Grupi G7 diskuton për stabilizimin e ekonomisë

Stabilizimi i ekonomisë botërore dhe i tregjeve, është "prioriteti më i lartë" i Grupit të shtatë vendeve më të industrializuara në botë, thuhet, pos tjerash, në propozim deklaratën e ministrave të financave të G7-tës.

Mëtutje, G7-ta thotë se do të bëjë çdo gjë të mundshme për ta ripërtrirë "besimin e plotë në sistemin global financiar".

Samiti i shtatë vendeve më të industrializuara të botës fillon sot në Romë. Në samit marrin pjesë Shtetet e Bashkuara, Britania, Kanadaja, Franca, Gjermania, Italia dhe Japonia. /rel/