Kriza financiare, godet edhe vendet arabe

Kriza financiare ka goditur ashpër edhe 50 vendet më të pasura arabe, të cilat gjatë këtij viti kanë humbur 25 miliard dollarë. Nga kjo shumë 4 miliard janë sfumuar nga pasuria e princit saudit Walid Bin Talal, i cili ishte njëri nga investitorët më të mëdhenj në bankën "Citigroup".

Sipas të përjavshmes arabe “Arabian Business”, pasuria e princit tashmë llogaritet në 17.08 miliard dollarë.

Kompania saudite "Kingdam Holding", pronar i së cilës është princi Alvalid, refuzoi t'i komentojë pohimet e "Arabian Business".

Por gjithsesi Talal vazhdon të kryesojë klasifikimin e njerëzve më të pasur të këtij rajoni.