PTK: Do t'ua kthejmë të gjithë klientëve 1 euro

Zëdhënësi i kësaj korporate, Menduh Abazi, deklaroi për telegrafi.com, se oferta për të biseduar me 1 euro gjatë vikendit nuk funksionoi siç duhet për shkak të kërkesave të shumta. Sipas tij, të gjithë atyre që Vala, iu ka marrë nga një euro dhe nuk jua ka aktivizuar shërbimin, do tu kthehen paratë ndërsa gjatë javës do të rregullohen problemet teknike.

"Sistemi nuk funksioni siç duhet për shkak të vërshimit të kërkesave për të shfrytëzuar ofertën më të re të Vala, vikendi 1 Euro. Sistemi nuk ka funksionuar për 7 për qind të klientëve, të cilët nuk kanë mundur t'i qasen shërbimit. Ju garantojmë që nga dita e hënë atyre do t' ju kthehen paratë", tha Abazi.

Për të pasur qasje në këtë shërbim, konsumatori i Valës duhet të dërgonte një SMS - të zbrazët - në numrin e shkurtuar 557, i cili kushton vetëm 1 euro.

Më pas, konsumatorit i kthehet konfirmimi për aktivizimin e shërbimit, gjë që do të thotë se prej atij momenti, të gjitha thirrjet do të jenë falas vetëm brenda rrjetit Vala, gjatë gjithë vikendit. /Telegrafi/