Në finalen pothuajse si nëpër filma modeli Insignia nga Opel me gjithsej një pikë dallim ka arritur të rrëmbejë titullin e automjetit evropian të vitit para Ford Fiestas.
Pas 22 vitesh Opel sërish i është kthyer majave. Me 321 pikë të fituara Insignia ka arritur të fitojë ndaj të radhiturit të dytë Ford Fiesta (320 pikë), derisa Golfi i gjeneratës së gjashtë nga Volkswagen është dashur të mbetet i kënaqur me 223 pikë, respektivisht me vendin e tretë.
Kjo fitore kaq e ngushtë e Opelit ka ardhur pothuajse si një hakmarrje e vogël pasi që ka qenë pikërisht S-Max nga kompania Ford i cili vetëm me dy pikë ka rrëmbyet titullin e automjetit të vitit për vitit 2007 para Opel Corsas.
Sipas mendimit të jurisë së ekspertëve të përbërë nga 59 gazetarëve për automobilistikë nga 23 shtete evropiane, Insignia e ka merituar titullin e automjetit më të mirë evropian për shkak të pamjes e cila është një lidhje në mes të artit dhe precizitetit gjerman, si dhe pajisjeve aktive e pasive të sigurimit, komoditetit dhe paletës së gjerë të motorëve me benzinë dhe naftë.