Shqipëria e 10-ta në botë

Shqipëria tashmë është shkëputur nga imazhi i vendit të prapambetur, pasi sipas raportit të "Global Insight", Shqipëria renditet e para në Evropë dhe e dhjeta në botë, si vendi me rritjen më të lartë ekonomike për vitin 2009-të.

Kështu ka deklaruar Zëdhënësja e qeverisë njëherësh ministrja e Integrimit Majlinda Bregu sipas së cilës "Kjo rritje ekonomike është arritur falë reformave të kësaj mazhorance dhe tregon përmbushjen e premtimeve që ka dhënë".

Ajo shtoi se në një kohë kur bota është mbërthyer nga kriza financiare ndërkombetare, rritja ekonomike është kthyer në debatin më të fortë politik, pasi qeveria pretendon që për vitin e kaluar Shqipëria ka patur një rritje dyshifrore.