenda një viti bashkëpunimi me firmën kosovare, Kolm Pfluger ka rritur fitimin nga 1.6 milionë, në 2 milionë euro. /rtk/

Bursat në Azi shënojnë rritje

Aksionet në bursat aziatike janë rritur, kurse vetëm në Japoni shënuan rritje për 4%.

Rritja e tregjeve në Azi pasoi rritjen në Wall Street.

Vlera e akcioneve filloi të rritet pas njoftimit të befasishëm të gjigantit bankar amerikan City Group se në janar dhe shkurt ka punuar me profit, duke bërë që ky tremujor të jetë më i miri që nga tremujori i tretë i vitit 2007. /rel/

Madoff mund të dënohet deri ne 150 vjet burg

Prokurorët federalë publikuan dje 11 akuzat kundër tij gjatë një séance dëgjimore në Nju Jork.

Prokurorët e akuzojnë zotin Madoff se nga vitet 80 e deri në arrestimin e tij në dhjetor të vitit të kaluar, ai përdori një skemë për t’i grabitur klientët duke u marrë atyre miliarda dollarë nën pretendime të rreme.

Ata thonë se financieri i Uoll Stritit operonte një skemë piramidale gjigante përmes së cilës përvetësoheshin paratë e klientëve ndërkohë që u jepte atyre përshtypjen se ky ishte një biznes i ligjshëm.

Prokurori Lev Dassin tha se "përmasat e mashtrimit të zotit Madoff janë të papara.”

Avokati i zotit Madoff tha se se pret që të enjten, klienti i tij ta pranojë fajësinë që lidhet me akuzat për mashtrim, shkelje të betimit para gjykatës dhe pastrim parash. /voa/

Teheran: Filloi samiti ekonomik i rajonit

Në kryeqytetin e Iranit u hap samiti i Organizatës për Bashkëpunim Ekonomik, që do të diskutojë krizën financiare globale.

Në fjalimin e hapjes, presidenti i Iranit, Mahmud Ahmadinejad i akuzoi Shtetet e Bashkuara dhe fuqitë tjera botërore për krijimin e një rendi ekonomik "të padrejtë", i cili sipas zij, ka nxitur krizën finansiare globale.

Grupi u formua në vitin 1985 nga Irani, Pakistani, Azerbejxhani, Taxhikistani, Turkmenistani, Kazakistani, Kirgistani, kurse më vonë iu bashkangjit edhe Uzbekistani. /rel/

Fillon panairi i Berlinit, duartrokitet pjesëmarrja e Kosovës

Vet presidenti i njërit prej panaireve më të mëdha në botë, të turizmit Messe Berlin, Riaumn Hosch, ka përshëndetur praninë e Kosovës për herë të parë në këtë panairi ndërsa është duartrokitur nga përfaqësuesit e 187 shteteve pjesëmarrëse.

“Është nder për ne që çdo metër i panairit është i mbushur me prezencën e shteteve de kompanive. Po ashtu është e veçantë ta prezantojmë që edhe Republika e Kosovës përfaqësohet në këtë panair”, ka deklaruar në ceremoninë madhështore të hapjes së panairit Raiumn Hosch, president i Messe Berlin.

Kjo përshëndetje është vlerësuar nga ana e ambasadorit të Kosovës në Berlin, Vilson Mirdita.

Sipas tij, ishte një ndjenjë e veçantë përshëndetja nga ana e presidentit të panairit të Berlinit, sepse janë më shumë se 187 shtete pjesëmarrës.

“Ishte një arenë shumë e mirë ta përfaqësojmë Kosovën përmes turizmit de kulturës“, tha Mirdita.

Gjatë ditë së sotme ambasadori Mirdita do të mbajë një konferencë për shtyp së bashku më zëvendësministrin e Tregtisë dhe Industrisë, pasi ka një kërkesë të madhe të medieve gjermane.

Ndërsa ditën e premte do të ketë një takim me ministrinë e Ekonomisë së Republikës Federale Gjermane.

Kosova në këtë panair përfaqësohet në një stendë me hapësirë prej 20 metrash katrorë, ku së bashku me ministrinë e Tregtisë dhe Industrisë, janë edhe 20 agjenci turistike përfshirë dhe Aeroportin Ndërkombëtar të Prishtinës.

Agron Mustafa, drejtor menaxhues ne ANP, pohoi se panairi Ndërkombëtar i Turizmit që po mbahet këto ditë në Berlin, është një mundësi e mirë për të promovuar kompaninë që ai drejton.

“Aeroporti Ndërkombëtar i Prishtinës së bashku me zyrtarët tjerë që përfaqësojnë republikën e Kosovës, marrin pjesë për herë të parë së bashku me 187 shtete tjera në këtë panair ndërkombëtar të turizmit”.

Sipas Mustafës, ky panair paraqet një vend shumë të mirë për të promovuar aktivitetet dhe mundësitë e ANP-së në përkrahjen e zhvillimit të turizmit në Kosovë.

“ANP-ja është ura lidhëse më e shpejtë në mes Kosovës dhe botës”, tha Mustafa.

Ndërkaq pronari i kompanisë “Eurokoha”, Remzi Ejupi, tha se është shumë me rëndësi që Kosova merr pjesë në këtë panair.

“Kosova për herë të parë merr pjesë si shtet dhe është pritur shumë mirë dhe ka peshë të madhe si politikisht ashtu edhe nga ana e marketingut. Besoj që djemtë që janë marrë me këtë kanë bërë një pjesë të madhe për një kohë të shkurtë dhe viteve të ardhshme do të jetë edhe më e mirë”.

Sipas tij, Kosova ka potenciale sidomos për zhvillimin e turizmit natyral-malor, i cili mungon në shumë vende dhe mund të përfaqësohet në këtë drejtim. /Telegrafi/

Obama kërkon masa më të ashpra ekonomike

Presidenti amerikan, Barak Obama, u ka bërë thirrje aleatëve ndërkombëtarë për ndërmarrjen e masave më të ashpra ndaj krizës ekonomike.

Obama pas takimit me Ministrin e Financave, Timoti Gajtner, ka deklaruar se përpjekjet amerikane për përfundimin e recesionit nuk mund të kenë sukses pa një koordinim ndërkombëtar.

"Ne mund të bëjmë punë të shkëlqyeshme në shtëpi me masat që do t'i ndërmarrim, por nëse vazhdon përkeqësimi i ekonomisë botërore, kjo do të sjellë mossuksesin", ka thënë Obama.

Këtë javë Sekretari amerikan i Ekonomisë, Gajtner do të bisedojë në Londër me ministrat e Grupit 20 në prag të samitit për ekonominë botërore, i cili do të mbahet me 2 prill.

Gjendja e sistemit bankar mund të përkeqësohet më tej

Tregues të tjerë paralajmërues venë në dukje se gjendja e sistemit bankar mund të përkeqësohet më tej. Sipas një raporti humbjet e bankave mund të kapin nivele të papara në 80 vjetët e fundit.

