Mini ka publikuar detajet e para të gjeneratës së dytë të modelit të tij Cabrio.
Kabrioleti Mini fillimisht do të paraqitet në panairin e automjeteve në Detroit të SHBA-ve, derisa shitja do t’ia fillojë në mesin e vitit të ardhshëm.
Ai do të ketë dy versione të motorit katër-cilindërsh prej 1.6 litrash të krijuar nga bashkëpunimi në mes të BMW-së dhe grupimit PSA. Versionin atmosferik 1.6 litërsh i Cooper zhvillon 118 KF, derisa versioni me turbo-mbushës 1.6 litërsh Cooper S ka në dispozicion 172 KF.
Të dy modelet shpenzojnë deri në 20 për qind më pak karburant sesa paraardhësit e tyre dhe proporcionalisht emetojnë më pak CO2, prandaj shpenzimi mesatar i Cooper është 6.1 litra, derisa Cooper S 7.2 litra.
Me kulm të hapur dhe karriget e prapa të shtrira Mini Cabrio i ri ofron 660 litra hapësirë për bagazh, derisa me kulm të mbyllur volumi i lirë bie në gjithsej 125 litra. Për herë të parë Mini Cabrio ofrohet me pajisjen për aklimatizim automatik si dhe mbështetje për memories USB e Bluetooth si dhe me lidhjen për iPod e iPhone.