BB bënë thirrje që të vazhdohet me ndihmë financiare

Banka Botërore i bëri thirrje vendeve të pasura që ta vazhdojnë ndihmën për zhvillim edhe përkundër krizës financiare botërore.

Në fjalimin në Konferencën ndërkombëtare të KB-së për financim dhe zhvillim, që filloi sot në Dohë, ekonomisti kryesor i Bankës Justin Lin theksoi se është shumë e rëndësishme që ndihma të vazhdojë, që të plotësohen detyrimet e ndërmarra dhe të rriten mjetet financiare.

Ai paralajmëroi se kriza financiare botërore mund ta ndalojë luftën me varfërinë dhe përparimin e arritur për plotësimn e Qëllimeve të milieniumit për zhvillim.

Sipas tij "me 100 miliardë dollarë në vit ndihma shtetëore për zhvillim është pak më shume se modeste" lidhur me nevojat reale.

Lidhur me ndihmën private, Banka Botërore konsideron se kjo mund të arrijë nga një mijë miliardë në vitin 2007 deri në 500 miliardë në vitin 2009.

Në formumin në Dohë marrin jesë përfaqësues të shteteve dhe qeverive dhe ministra dhe drejtorë të institucioneve ndërkombëtare financiare.