Home
ORNL (Oak Ridge National Laboratory) ka shpalosur planet për të
dizajnuar një superkompjuterë të fuqizuar nga gjenerata e ardhshme e
GPU-ve të Nvidia-së, Fermi. Makina që do të përdoret për tema
hulumtuese siç është energjia dhe ndryshimi klimatik, pritet të jetë 10
herë më i fuqishëm sesa superkompjuterët e ditëve të sotme.
Jeff Nichols nga ORNL shpjegoi se Fermi GPU do të mundësojë
depërtime “substanciale” shkencore që do të ishin të “pamundura” për tu
arritur pa teknologjinë e avancuar të GPU-ve nga Nvidia.
“Kjo do të jetë arkitektura e parë bashkë-përpunuese që Oak Ridge ka
vendosur për shkencë dhe jemi në ekstrem të emocionuar mbi mundësitë që
do të krijohen për të zgjidhur sfida të mëdha shkencore” tha Nichols.
“Me ndihmën e Nvidia, Oak Ridge propozon të krijojë një platformë
kompjuterike që do të sjellë përpunime kompjuterike “exascale” brenda
dhjetë viteve të ardhshme”
Në anën tjetër drejtori shkencor i Nvidia, Billy Daly shprehi deklarata të ngjashme.
“Dy gjeneratat e para të arkitekturës CUDA GPU na mundësuan të bëjmë
rrugë reale në hapësirën kompjuterike shkencore, duke sjellë rritje të
theksuar të performancës përgjatë një spektri të gjerë të
aplikacioneve” tha Dally. “Arkitektura Fermi është një motor i vërtetë
i shkencës dhe me përkrahjen e fabrikave nacionale hulumtuese si ORNL,
mundësitë janë të pafundme”.
Do të duhej bërë e ditur se ORNL gjithashtu do të formojë një Hybrid
Multicore Consortium për të përgatitur aplikacione të ndryshme për
gjeneratat e ardhshme të superkompjuterëve të bazuar në GPU.
