Home
Kompania jugkoerane “Samsung Electronics” prognozon do të përmbyllë tremujorin e katërt të vitit fiskal me fitim prej 3,44 miliardë dollarë, pasi në të njëjtën periudhë të vitit paraprak shënoi humbjen e vetë të parë në histori.
“Samsung”, selia e së cilës ndodhet në Suvon, njoftoi të enjten se në tremujorin e fundit të vitit fiskal 2009 pret fitim të konsoliduar prej 3.500 deri në 3.900 miliardë von (3,44 miliardë dollarë).
Prodhuesi i njohur i çipave të memorieve të kompjuterëve dhe televizioneve me ekran të sheshtë në çerekun e katërt pat shënuar humbje në çerekun e katërt të vitit fiskal 2008 humbje operative prej 740 miliardë von. Kjo ushte edhe humbja e parë e kompanisë në histori, për shkak të rënies së kërkesave si pasojë e krizës ekonomike financiare.
“Samsung” prognozon fitim prej 38.000 deri në 40.000 miliardë von, krahasuar me 33.000 miliardë von të shënuara vitin e kaluar.
Kompania nuk ka dhënë detaje në lidhje me rezultatet e prognozës. “Samsung”, i cili është prodhuesi i dytë botëror i telefonave mobil, pas “Nokia”-s finlandeze, filloi të japë vlerësimet për fitim në tremujorin e dytë të vitit 2009, duke theksuar se kjo do të zvogëlojë spekulimet në treg për rezultatet dhe do të rrisë transparencën e kompanisë.
