Home
Besimtarët myslimanë të Kosovës po festojnë festën e Kurban Bajramit. Në të gjitha xhamitë e vendit, si në shumë vende të botës myslimane, në mëngjesin e sotëm është falur namazi i Kurban Bajramit, duke sfiduar të ftohin që mbretëronte. Në ceremoninë kryesore të faljes së namazit qytetarë të shumtë kishin dalë ta kryejnë obligimin e tyre fetar. Kryetari i Bashkësisë Islame, Myftiu Naim Tërnava, në mesazhin e tij, për këtë festë, ka thënë se kurbani është institucion fetar, i cili synim të vetin kryesor ka humanizmin e njeriun, pastrimin e tij shpirtëror, begatimin e tij me vlera dhe aspirata të larta, dhe ndërtimin e një personaliteti të shëndoshë të shoqërisë.
