SHBA, marrëveshje 15 mld $ për industrinë e makinave

Shtëpia e Bardhë dhe liderët demokratë arritën një marrëveshje për sigurimin e 15 miliardë dollarëve për t'i ardhur në ndihmë industrisë amerikane të prodhimit të makinave, njoftoi një kongresmen.

Paketa e ndihmës, për të cilën demokratët shpresojnë ta kalojnë në senat javën e ardhshme dhe pastaj t'ia paraqesin presidentit Bush për miratim, ka vlerën mes 15-17 miliardë dollarëve.

Kjo shumë është shumë më pak nga 34 miliardë dollarët e kërkuar nga kompanitë ''General Motors'', ''Ford Motor'' dhe ''Chrysler'', por demokratët shpresojnë se janë të mjaftueshme deri në zëvendësimin e administratës Bush, më 20 janar, nga ajo Obama.