Gjigandi bankar zviceran UBS tha se vitin e kaluar ka pësuar humbje më të mëdha se sa kishte parashikuar dhe se rreziqet edhe për këtë vit janë të larta, për shkak të ekspozimit ndaj investimeve të këqija.

Banka USB thotë tani se gjatë 2008 humbi 18 miliardë dollarë, shifra më e lartë kjo për një firmë zvicerane.

Ndërkohë sipas një raporti të Bankës Gjermane, shumë banka të tjera janë ende në rrezik për shkak të huave të këqija.

Bursat në shumë vende u ngritën dje pas njoftimit të bankës amerikane Citigroup, se deri tani, për 2009, ajo ka dalë me fitime.

Citigroup, banka më e madhe në botë, ishte goditur rëndë nga kriza ekonomike. Kjo bankë ka marrë 45 miliardë dollarë borxhe nga paketa stimuluese e qeverisë amerikane. /woa/

Numri i amerikanëve që po humbasin shtëpitë, në rritje

Sipas shifrave të një firme informacioni për shit-blerjet e pasurive të patundshme, numri i shtëpive që i janë kthyer në pronësi bankave u rrit 67 përqind në shkurt, krahasuar me një muaj më parë.

Raporti thotë gjithashtu se pati 121 mijë e 756 shtëpi që u konfiskuan nga bankat muajin e kaluar, numri më i madh ky, që kur filloi kriza financiare.

Muajin e kaluar presidenti Barak Obama bëri të njohur një plan prej 75 miliardë dollarësh për të ndihmuar gati 9 milionë amerikanë që nuk i përballonin dot pagesat mujore. Disa pronarë po përfitojnë nga interesat e ulta të huave të shtëpive.

Një grup i kësaj industrie, Shoqata e Bankave të Huave thotë se kërkesat për kredi u rritën 11 përqind javën e kaluar, pjesërisht për shkak të rritjes së numrit të amerikanëve që po rifinancojnë huatë e mëparshme me interesa më të ulta.

Bil Geits është sërish njeriu më i pasur në botë

Bashkëthemeluesi i "Mikrosoft" Bil Geits u kthye në vendin e parë të listës vjetore të revistës "Forbs" të njerëzve më të pasur në botë, ndërsa "guruto" për investime Uoren Bafet dhe magnati meksinan i telekomunikimeve Karlos Slim humbën nga 25 miliardë dollarë, transmetuan agjencitë.

Në krizën botërore e cila vitin e kaluar i kaploi tregjet financiare Geits humbi vetëm 18 miliardë dollarë dhe tani ka 40 miliardë dollarë. Bafet ka 37 miliardë, ndërsa Slim - 35 miliardë dollarë.

Kriza financiare u pasqyrua keq mbi klubin botëror të miliarderëve. Dhjetë njerëzit më të pasur në planetë humbën gjithsej 238 miliardë dollarë - kjo është më shumë nga BPV-ja e Irlandës dhe Izraelit.

Numri i përgjithshëm i miliarderëve në listën për vitin 2008 u zvogëlua në 793 persona në krahasim me 1.125 nga viti i kaluar. Pasuria e tyre e përgjithshme tani arrin 2,4 trilinonë dollarë, ndërsa një vit më parë arrinte 4,4 triliionë.

Miliarderi mesatar tani ka tre miliardë dollarë, ndërsa në vitin 2007 ka pasur 3,9 miliardë.

Vitin e kaluar më shumë kapital humbi indiani Anil Ambani, i cili nga 31,9 miliardë dollarë tani u mbeti me 10,1 miliardë. Bashkëkombasi i tij Lakshim Mital gjithashtu ka humbje serioze, sepse nga 25,7 miliardë dollarë tani mbeti me 19,3 miliardë.

Më të goditur nga kriza janë miliarderët në Rusi dhe Kinë, duke u lejuar amerikanëve sërish të dominojnë në listën me 10 nga 20 vendet e para.

Nju-Jorku e zëvendësoi Moskën si qytet me më shumë miliarderë në listë - 55 persona, i pasuar nga Londra me 28. Moska është e treta me 27 miliarderë.

Nafta rritet në 43 dollarë

Çmimi i një fuçie nafte te papërpunuar për dërgesat e prillit të enjten në mëngjes është rritur për 1.94 për qind, në 43.15 dollarë.

Çmimi i naftës është rritur pasi që tregtarët kanë thënë së çmimi i naftës do të ketë ulje, ndërkaq spekulohet së OPEC-u përsëri do ta reduktoj sasinë e naftës së prodhuar. Të mërkurën çmimi i një fuçie nafte ka rënë për 7.39 për qind, në 42.33 dollarë amerikane

PTK minimizon shpenzimet operacionale
Me qëllim të minimizimit të shpenzimeve operacionale të kompanisë, kryeshefi ekzekutiv i PTK sh.a., Shyqyri Haxha ka sjellë një vendim për përdorimin e automjeteve zyrtare, i cili mbështetet në Ligjin për Ndërmarrjet Publike. Me këtë veprim, siç theksohet në një komunikatë të kësaj kompanie, synohet që të ulen shpenzimet enorme, e të panevojshme, të cilat janë bërë deri me tani.

Gjithashtu, vendimi pritet që të sjellë një ulje të shpenzimeve të korporatës, në vlerën vjetore prej 1 milion eurosh, në të cilën përfshihen shpenzimet si karburantet, mirëmbajtje dhe servisimi i veturave.

Kësisoj, ndalohet përdorimi i automjeteve zyrtare të PTK Sh.a., për të gjithë punonjësit e PTK sh.a., jashtë orarit të punës dhe gjatë vikendeve. Përdorimi i automjeteve zyrtare te PTK sh.a, jashtë orarit te punës dhe gjatë vikendeve, bazuar në vendimin e lëshuar, u lejohet vetëm drejtorëve të njësive të biznesit, shefave të operativës dhe stafit menaxherial të kryeshefit ekzekutiv të korporatës.

Po ashtu, përdorimi i automjeteve zyrtare jashtë orarit të punës u lejohet punonjësve përgjegjës për mirëmbajtjen e gjeneratorëve dhe rrjetit, stacioneve bazë të transmetimit (BTS) dhe kujdestarisë.

“Kjo formë e re e shfrytëzimit të automjeteve zyrtare, ofron menaxhim më të mirë të aseteve, përmbushjen e nevojave, detyrave dhe operacioneve të Njësive të caktuara të PTK-së, si dhe shfrytëzimin racional të aseteve dhe resurseve të kompanisë”, theksohet më tej.

“Duke vepruar në këtë mënyrë KE i PTK Sh.a., mëton të respektojë strategjinë operacionale dhe të kontribuojë në ngritjen e vlerës së korporatës”, përfundon komunikata.

