Bizneset pa arka fiskale do të mbyllen

“Është e natyrshme se kur të fillojë pajisja e bizneseve me arka fiskale, atëherë të gjitha ato që nuk e deklarojnë se kah u vjen malli do të gjobiten edhe me mbyllje të bizneseve dhe konfiskim të mallit”, tha ministri Shala.

Shala deklaroi kështu të shtunën në një konferencë për media, gjatë prezantimit të projekti të arkave fiskale.

Ai ndër të tjera i bëri të ditura edhe qëllimet e implementimit të projektit të Arkave Fiskale që, sipas tij, do të jetë një përvojë e re në Kosovë.

“Qëllimi është që të dihet origjina e çdo malli dhe kjo mënyrë mbron dhe konsumatorin tonë”, tha Shala.

Sipas tij, nuk do të zbatohet projekti i arkave fiskale me nxitim, pasi që sipas tij, një gjë e tillë do dërgonte drejt dështimit. /telegrafi/