Home
Përfaqësuesit e strukturave politike dhe atyre të sigurisë në Mitrovicë, vlerësuan të hënën në takimin e Komitetit për Siguri që mbahet në kuadër të Drejtorisë për Mbrojtje dhe Shpëtim, se gjendja e sigurisë në këtë komunë gjatë dy javëve të fundit ka qenë e qetë.
Drejtori i Drejtorisë për Mbrojtje dhe Shpëtim, Ylber Durmishi, tha se në përgjithësi situata ka qenë e qetë, ndërkohë që gjatë kësaj periudhe në veri kanë ndodhur tri incidente, të cilat megjithatë nuk kanë ndikuar në gjendjen e përgjithshme.
Ai përmendi hedhjen e një mjeti shpërthyes në një shtëpi të një familjeje shqiptare në Kodrën e Minatorëve në veri të Mitrovicës, mandej sulmin e një grupi serbësh ndaj punëtorëve shqiptarë të kompanisë “Kastrioti” në Kroin e Vitakut si dhe sulmin me gurë ndaj autobusit që bartë banorët shqiptarë në Kodrën e Minatorëve.
Drejtori Durmishi, ceku edhe çështjen e vendosjes së kamerave në veri të qytetit nga strukturat paralele për të cilat kanë raportuar mediat ditore, për çka kërkoi nga strukturat e policisë që të ndërmarrin masa dhe të sqarojnë situatën.
Kurse Nexhip Gashi nga Drejtoria Rajonale e Policisë së Kosovës në Mitrovicë, tha se ata nuk kanë informacion për një gjë të tillë. Në anën tjetër, ai tha se gjendja e sigurisë sipas raporteve të tyre është e qetë.
Edhe komandanti i stacionit jugor të policisë, Bashkim Spahiu, tha se në zonën e tyre të përgjegjësisë gjatë dy javëve të fundit ka qenë stabile dhe pa ndonjë incident serioz.
Për gjendje të qetë kanë raportuar edhe përfaqësuesit e KFOR-it që ishin të pranishëm në takim.
Në këtë takim të Komitetit të Sigurisë për herë të parë mori pjesë edhe kryetari i ri i Komunës së Mitrovicës, Avni Kastrati, i cili vlerësoi si shumë të rëndësishme funksionimin e këtij mekanizimi, që ka mundësuar koordinimin ndërmjet strukturave politike dhe atë atyre të sigurisë. Ai theksoi se ky mekanizëm do të vazhdojë të jetë funksional ashtu siç ka funksionuar deri me tani çdo dy javë dhe sipas nevojës edhe më shpesh, me qëllim të parandalimit të destabilizimit të situatës.
Drejtori i Drejtorisë për Mbrojtje dhe Shpëtim, Ylber Durmishi, tha se në përgjithësi situata ka qenë e qetë, ndërkohë që gjatë kësaj periudhe në veri kanë ndodhur tri incidente, të cilat megjithatë nuk kanë ndikuar në gjendjen e përgjithshme.
Ai përmendi hedhjen e një mjeti shpërthyes në një shtëpi të një familjeje shqiptare në Kodrën e Minatorëve në veri të Mitrovicës, mandej sulmin e një grupi serbësh ndaj punëtorëve shqiptarë të kompanisë “Kastrioti” në Kroin e Vitakut si dhe sulmin me gurë ndaj autobusit që bartë banorët shqiptarë në Kodrën e Minatorëve.
Drejtori Durmishi, ceku edhe çështjen e vendosjes së kamerave në veri të qytetit nga strukturat paralele për të cilat kanë raportuar mediat ditore, për çka kërkoi nga strukturat e policisë që të ndërmarrin masa dhe të sqarojnë situatën.
Kurse Nexhip Gashi nga Drejtoria Rajonale e Policisë së Kosovës në Mitrovicë, tha se ata nuk kanë informacion për një gjë të tillë. Në anën tjetër, ai tha se gjendja e sigurisë sipas raporteve të tyre është e qetë.
Edhe komandanti i stacionit jugor të policisë, Bashkim Spahiu, tha se në zonën e tyre të përgjegjësisë gjatë dy javëve të fundit ka qenë stabile dhe pa ndonjë incident serioz.
Për gjendje të qetë kanë raportuar edhe përfaqësuesit e KFOR-it që ishin të pranishëm në takim.
Në këtë takim të Komitetit të Sigurisë për herë të parë mori pjesë edhe kryetari i ri i Komunës së Mitrovicës, Avni Kastrati, i cili vlerësoi si shumë të rëndësishme funksionimin e këtij mekanizimi, që ka mundësuar koordinimin ndërmjet strukturave politike dhe atë atyre të sigurisë. Ai theksoi se ky mekanizëm do të vazhdojë të jetë funksional ashtu siç ka funksionuar deri me tani çdo dy javë dhe sipas nevojës edhe më shpesh, me qëllim të parandalimit të destabilizimit të situatës.