Thaçi, gati ligji për pensionet
Kryeministri Hashim Thaçi tha sot se së shpejti qeveria do ta finalizojë Projektligjin për pensionet. Ai i bërë komentet në fillim të seancës së sotme të Kuvendit të Kosovës, duke u përgjigjur në pyetje të deputetëve.

Gjatë seancës, Kryeministri Hashim Thaçi shprehu angazhimin e Qeverisë që Ligji për pensionet të përfundojë sa më shpejt. Në përgjigje të pyetjeve parlamentare në Kuvendin e Kosovës, kryeministri tha se Ligji për pensionistët e Kosovës është duke u përgatitur dhe së shpejti do të t’i dorëzohet Zyrës së kryeministrit për shqyrtim.

Në debatin e sotëm në Kuvend u diskutua edhe për procesin e privatizimit, gjegjësisht pjesëmarrjen e vogël të diasporës në privatizimin e ndërmarrjeve në vend.

Ish kreu i AKM, aktualisht ministër i Financave, Ahmet Shala, mohoi këto pohime duke thënë se pjesëmarrja e diasporës ka qenë e madhe, veçanërisht në ndërmarrjet e mëdha të privatizuara.

Kriza zvogëloi numrin e miliarderëve rusë
Në sondazhin më të fundit të revistës "Forbes" thuhet se Rusia i ka humbur dy të tretat e miliarderëve për shkak të krizës globale finansiare, dhe se Moska tash nuk është qendra e miliarderëve.

"Forbes" tha se në Moskë tash jetojnë 32 miliarderë nga 87 sa ishin në vitin 2008.

Rënie e dukshme e numrit të miliarderëve është shënuar edhe në Indi dhe Turqi

FMN: Parashikimet mbi ekonominë po përkeqësohen
Zëdhënësi i Fondit Monetar Ndërkombëtar, David Hawley ka deklaruar se parashikimet globale mbi ekonominë po vijnë duke u përkeqësuar.

“Për këtë arsye, për herë të parë që nga Lufta e Dytë Botërore, rritja ekonomike botërore mund të jetë nën zero”, ka saktësuar Hawley.

Zëdhënësi nuk ka dashur të komentojë të dhënat e publikuara së fundmi nga institucionet e tjera, por ka shtuar se të dhënat e reja të FMN-së do të paraqiten në muajin prill.

Financieri Bernard Madoff u deklarua fajtor
Financieri amerikan Bernard Madoff është deklaruar fajtor për 11 pikat e aktakuzës se ka operuar një skemë mashtruese në vlerë prej 50 miliardë dollarëve.

Madoff e drejtonte skemën, në të cilën investitorët paguheshin nga paratë e klientëve të rinj.

Prokurorët kanë kërkuar që ai të dënohet me 150 vjet burg.

Barroso: Kriza do të rrisë ndjeshëm papunësinë
“Kriza po godet gjithmonë e më shumë qytetarët evropiane”. Kështu ka deklaruar presidenti i Komisionit Evropian, Jose Manuel Barroso, i cili ka paralajmëruar se papunësia do të rritet.

“Parashikohet që papunësia të vijë në rritje dhe që në vitin 2009 të ngjitet në 10%, shumë më tepër krahasuar me parashikimet e fundit”, ka deklaruar Barroso.

Ai ka shtuar se në samitin e liderëve të BE-së mbi punësimin, që do të mbahet me 7 maj në Pragë duhet të dilet me strategji dhe zgjidhje të reja për të kufizuar sa më shumë impaktin social të krizës.

Feith i shqetësuar për emërimet në ndërmarrjet publike
Zyra Ndërkombëtare Civile, që udhëhiqet nga Pieter Feith, është e shqetësuar për emërimet e anëtarëve në bordet e ndërmarrjeve publike, veçanërisht në Korporatën Energjetike të Kosovës si dhe në Postën dhe Telekomin e Kosovës.

Ndonëse, anëtarët e bordeve janë emëruar nga Qeveria më 30 dhjetor të vitit të kaluar, kjo e fundit deri tash nuk e ka informuar ICO-në nëse njerëzit që janë vendosur në borde kanë bagazh të duhur profesional. Dhe ka qenë Pieter Feith që gjatë kësaj jave i ka kërkuar kryeministrit Hashim Thaçi më shumë informacione për anëtarët e bordeve, ka thënë drejtori i komunikimeve në ICO, Andy McGuffie, në një intervistë për Kohavisionin.

“Qeveria ka thënë se do të na japin informacionet sa më shpejt që të munden. E di që përfaqësuesi civil ndërkombëtar e ka ngritur këtë çështje me kryeministrin përmes kontakteve normale gjatë kësaj jave. Kështu që kemi besim se Qeveria do të na japë këto informacione”, ka deklaruar McGuffie.

Sipas tij, bordet do të rishikohen nga Zyra Ndërkombëtare Civile dhe më pas të dhënat do t’i dërgohen edhe Grupit Ndërkombëtar Drejtues, të cilit Feith i jep llogari.

“PTK-ja dhe KEK-u zyrtarisht i kanë caktuar bordet dhe Qeveria ka bërë emërimin për këto borde. ICO-ja i ka disa shqetësime për këto emërime. Ne kemi kërkuar më shumë informacione për emërimet. Qeveria është pajtuar se do të na japë ato informacione. Ne duhet t’i shikojmë ato në mënyrë ICO-ja t’i dorëzojë ato të dhëna tek Grupi Ndërkombëtar Drejtues dhe për të siguruar që parimet e qeverisjes së mirë janë zbatuar. Kjo nënkupton që njerëzit me kualifikim të duhur të vendosen në këto borde”, tha ai .

Nga ana tjetër, zëdhënësi i Qeverisë, Memli Krasniqi, ka premtuar se gjatë kësaj jave Zyra e Feithit do t’i ketë të gjitha informatat për anëtarët e bordeve e ndërmarrjeve publike. Opozita dhe shoqëria civile vazhdimisht kanë kritikuar ekzekutivin për anëtarët e bordeve të këtyre ndërmarrjeve, duke thënë se aty janë vendosur njerëz të partive politike pa kualifikime të duhura profesionale.

Kina pret rimëkëmbje globale në 2010
Kryeministri kinez Wen Jiabao thotë se ekonomia e Kinës dhe botës do të jetë më mirë nga 2010-ta.

Por ai u tha gazetarëve se Kina është e gatshme që të njoftojë masa të reja stimuluese nëqoftëse do të ketë nevojë për të luftuar vështirësi edhe më të mëdha ekonomike se sa këto aktuale.

Wen tha se vetëbesimi ka më shumë vlerë se sa ari ndërsa po mundohej të siguronte vendin dhe botën se qeveria e tij po bënte sa duhej për të përballuar krizën globale ekonomike.

Duke folur në fund të takimit 9 ditor të parlamentit kinez, ai tha se Pekini kishte "municion të mjaftueshëm" për të mbështetur paketën stimuluese ekonomike me vlerë prej 580 miliarda dollarësh nëqoftëse kjo do të ishte e domosdoshme.

