Home
Dje rreth orës 15:30 Google për secilin kërkim ka filluar të paraqes porosinë "This site may harm your computer" (Kjo faqe mund të dëmtoj kompjuterin tuaj), që ka pamundësuar përdorimin normal të makinës së kërkimit – Google Search. Problemi është zgjidhur brenda dyzet minutash, e ka pasur edhe zënka se kush është fajtor për këtë problem.
Google fillimisht e ka njoftuar publikun se problemin e ka shkaktuar organizata joqeveritare StopBadware.org me të cilën Google bashkëpunon dhe nga e cila gjoja ka marrë listën e përditësuar të faqeve dashakeqe. Më pas është konstatuar se kjo organizatë nuk ka lidhje me problemin, e se as Google nuk jep URL-në e faqeve dashakeqe, por se dikush nga Google i ka definuar gabimisht kriteret.
Në fakt, si filtër ka vendosur vetëm shenjën (/), me të cilën automatikisht të gjitha lidhjet e internetit të cilat përmbajnë atë shenjë, e kjo në fakt do të thotë të gjitha lidhjet, janë shpallur si potencialisht të dëmshme për kompjuterët e përdoruesve, respektivisht si faqe të cilat përmbajnë malware.
