Kompanitë kroate çdo ditë largojnë nga 150 punëtorë

Fabrikat në Kroaci për çdo ditë pushojnë nga 150 punëtorë, gjegjësisht nga 750 për çdo javë, lajmëroi sot Shoqata e prodhuesve të Kroacisë.

Punëdhënësit do ta ulin numrin e të punësuarve mbi 63 për qind, ndërsa nëse kriza vazhdon 21 për qind e tyre tërësisht do ta ndalin prodhimin, konsideron shoqata.

Prej këtu porosisin se qëllimi kryesor për momentin duhet të jetë ruajtja e vendeve të punës, e jo përfitimi.

Sipas shoqatës, nëse vazhdohet me trendin e tillë, deri në fund të vitit vetëm në industrinë ushqimore do të largohen nga puna 50.000 punëtorë.