Por ai gjithashtu tha se ishte pak i shqetësuar rreth investimeve masive të Kinës në bono të thesarit amerikan dhe i bëri thirrje Amerikës që të ruante kredibilitetin e saj.

Japoni, qeveria plan stimulues për ekonominë
Qeveria japoneze ka bërë gati një paketë stimuluese për ekonominë vendase brenda muajit prill. Ajo ka vendosur t’u ofrojë 1,2 miliardë dollarë tre bankave rajonale.

"Jemi pro kësaj ideje. Përpjekjet e çdo vendi për të mbështetur ekonominë e vet do të ndihmojnë ekonominë globale dhe do të çojnë në sigurimin e një sistemi të qëndrueshëm financiar”, tha ministri i Financave, Kaoru Yosano përpara nisjes për në samitin e G20 në Londër.

Ministrat e Financave dhe krerë të bankave qendrore do të takohen pranë Brightonit sot dhe nesër për të diskutuar rreth hapave që do të ndërmarrin për përballimin e krizës me të rëndë që pas Depresionit të Madh, ndërsa liderët e G20 do të takohen në 2 prill në Londër.

Obama: Jo, proteksionizmit
Presidenti amerikan Barack Obama në një takim me biznesmenët në prag të samitit të G20 ka bërë thirrje që asnjë vend të mos ndërmarrë politika proteksionizmi. Ai tha se G20 duhet të dalë me një deklaratë të fortë kundër këtij fenomeni.

“Deri tani po shoh disa veprime për të mbajtur linjat proteksioniste, por duhet të punojmë për këtë”, u shpreh Obama.

Një takim në jug të Anglisë do të paraprijë samitin e G20 që do të zhvillohet në prill.

Franca dhe Gjermania thanë se nuk do të përkulen para kërkesave të SHBA-së.

Rritet vlera e depozitave bankare në Shqipëri
Qeveria e Shqipërisë e ka rritur vlerën e depozitave bankare të garantuara në 25 mijë euro, me synim që të rritet besueshmëria në sistemin bankar. Më parë kjo shumë ishte 5 mijë e 433 euro.

Vendimi i qeverisë, po ashtu, ka për qëllim për t'i siguruar më se 1 milion shqiptarë, se kursimet e tyre do të jenë më të sigurta në banka se sa në shtëpi.

Qeveria liron librat nga pagesa e TVSH-se
Ne mbledhjen e qeverise u miratua edhe Projektligjin për tatimin mbi vlerën e shtuar, nëpërmjet të cilit shitblerja e librit lirohet nga tatimi. Këto dhe disa vendime të tjera u morën sot në mbledhjen e rregullt të ekzekutivit kosovar të drejtuar nga kryeministri i Republikës, Hashim Thaçi.

Me këtë projektligj, ndërkaq u tha se fitojnë të gjithë librashitësit nga se libri tani e tutje do të shitet pa TVSH.

GM heq dorë nga ndihma në vlerë dy miliardë dollarë
Prodhuesi amerikan i automobilave “General Motors”, ka hequr dorë nga ndihma shtetërore prej dy miliardë dollarësh, aq sa kompania kishte kërkuar më herët për muajin mars, pasi ka arritur të ulë shpenzimet më herët se sa që ishte pritur.

GM” ka njoftuar të enjten administratën amerikane se dy miliardë dollarë që kjo kompani i kishte kërkuar nga shteti për të vazhduar prodhimtarinë në muajin mars, më nuk janë të nevojshme në këtë fazë.

Ky vendim është marrë si pasojë e uljes së shpenzimeve të arritura në këtë kompani në dy muajt e kaluar. Megjithatë “GM” ka bërë të ditur se do të mbetet në kontakt me grupin punues, që merret me industrinë e automobilave, i cili është formuar pranë Ministrisë amerikane për Financa.

“GM” dhe “Chrysler” nga dhjetori i vitit të kaluar kanë marrë 17,4 miliardë dollarë ndihmë shtetërore. Këto dy kompani besohet se do të duhet ta kthejnë këtë ndihmë në qoftë se nuk arrijnë të dëshmojnë se do të tejkalojnë krizën.

Kompania amerikane Tampico investon në Kosovë
Nënshkruhet marrëveshja e licencës Tampico Beverages Chikago dhe Fabrikëes së lëngjeve “Bibita”, Pejë.

Nënshkrimi i marrëveshjes me brendin më të shitur në Amerikë, të lëngjeve të pagazuara “Tampico”, pjesë kjo e kompanis Houtchens me seli ne Chikago, kanë përzgjedhur Kompaninë “Bibita” në Pejë, perfshine të drejtat e licencës për territorin e Kosovës, Shqipërisë, Maqedonisë, Malit të zi dhe Serbisë.

Teknologjia e fundit më moderne që ka instaluar Fabrika “Bibita”, kualiteti dhe cilësia e treguar deri më tani në këtë veprimtari, kanë qenë disa nga arsyet e përzgjedhjes.

Drejtori i Kompanis “Bibita”, Labinot Gruda, shprehet i kënaqur për nënshkrimin e marrëveshjes si dhe për interesimin e vazhdueshëm që shteti amerikan tregon për Kosovën, duke e cilësuar këtë si arritje dhe sukses jo vetëm për kompaninë por për mbarë vendin.

Gruda tha se, prestigji i krijuar nga kompania Houtchens me lëngjet Tampico në Amerikë dhe shumë vende të botës, është një rast i shkëlqyer edhe për ekonominë kosovare, duke pasur paraysh hapjen e vendeve të reja të punës, sjelljen në treg të produketeve me përmbajte dhe cilësi të lartë, si dhe risi për konsumatorin, gjë e cila mbetet prioritet i vazhdueshëm i ndërmarrjes Bibita.

Vlen të theksohet se “Tampico”, tanime gjendet në listën mbarë botërore të Forbesit, duke u radhitur kështu në pozitën e 178, një sukses ky i jashtëzakonshëm për kompaninë në fjalë.

PTK dhe NLB nënshkruajnë kontratë bashkëpunimi
Posta dhe Telekomi i Kosovës Sh, ka nënshkruar të premten, një marrëveshje me NLB (Nova Ljubljanska Banka), nëpërmes të cilës mundësohet dërgimi i letrave dhe pakove brenda dhe jashtë Kosovës, përmes shërbimeve të Postës së Kosovës.

Marrëveshja ofron shërbime specifike për nevoja të bankës dhe e bënë Postën e Kosovës një partner të besueshëm të biznesit kosovar.

“Posta e Kosovës, Njësi Biznesi e PTK-së, ka kënaqësinë që tash e tutje do të bashkëpunojë me bankën tuaj, NLB, duke i ofruar asaj shërbimet e veta, siç janë ato të pranimit dhe dorëzimit të dërgesave postare, duke e çuar në këtë mënyrë bankën edhe më pranë konsumatorëve të vet”, ka deklaruar Kryeshefi Ekzekutiv i PTK-së, Shyqyri Haxha, me rastin e nënshkrimit të kontratës.

