Rrogat në Kroaci më të larta për gjashtë për qind nga viti 2009

Problemi i Qeverisë kroate rreth rritjes apo ngrirjes së rrogave nga viti i ardhshëm përfundimisht do të zgjidhet, me vendimin për rritjen e rrogave për gjashtë për qind nga viti 2009.

Mediumet kroate lajmërojnë se këmbëngulja e sindikatit rezultoi me përmbushje të premtimit qeveritar për rritje të rrogave për gjashtë për qind.

Deficiti bbuxhetar prej 1.5 milionë eurove planifikohet të kompensohet përmes shkurtimit të buxhetit për disa projekte kapitale.

Mundësia tjetër është ngrirja e punësimeve të reja në administratën publike dhe shtetërore, me çka përjashtohet mundësia e largimit nga puna.