Home
Një grua kineze thotë se ka ulëruar si ujk gjatë 26 viteve të fundit, por thotë edhe se nuk di çfarë të bëj në lidhje me këtë.
Hong, 42-vjeçare nga një fshat në provincën Fuzhou, i ka thënë gazetës lokale Straits News: "Ulërimat e mia janë si teshtitjet apo gogësimat, ato nuk mund të kontrollohen. Nganjëherë nuk mund ta ndal nga ulërima as në rrugë. Kalimtarët ikin prej meje apo m’i ngulin sytë, duke menduar se jam ndonjë e sëmurë psikike".
Ajo thotë se ulërimat kanë filluar kur në moshën 16-vjeçare filloi të ndjente dhimbje në shpinë: "Atëherë rastësisht e pata kuptuar se kur ulërij dhimbja më largohet".
Hong thotë se kur ulërin, ajo ndjen një “lirim gazi” brenda saj dhe “nuk mund ta ndaloj".
Në fillim ajo ulërinte vetëm një herë në dy apo tre muaj, por tani nuk mund të ndalojë veten të ulërijë katër-pesë herë në ditë.
Ajo madje thotë se ulërimat e saj po bëhen më të zëshme dhe më të gjata.
Fqinja e saj, Zhang Yimu, thotë se kur e kishte dëgjuar ulërimën e saj për herë të parë kishte menduar se ujqit me të vërtetë ishin jashtë derës.
"Nganjëherë gjithashtu është si alarm. Herët në mëngjes apo vonë gjatë natës i tërë fshati mund të dëgjoj ulërimat e saj", ka shtuar Zhang
Hong ka kërkuar ndihmë në spitalin lokal. Megjithatë, përveç zgjatjes së diskut kurrizor, asaj i është thënë se çdo gjë është në rregull.