Njëherësh, kjo marrëveshje do të ndikojë në mënyrë të drejtpërdrejtë në rritjen e të hyrave të Postës së Kosovës, që është edhe synim i menaxhmentit.

Sipas Haxhës, PTK dhe Posta e Kosovës edhe më tutje do të vazhdojë të zgjerojë mundësitë e bashkëpunimit me bankën NLB, dhe kjo gjithnjë në të mirë të konsumatorit.

Drejtori i përgjithshëm i NLB-së, Albert Lumezi, ka thënë se kjo marrëveshje do t’i mundësojë bankës që t’u ofrojë shërbime të nivelit të lartë klientëve të vet.

“Arritja e kësaj marrëveshjeje është një hap në trendin e bashkëpunimit mes PTK-së dhe NLB, duke mundësuar kështu krijimin e rrethanave më të favorshme për konsumatorët tanë”, ka theksuar Lumezi.

Kjo marrëveshje bëhet në kuadër të angazhimit të Postës së Kosovës që të zhvillojë shërbimin postar, e paraprirë nga marrëveshja e mëhershme që Posta e Kosovës ka arritur me dy bankat tjetër kosovare TEB dhe Bankën Për Biznes.

Zvicra i relakson ligjet për fshehtësi të bankave
Zvicra është pajtuar për t'i relaksuar ligjet për fshehtësi të bankave, duke e ndërprerë traditën e gjatë për mbrojtjen e personave të jashtëm e të pasur, të akuzuar se i fshehin miliarda dollarë në këtë shtet.

Qeveria njoftoi sot se do t'i këmbejë informatat me vendet e tjera, por vetëm në rastet kur ato paraqesin prova bindëse për shmangie nga pagesa e taksave.

Ky vendim u bë para mbledhjes së ministrave të jashtëm të financave të grupit G-20, në të cilën diskutohet edhe për këtë çështje.

Presioni ndërkombëtar për goditjen e strehimeve nga pagesa e taksave, është rritur me thellimin e krizës financiare globale.

Grupi i 20-shes mblidhet sot në afërsi të Londrës
Ministrat e financave dhe krerët e bankave qëndrore nga vendet e grupit të 20-shes po mblidhen sot në afërsi të Londrës për një takim dyditor për të vendosur mënyrat e lehtësimit të recesionit global.

Presidenti i Bankës Botërore Robert Zellik u bëri thirrje zyrtarëve të ndërmarrin veprime të fuqishme dhe efektive duke thënë se ky po kthehet në një vit të rrezikshëm për ekonominë.

Sekretari amerikan i Thesarit Timothi Gajtnër pritet të nxisë më shumë vende të shtojnë shpenzimet e të shkurtojnë taksat në përpjekje për të rigjallëruar rritjen ekonomike.

Disa zyrtarë evropianë thanë se përmirësimi i rregullave financiare është rruga më e mirë që duhet ndjekur.

Takimi zhvillohet ndërsa kryeministri japonez, Taro Aso, bëri thirrje për masa të reja stimuluese. Kryeministri kinez Uen Gjiabao premtoi veprime të mëtejshme për të stimuluar ekonominë e vendit.

Zyrtarët po e shfrytëzojnë takimin për t'u përgatitur për takimin e nivelit të lartë të udhëheqësve më 2 prill.

Shfaqen shenjat e para të krizës
Industria e metaleve në Kosovë ka filluar të ndiejë pasojat e krizës financiare globale.

Këtë e komfirmon edhe zyrtari për informim në kompleksin industrial Trepça, Bislim Muçaj, sipas të cilit çmimet e plumbit dhe të zinkut në bursat botërore kanë rënë, gjë që ka ndikuar në uljen e çmimeve edhe në Kosovë.

“Padyshim që kriza globale ka goditur edhe tregun e metaleve, është reflektuar edhe në ndërmarrjen tonë, kështu që çmimet aktualisht janë shumë të ulta. Aktualisht, ne kemi stoqe të koncentratit të plumb-zinkut, për to kemi hapur një tender ndërkombëtar. Tash për tash ka të interesuar por çmimet janë të pavolitshme dhe ne jemi në bisedime për çështjen e këtyre çmimeve”, tha z.Muçaj.

Ai ka bërë të ditur se në muajin mars të vitit 2008, çmimi i ton plumbi ka qenë diku rreth 1800 euro, i zinkut 1581 euro, ndërsa sot çmimi i metalit të plumbit është 1158 për ton, kurse i zinkut 1172.

Zyrtari për informim në kompleksin industrial Trepça, Bislim Muçaj thotë se çmimet e metaleve valorizohen sipas bursës së Londrës.

Ndërkohë, Enti i Statistikave të Kosovës ka njoftuar për rënie të eksportit në fillim të këtij viti,si pasojë e krizës financiare globale.

Në muajin janar, eksporti në Kosovë kishte vlerën 6.7 milionë euro apo 41 përqind më pak krahasuar me periudhën e njejtë të vitit të kaluar.

Nënkryetari i Lidhjes Demokratike të Dardanisë në opozitë, Berim Ramosaj, i cili është edhe ekspert i ekonomisë, ka tërhequr vërejtjen se kriza financiare globale do ta prekë Kosovën pothuajse në të gjitha fushat.

Ai tha se industria financiare nuk është prekur deri tani, pasi bankat në Kosovë janë kryesisht të karakterit komercial dhe nuk kanë investuar kapitalin e tyre jashtë.

Sip z.Ramosaj nuk ka dyshim që efektet e kësaj krizedo të reflektohen edhe në Kosovë.

“Së pari do të prekemi nga pamundësia e investitorëve potencialë për të plasuar kapitalin në Kosovë duke marrë parasysh krizën që e kanë në vendet e tyre. Po vërehet se çdo ditë është gjithnjë më i ulët niveli i investitorëve që dëshirojnë të investojnë në Kosovë, por ndikimi i krizës vërehet edhe në nivelin e prurjeve nga diaspora kosovare që ne i njohim si remintanca, sepse ata janë të preokupuar me vendet e punës ku punojnë, e jo me të ardhurat të cilat do t’i plasonin qoftë për ekonomitë familjare apo bizneset në Kosovë,” - thotë zoti Ramosaj.

Zëvendëskryeministri Hajredin Kuçi është shprehur optimist se Kosova nuk do t’i ndjejë pasojat e krizës financiare globale.

Ai tha të enjten se megjithëse kjo krizë ka goditur shumë vende në vitin 2008, në Kosovë nuk është reflektuar, por përkundrazi sipas tij, ka pasur rritje ekonomike prej 6 përqind.

