Home
Google është duke ju ofruar shfletuesve të uebit disa rrugë më shumë
për të rafinuar rezultatet e kërkimit, duke sinjalizuar një zgjidhje
ndaj kampanjës agresive të Microsoft për të tërhequr trafik.
Ndryshimet që janë lajmëruar gjatë ditës së sotme janë të vështira
për të rënë në sy për shkak se kërkojnë klikimin e një linku “show
options” mbi rezultatet kërkuese të Google. Veçoria ka qenë e pranishme
qysh prej muajit maj, duke e bërë të mundur fokusimin e rezultateve
vetëm në video, forume diskutuese, rishikime apo libra. Tani lajmet dhe
blogjet janë shtuar në listën e opsioneve.
Microsoft ka paraqitur një veçori të ngjashme duke limituar
rezultatet e kërkimit ndaj kategorive specifike si pjesë e një
përditësimi në muajin qershor që ka riemëruar makinën e saj kërkuese në
BING.
Në një lëvizje tjetër, Google është duke i mundësuar përdoruesve të
limitojnë rezultatet e listuara në informacione të indeksuara brenda
orës së fundit. Google veçse ka pasur opsione që kanë sanksionuar
rezultatet e ditës së kaluar, javës apo vitit.
Përdoruesit e Google gjithashtu do të jenë në gjendje ti tregojnë
makinës kërkuese nëse dëshirojnë të shikojnë më shumë apo më pak
rezultate të ndërlidhura me blerje.
Këto gjërat janë shpalosur në një kohë kur Bing ka qenë duke i
ndihmuar Microsoft të përfitojë pjesë në kërkim, që është një fushë
tërheqëse për shkak se tërheq shumë prej reklamave në ueb.
Sipas comScore, e ndihmuar nga një kampanjë e marketingut me vlerë
prej 100 milion dollarë, pjesëmarrja e Microsoft në SHBA është ngritur
në 9.3 % gjatë muajit gusht, prej 8% që ishte në muajin maj.
Nëndërkohë, Google ka qenë në gjendje të mbaj të qëndrueshme udhëheqjen
e saj në rezultatet kërkuese të uebit në SHBA, me 65%.
Microsoft shpreson të përpunojë edhe më shumë kërkesa prej fillimit
të vitit të ardhshëm, duke u merr me kërkimet për Yahoo, e cila ka qenë
përpunuese e 19% të kërkimeve në SHBA. Megjithëse planifikon të bazohet
në teknologjinë e Micorsoft, Yahoo gjithashtu ka shtuar më shumë veçori
në rezultatet e saja kërkuese dhe gjithashtu shpreson të përfitojë më
shumë trafik.
Google ka deklaruar se ndryshimet e fundit janë sjellë në skenë si rrjedhojë e ndryshimit të kërkesave të audiencës.
