Në 2009 Britania do të hyjë në recesionin më të thellë

Ekonomia britanike deri vitin e ardhshëm do të shënojë rënie prej 2.9 për qind dhe do të hyjë në recesionin më të thellë që nga viti 1946.

Këtë e parashikon Qendra për hulumtime ekonomike dhe afariste, e cila paralajmëroi të premten edhe rënie të funtës, si dhe rritje të papunësisë.

Më të rrezikuara nga kriza do të jenë investimet e ndërmarrjeve, të cilat në vitin 2009 do të ulen për 15 për qind dhe gjithnjë e më rëndë do të mund të ngrenë kredi.

Qeveria britanike javën e kaluar paralajmëroi plan për aprovimin e 20 milionë funtave për stimulim të investimeve.