“Unë them që ta shohim gjendjen paksa me optimizëm. Nëse marrim vitin e kaluar kur kriza financiare ishte jo vetëm në rajon, por në tërë botën, Kosova ka pasur zhvillime pozitive në kuptimin e ngritjes së GDP-së. Edhe këtë vit përmes projektimeve tona zhvillimore, kemi paraparë një zhvillim ekonomik, jo rënie, por përkundrazi pozitivitet në zhvillim ekonomik”, deklaroi zvkryeministri Kuçi.

Zyrtarë të Fondit Monetar Ndërkombëtar kanë paralajmëruar se edhe shtetet në zhvillim, të cilat nuk kanë pasur asnjë rol në krijimin e krizës financiare globale do të preken shumë nga ajo dhe kanë kërkuar që ekonomive të këtyre vendeve t’u kushtohet më shumë vëmendje.

Eksperti i ekonomisë në Prishtinë, Muhamet Sadiku thotë për BBC-në se trendet e zhvillimit ekonomik të Kosovës pritet të bien edhe më shumë këtë vit, për shkak të zvogëlimit të pritshëm të dërgesave nga diaspora si pasojë e krizës financiare në shtetet ku ata jetojnë.

“Duhet pritur se dërgesat nga diaspora do të ulen sepse java e punës në vendet ku ata punojnë është përgjysmuar, në disa raste edhe më shumë, pastaj probleme ka sjellur humbja e fondit të kursimeve pensionale rreth 30 përqind dhe ajo që duhet pritur, si rezultat i shtrëngesave financiare, është se pritet të ulet edhe niveli i kërkesës në treg dhe kjo gjithsesi do të reflektohet edhe në kohezionin tejet të brishtë social, i cili dominon në Kosovë,” - tha zoti Sadiku.

Profesor Sadiku paralajmëron edhe rënie të prodhimit dhe eksporteve edhe ashtu të vogla të Kosovës. Ai thotë se efektet e krizës në vendet me nivel të ulët të zhvillimit ekonomik, siç është Kosova, do të vërehen më shumë në gjysmën e dytë të këtij viti

SHBA: Rriten ndjeshëm bursat
Bursat amerikane e kanë mbyllur javën duke shënuar rezultatet më të mira në treg që nga nëntori i kaluar.

Ky është një tregues se tregu bankar po shkon drejt stabilizimit. Rezultatet në bursë janë edhe pasojë e informacioneve se gjigantë bankarë si Citigroup nuk kanë nevojë për ndihma të mëtejshme nga administrata amerikane.

Ministrat e G20-ës diskutojnë krizën
Ministrat e financave dhe drejtuesit e bankave qëndrore të ekonomive më të mëdha në botë janë mbledhur në Angli për të diskutuar krizën ekonomike botërore.

Takimi zhvillohet në kohën kur ekzistojnë dallime mes vendeve lidhur me rrugët për frenimin e krizës globale.

Shtetet e Bashkuara kërkojnë nga vendet e tjera të miratojnë paketa shtesë ndihme dhe të ulin taksat për të nxitur zhvillimin ekonomik.

Disa qeveri evropiane mendojnë se duhen më pak paketa stimuluese dhe më shumë rregullore që do të qeverisin tregjet financiare.

Takimi i sotëm i paraprin takimit të krerëve të shteteve dhe qeverive të G20-ës që do të mbahet në prill.

BERZH: Kriza globale më rëndë i prek vendet e Evropës Lindore
Kriza financiare globale e ndërpreu rritjen ekonomike në vendet e Evropës Lindore, ndërsa disa prej tyre u gjendën në falimentim, vlerësoi Banka Evropiane për Ripërtëritje dhe Zhvillim (BERZH).

Edhe pse vjeshtën e kaluar, kur brusat botërore veçse i përfshinë ethet, dukej se kriza financiare globale nuk do ta tronditë Evropën Lindore, tashmë nga fundi i vitit u bë e qartë se ky vend më së shumti do të vuajë, edhe pse nuk ka pjesëmarrje në lëkundjet e tregut financiar botëror.

Ekonomisti udhëheqës i BERZH-it Aleksandar Leman, konsideron se kriza financiare globale ka dhënë goditje më të madhe pikërisht në këtë rajon, për shkak se gjatë viteve është akumuluar, por nuk janë zgjidhur një numër i madh problemesh.

"Bëhet fjalë për krizë të jashtme, por një pjesë e përgjegjësisë për pasojat në vendet e Evropës Lindore është edhe tek vetë ata", tha Leman dhe shtoi se bankat perëndimore kanë kontrobuar për ashpërsimin e problemeve lokale.

Tregjet e Evropës Lindore, në varshmëri të madhe nga huatë e jashtme, kanë ndërtuar sistem të kredive bankare i cili me rëndësi e tjkaloi volumin e mjeteteve akumuluese në ato vende, për shkak të masës së madhe nga të tjerët pësuan nga kriza financiare.

BERZH konsideron se këtë vit rritje minimale ekonomike do të realizojnë disa vende të Evropës Lindore. Leman midis tyre i theksoi Poloninë dhe Slloveninë, si dhe disa vende nga rajoni qendror-aziatik - Mongolinë dhe Uzbekistanin, të cilat nuk kanë varshmëri të madhe nga rrjedhat financiare ndërkombëtare.

Brown: Kontroll me të rreptë ndaj bankave
Kryeministri britanik Gordon Brown vazhdon përpjekjet për të forcuar autoritetin e organit të kontrollit të sistemit bankar britanik (Fsa).

Në një intervistë dhënë për gazetën e përjavshme “Sunday Telegraph”, shefi i qeverisë së Londrës ka deklaruar se gjatë takimit të ministrave të financave të 20 vendeve me të fuqishme të botës, është vendosur për të ndërmarrë një aksion të domosdoshëm që do të rimekëmbë ekonominë botërore dhe do ta fusë sërish në shinat e duhura.

Anglia është një nga vendet me të rrezikuara prej krizës globale, pasi disa banka rrezikuan falimentimin. Në këtë kuadër, qeveria britanike synon forcimin e autoritetit të organit të kontrollit të sistemit bankar për të mbajtur nën kontroll sistemet bankare me të fuqishme të ishullit me të cilat është lidhur ngushtë edhe ekonomia e vendit.

Turizmi, Shqipëria në fund të Ballkanit
Forumi Ekonomik Botëror e rendit Shqipërinë në vendin e parafundit në Ballkan, duke lënë pas vetëm Bosnjë-Hercegovinën dhe të 90-ën nga 133 vende të botës për nga avantazhet që ofron në industrinë e turizmit.

Raporti bën një analizë të detajuar të sektorit të turizmit në Shqipëri, duke nxjerrë dhe pikat me problematike ose dizavantazhët që ka Shqipëria në tregun botëror të turizmit.

Forumi Ekonomik arrin në përfundimin se sektori i turizmit në Shqipëri nuk rezulton të jetë një prioritet. Në këtë tregues, i cili llogarit pjesën e fondeve që vendet akordojnë për turizmin, por edhe përpjekjet që ato bëjnë për promovimin e tij Shqipëria renditet e 89-a në botë.

