Çmimi i naftës në nivelin e vitit 2004

Çmimi i naftës të premten ka rënë nën 44 dollarë për barel, rënie kjo që është më e ulta krahasuar me katër vitit e fundit. Një rënie e tillë e çmimit e cila llogaritet të jetë e përmasave të mëdha, vjen si pasojë e krizës së rënd ekonomike botërore dhe recesionit që ka pushtuar vendet e euro zonës si dhe shqetësimeve të investuesve se kërkesat për burimet energjitike do të ulen edhe më tej.

Siç raportojnë mediat ndërkombëtare të premten (sot)nafta e lehtë amerikane për porositë e muajit janar, ka rënë për 9 cent duke arritur në çmim prej 43.76 dollar për barel. Një rënie e tillë mund të krahasohet me atë të 5 janarit të vitit 2005 ku një barel naftë kontraktohej me 43.67 dollarë.

Ndërkaq brenti londinez të premten ka rënë për 3 cent duke arritur në shumën prej 42.31 dollar për barel.