Home
Me modelet NW-S736FK e NW-S738FK kompania japoneze Sony e ka zgjeruar paletën e pasur të pajisjeve Walkman. Modelet e reja dallohen sipas ngjyrave dhe kapaciteteve për ruajtje të dhënave.
Të dy media playerët digjital do të shiten me ngjyrë të artë, zezë, rozë dhe të kuqe, me memorie prej 4 gigabajt (për modelin NW-S736FK), respektivisht 8 gigabajt (për modelin NW-S738FK) për ruajtjen e melodive tuaja të preferuara.
Ajo që është më e rëndësishmja është mbështetja për formatet çdo ditë më të popullarizuara audio e video siç janë, MP3, WMA, ATRAC, WMV, MPEG-4, JPEG e AAC.
Nga detajet tjera teknike duhet të përmendet ekrani LCD prej dy inçësh, lidhja USB 2.0, barazuesi i tensioneve prej pesë kanaleve, pranuesi i radiovalëve FM si dhe bateria e cila mund të “duroj” deri në 40 orë punë të pandërprerë.
Të dyja pajisjet do të paraqiten në treg më 14 mars për çmim të panjohur për momentin.