Sipas të dhënave të raportit, qeveria jep për turizmin rreth 3.8 për qind të fondeve të buxhetit, duke u renditur në vendin e 54-t për këtë tregues.

Por dizavantazhet me të mëdha turistike sipas raportit, Shqipëria i ka në infrastrukturën e dobët dhe kostot e larta të transportit. Raporti vë në dukje se Shqipëria ka aktualisht vetëm një aeroport ndërkombëtar, duke u renditur në vendin e 103-të në botë për nga numri i aeroporteve për milionë banorë dhe ka një infrastrukturë rrugore të dobët.

Por kësaj i shtohet dhe një dizavantazh në kosto, pasi sipas Forumit Ekonomik, Shqipëria është vendi i 116 në botë për nga cmimet e larta të biletave dhe tarifave aeroportuale, që paguajnë turistët.

Edhe tarifat e transportit brenda vendit rezultojnë të larta, ku shkaku kryesor janë cmimet e larta të karburanteve, për të cilat Shqipëria renditet e 111-a në botë.

I vetmi avatnazh në kosto janë tarifat e hoteleve, për të cilat Shqipëria renditet i 48-i në botë. Sektori i turizmit mbetet një nga siguruesit me të mëdhenj të valutes në vend, me mbi 1 miliard euro të ardhura në vit, edhe pse vitet e fundit është vënë re një rritje e fortë e shpenzimeve që shqiptarët bëjnë për udhetime jashtë shtetit, cka bën që rezultati neto i përfitimeve të jetë rreth 10 herë më i vogël.

Obama e Da Silva vlerësojnë samitin G20
Presidenti i SHBA-ve, Barak Obama dhe homologu i tij brazilian, Luis Inasio Lula da Silva, kanë shprehur besimin e tyre për suksesin e samitit të ardhshëm të Grupit 20, i cili do të publikojë masat për tejkalimin e krizës ekonomike botërore.

Presidenti Obama ka hedhur poshtë pohimet se midis anëtarëve të G20, "ka dallime". Ndërsa, Da Silva ka shtuar se "të gjithë liderët janë të bindur që sa më shpejt të merren vendime" për zbutjen e krizës së tregjeve dhe për të rikthyer besimin e opinionit.

Obama e Da Silva i kanë bërë këto komente gjatë takimit në Uashington, me ç'rast kanë theksuar se marrëdhëniet midis këtyre dy vende janë shumë të mira.

Iran-Kinë, marrëveshje për gazin e lëngshëm
Irani ka firmosur një kontratë miliarda dollarëshe me Kinën, duke lidhur edhe më shumë fijet me vendin komunist në fushën e tregtisë dhe ekonomisë.

2.6 miliardë euro është kontrata mes palëve që parashikon furnizimin e Kinës me gaz natyror. Lajmin e bën të ditur televizioni iranian shtetëror.

“Projekti parashikon prodhimin e rreth 10.5 milionë ton gazi të lëngshem në vit”, shprehet drejtori operativ i kompanisë iraniane LNG Company që do menaxhojë prodhimin. Sipas drejtorit Kheirandish, në këtë projekt do marrë pjesë edhe një kompani evropiane për 3 muajt e ardhshëm.

PSDK: Institucionet duhet të marrin masa kundër korrupcionit
Dukuria e korrupsionit, në vend se të jetë kundërvlerë, ajo në shoqërinë kosovare është shndërruar në vlerë, andaj institucionet e Kosovës duhet të ndërmarrin masa të ngutshme për ç’rrenjosjën e kësaj dukurie”, tha në takimin e sotëm me gazetarë zëdhënësi i Partisë Social-Demokrate të Kosovës, Gëzim Kasapolli.

Ai shtoi se dukuria kancerogjene e korrupsionit përfshiu të gjitha porët e shoqërisë, duke u prirë nga instititucionet e Kosovës.

SHBA: Miliarda dollarë kredi për bizneset e vogla

Këshilltarët kryesorë të presidentit Barack Obama për ekonominë thanë se qeveria do të ofrojë miliarda dollarë kredi për bizneset e vogla në përpjekje për të nxitur rritjen ekonomike.

Austan Goolsbee, anëtar i Këshillit Ekonomik të Shtëpisë së Bardhë, i tha televizionit Fox News se plani i hollësishëm do të njoftohet të hënën.

Pritet që qeveria të shtojë garancitë për kreditë dhe të ulë tarifat për huatë, si dhe të përdorë miliarda dollarë për të zhbllokuar tregjet e kreditimit për bizneset e vogla.

Goolsbee tha se administrata shpreson të inkurajojë zgjerimin e biznesit dhe si rrjedhim të nxisë krijimin e vendeve të reja të punës.

Kongresmeni republikan, Eric Kantor tha se plani i Obamas do të çojë në rritjen e taksave për bizneset e vogla duke i detyruar ato të shkurtojnë shpenzimet dhe të pakësojnë vendet e punës. Ai tha se partia e tij ka në plan të paraqesë alternativën e saj. /VoA/

Bernanke: Kriza përfundon me 2009

Rimëkëmbja ekonomike në SHBA do të duhej të niste në fillim të vitit të ardhshëm, pas një recesioni të madh që u shënua brenda disa dekadave, ka deklaruar presidenti i Bankës Qendrore amerikane, Ben Bernanke, në paraqitjen e tij të parë televizive.

"Recesioni, sipas të gjitha gjasave, do të përfundojë këtë vit, ndërsa rimëkëmbja ekonomike do të pasojë në fillim të vitit 2010. Kjo rimëkëmbje ekonomike do të përshpejtohet me kohë”, ka theksuar shefi i rezervave federale, Bernanke.

Ai njëherësh ka vlerësuar se SHBA-të kanë shmangur rrezikun e përsëritjes së krizës së madhe ekonomike, sikurse ajo e vitit 1929.

Bernanke, megjithatë ka pranuar se sistemi financiar botëror në vjeshtë ka qenë shumë afër rrënimit. /rel/

Guttenberg në SHBA për të matur shanset e shpëtimit të Opelit

Ministri gjerman i Ekonomisë Karl-Thodor zu Guttenberg, do të shohë sot në SHBA shanset për shpëtimin e ndërmarrjes së prodhimit të automjeteve Opel.

Gjatë një takimi me shefin e koncernit amë të Opelit, General-Motors, Rick Wagoner, Guttenberg do të sqarojë se si mund të realizohet një shkëputje e pjesshme ose e plotë e Opelit nga koncerni amerikan GM.

Për këtë do të duhet të sigurohet që ndihmat të mos derdhen në SHBA dhe Opeli të marrë të drejtën e patentave, të licencës dhe të drejtën e markës.

Guttenberg do të konsultohet po ashtu edhe me ministrin amerikan të Financave Timothy Geithner. Qeveria federale ka vendosur të japë ndihma për shpëtimin e ndërmarrjes, në rast se Opeli paraqet një koncept të aftë për të ardhmen. /D-Welle/

LDD e pakënaqur me punën e Qeverisë

Lidhja Demokratike e Dardanisë është shprehur e pakënaqur me hapat e zhvillimit ekonomik të vendit, për të cilën gjë, gjatë fushatës zgjedhore, koalicioni qeverisës ishte zotuar se do të zgjidhej shumë shpejtë falë “ekspertëve” që ata i posedojnë në strukturat e tyre.

“Tani vërehet qartë se këta ekspertë veç sa kanë hyrë në një mjegullinë, nga e cila nuk po mund të dalin, dhe kjo tregon qartë edhe nga vërejtjet ndërkombëtare që kanë filluar të shpeshtohen ndaj autoriteteve institucionale, se nevojitet më të vërtetë një ekip ekspertësh të mirëfilltë dhe me përvojë, të cilët me punë dhe angazhim të vazhdueshëm do e shtynin Kosovën të ecte në drejtim të sakët, apo në rrugën drejt zhvillimit të gjithmbarshëm”, është thënë të hënën në mbledhjen e Kryesisë së kësaj partie, të kryesuar nga kryetari i saj, Nexhat Daci.

LDD ka shfaqur pakënaqësinë me punën e deritashme të qeverisë, dhe ka shprehur brengen e saj se, “kriza vetëm sa po vjen e po thellohet, dhe faturën e gjithë kësaj po e paguan qytetari i rëndomtë i Republikës së Kosovës”. /Telegrafi/

Obama ‘i skandalizuar’ me shpërblimet
Presidenti amerikan, Barack Obama e ka përshkruar si skandaloze pagesën e shumave të mëdha të parave si shpërblim të disa prej punonjësve të firmës amerikane të sigurimeve AIG. Kompania ka marrë rreth 180 miliardë dollarë ndihmë nga qeveria për t'i shpëtuar falimentimit.

Obama i ka kërkuar sekretarit të tij të Thesarit, Timothy Geithner, të marrë të gjitha masat ligjore për ta bllokuar pagimin e shpërblimeve. "Kjo është një korporatë që e gjen veten në vështirësi financiare për shkak të pakujdesisë dhe lakmisë," tha ai dhe shtoi se në rrethana të tilla, ishte e vështirë të kuptohej premtimi i shpërblimeve.

Drejtori i kompanisë, i emëruar nga qeveria, Edward Liddy, ka thënë se AIG nuk ka patur zgjidhje tjetër, por t'i paguante shpërblimet sepse pagesa e tyre ishte e detyrueshme me ligj.

Humbjet që regjistroi kompania në tremujorin e katërt të vitit të shkuar ishin më të mëdhatë në historinë e korporatave. Një falimentimi i mundshëm i AIG-së, do të prekte tregjet në mbarë botën. Qeveria amerikane ndërhyri për ta shpëtuar kompaninë dhe procesi i shpëtimit nuk ka përfunduar ende.

General Motors i gatshëm për lëshime ndaj Opelit
Koncerni amerikan General Motors ka treguar gatishmëri për lëshime lidhur me ardhmërinë e ndërmarrjes së tij të automjeteve në Gjermani Opel.

Ministri i Ekonomisë Karl-Theodor zu Guttenberg, i cili gjendet për vizitë në SHBA, pas bisedimeve me kreun e GM, foli për rezultate konkrete. Ai tha se menaxherët amerikanë janë të gatshëm për afrimin e qëndrimeve.

Në veçanti ata janë treguar të gatshëm që në të ardhmen në Opel të kenë vetëm një pjesë të vogël të kapitalit. Në këtë mënyrë do të evitohej mundësia që ndihmat e shtetit gjerman nga paratë e taksapaguesve të transferohen në SHBA.

"Kemi shkuar një hap më larg, një hap i cili mund të jetë vendimtar. Koncerni amë ka treguar gatishmëri jo vetëm të bashkëpunojë në çështjet për ndarjen e Opelit, por me të vërtetë edhe të veprojë në këtë drejtim. Ne kemi nevojë edhe për hapa vendimtare të qeverisë amerikane të cilëve u duhen koncepte të qarta. Kemi rënë dakord që për sqarimin e të gjitha gjërave të emërojmë një ndërmjetës, i cili do të jetë në kontakt të përhershëm me koncernin dhe qeverinë gjermane", theksoi zu Guttenberg duke shtuar se për qeverinë gjermane më e rëndësishmja është se çfarë do të ndodhë me ndihmat eventuale për Opelin nga paratë e taksapaguesve.

Lidhur me planin e shpëtimit të Opelit ministri gjerman zu Guttenberg do të flas sot edhe me ministrin amerikan të Financave, Timothy Geithner.

Banka Qendrore amerikane diskuton krizën ekonomike

Një raport mbi ekonominë në Shtetet e Bashkuara tregon një rritje të ndjeshme të numrit të shtëpive të reja. Raporti del ndërkohë që zyrtarët e lartë të Bankës Qendrore amerikane janë mbledhur për të diskutuar forma të reja për të nxitur ekonominë, ndërsa Presidenti Obama po zhvillon bisedime me anëtarë kryesorë të Kongresit.

Në muajin shkurt ndërtimet e reja të shtëpive shënuan një rritje prej 22 përqind, që do të thotë se 583 mijë shtëpi të reja do të hidhen në treg gjithë vitin në qoftë se ndërtimi vazhdon me këtë ritëm.

Kriza ekonomike, më e rënda që ka goditur vendin që nga vitit 30-të, u shkaktua nga problemet në tregun e banesave. Shpresohet që raporti i ri t’i inkurajojë investitorët që prisnin rënie të mëtejshme të tregut të banesave.

Rezervat Federale, Banka Qendrore amerikane, e ka ulur interesin bankar në nivelin më të ulët në historinë e saj, por pritet të vazhdojë të përdorë metoda të tjera për ta bërë më të lehtë për biznesin dhe konsumatorët për të marrë hua dhe për të nxitur ekonominë. Zyrtarët do t’i njoftojnë planet e tyre nesër.

Presidenti Obama takohet sot me kryetarët e komisioneve të buxhetit të Dhomës së Përfaqësuesve dhe të Senatit dhe më pas do të informojë vendin. /VoA/

47 milionë valixhe të humbura në 2007
Këshilli i Përdoruesve të transportit ajror njofton se gjatë një viti kompanitë ajrore në gjithë botën kanë humbur 47 milionë valixhe dhe bagazhe të udhëtarëve të tyre.

Sipas të dhënave të këtij Këshilli, 1 milion nga këto bagazhe nuk janë gjetur asnjëherë.

Anëtarët kërkojnë masa urgjente, pasi disa linja ajrore nuk i kompensojnë valixhet e humbura ose shuma e rimbursuar është shumë e vogël nga vlera e vërtetë e bagazheve.

Në 2006 kishte 34 milionë valixhe të humbura, ndërsa në 2005, 30 milionë të tilla.